1
Mɛ poli, le ye kasun won Krissa yezu yiléna, ni a nyibi Timoté ni bebi so vari so ɛ durubacî-kuru ni e walidarinyɔn Filémon na.
2
Ni ɛ nyibi Afiya, nani Arisipu le ni de ɛ na jɔmi wéri la wôn, nani karan-biyo lema ni jamissida n'pon na.
3
E nyina Vamara Nani ɛ cî Yezu Krissa pân na no hɛrɛ jini a mun yan.
4
Mɛ ni de a Vamara mawali wéré mun n'a ziri-va n'nyésan a vazirala wôn.
5
Jɔn yée mɛ San ni ma-ɲuma nani lanaya ye n'won ɛ cî Yezu nani lanacâla lakala yan.
6
Mɛ ni ziri Vamara yilé n'lanaya ma là wani cîla na n'nyini mâ câna le ni le y'ɛ na sɛrɛn Krissa won.
7
Mɛ na bɛn-ɲuma ni bɛn-kɔli jaani n'ma-ɲuma là pân wôn maléda lanacâla ni bɛn-kɔli ya na n'nɛn yan a nyibi.
8
Naa cé Krissa nɛn pân le mɛ na , mɛ gʋlʋ a cé'n malakala won , bissasso , ma-ɲuma là pân wôn.
9
Mɛ jé lamissi a ziri'n ( Mɛ, Poli, ba- nɔncɔn, bissasso kasunbi Krissa Yezu yiléna).
10
Na sam'o na n'da maa dari a na, léké a bii Onésimu mà la, a na lé n'a ye kasûn jâa là wôn.
11
cɔnna o ye ma vari n'na ba, bissasso, o ma verimi ye wân ni mɛ lakala yan.
12
A jugé a c'ô ko n'yan, o maa ma kʋrʋ a san.
13
O nyun mɛ na o jini mɨssé yan tée, o da wali a na wântéléna ni mɨssé ye kasûn jâa la wôn jɔn câna là yiléna.
14
Mɛ t'o yan a da pɔyi ya lé jà nyumun n'na ba, yilé ni jé mâa câna le lakala da la, ba da ni bɛn-ynɛna na ba, o da ni bɛn-ɲuma na.
15
O dé naa yiléna o lʋrʋ n'da pôn wɛn nyiin , yilé n'o kwan n'yan na dapɔn o taamu n'yan soo na.
16
O jâ da ni n'bɔri na sée ba, o kɔra bɔli yâana, o da ni n'nyini na lé ma nyun n'na , o ma nyun mɨssé mûn na o kɔrʋnɨ o ma câna o nyumu wân na o kɔrʋ mɛ bɛn zolônbiya wôn nani ɛ cî se mun yan .
17
Na yiléna ni mɛ ké n'lɔmɔ , mon dama ni mɨssé .
18
No légé n'san mâtéin ni n'jéméré y'o San, cé na mɨssé nyun-wôn .
19
Mɛ , Poli , mɨssé nɛn yan gûn so: A j'o wɨn'san. A t'o yan a nyamu ni n'câna n'nɛn'see kumara là mɛ na ba.
20
câamu so a nyibi, da cîné mɛ na ɛ cî la see yiléna, n'nɛ fɨnfɨna mɛ bɛlɛbi là na Krissa wôn .
21
Mɛ nyé k'o lan'o na ni n'jo da naa-cé a gûn. A nyinu ni n'jo daa fo kɔrʋ mɛ nyini nyamɔ la bɛn .
22
Bissasso,vavari jâa-pô n'câ cîlen, ba mɛ nyé k'o lan'o bɛn ni a vazirala là pân wôn mɛ nyimɛn jé jugu jàa-na .
23
Efafurassi, lé ni mɛ ye da yan kasûn na wôn Krissa yiléna ni dé n'fo.
24
Nani Mariki, Arisitariki, Démasi, ni luki a walidarinyon ya.
25
E nyina Vamara n'o bii Yezu Krissa pân la tâamu a na yiri wôn. Amina .