¹ Mɛ Poli ,vamara bɔrɛ na ni kirisa tonbi mɛ babu yele vamara tɔsɔ lema sa o nɛ na ya vamara na, ni cɛn ɲina le mɔni vamara sa cile suan na, ² yele sayɔya len zoere ba jinɛ na yan po won. vamara le cira mancira cira ma o ɲe cira sayɔya len zoere ba sani diɲɛ ji da dan. O bɔrɔ o jan o mɔni were cana na, o da na ³ wajula karifɔ mɛ sano mɛni e kirisa ci vamara jɔn na./ ⁴ Mɛ bɛbe so n na, Tite, wan ke mɛ bi soso na e pi hinɛ lanaya cin na san. E ɲina vamara na ni e kirisi ci yezu kirisa o ni pɛ ni bɛlzuro. ⁵ Mɛ juɛn krɛte yele ma lema sa burɔ bali tamu n bri na ya san cin cana. Nce karan ja kereni ba ja bi ten ten na lakala ɲugo. ɲini mɛ ɲami na yan le ɲɔ. ⁶ kereni ba la lada zeri ciri bali na, kan bi tenci o busan la da lana cana, o yile gɔsɔ ba ɲamu ba o ba ka ka ci na ba o ba da kole juan cina ba. ⁷ karan ja sa muan ci ko vamara ja la ɲugo jina ci. Naa ŋilena pan o da zeri ceri ba li na, o ba da se sago dari ci na ba e ba ban pɛ pɛ na ba da simɛ ɲuan ci na ba, wala lo len suɛn wala tɔnɔ gɔsɔ kuire cki na ba . ⁸ O da veru ɲɔ zamisa ci na, ma cana ɲɔ lo le ci na O dani haciri ce na, o cɛn sɔ vamara sa cilen suan ci, lo le mɔ se. ⁹ o cungunu o tamu karan cana dan dama u da karan ɲa le ɲɔ, yele u gulɔ o ce lala cen bɛn o mɔnini cɛn jɔn karan lana, o zɔgɔ ɲɔkɔrɔ ceri ca la zɔw na ya len jɔn. ¹⁰ Haya la murutini jaani yen lema ni de la la lakala kala pri ni a na jɔn kuntan ya la na. o jaani ko juifu yala lema da tobi. ¹¹ A na ɲe la cana o pi, ben yilena a na de guso dari won la la lakala kala pri, a na da la la karan jɔn ɲamabaliya la na. o jaani ko juifu yala lema da tobi. ¹² Kretena dari, a na won ton bi dari ɲamɔ ni wo: Ini kretena la ko mancira cira caa lenwere, yara gua sa, vɛnɔ, pri ca. ¹³ N jɔn na camu wa. Naa yilena n ɲama na yile cin cana yele wa ci la yan lanaya la won. ¹⁴ A na ba cungunu Juifu yala mɔnsɔn yala ni lala jɔn ɲamɔ yala na ba na lala lema vulɔ cɛn cin na. ^{14 15} Yii na tama ko poromu Vamara se la tɔsɔ yala yan, Napɔyi ko busɔ lanabaliya sa tan. Naya haciri ni a na bɛlɛ bi ko bino na. ¹⁶ A na ɲemi napa ɲini Vamara, naa a na para a ɲe a na dari wali yala yilena. A na ka haramuni murutini yaa, a na gula da ma cana pɔyi.