1
Vari mʋrʋ le ni bɔri pa Davide boobi ni Abramu boobi Yezu Krissa tʋrʋba yala naa ni sona .
2
Abramu wan ke Izaki ɲina , Izaki ma ke Jacɔbu ɲina , Jacɔbu ma ke Zuda no cibo la ɲina .
3
Juda ma ke Farɛsi ni zara ɲina Tamari ka na ɲin . Farɛsi ma ke Esirɔmu ɲina , Esirɔmu ma ke Aramu ɲina .
4
Aramu ma ke Amknadabu ɲina , Aminadabu ma ke Naasɔn ɲina , Naasɔn ma ke Salmɔn ɲina .
5
Salmɔn n'o kaan Rahabu le ka isirayɛlina ba nariya ke Bowazi lʋrʋmica , Bowazi ma ke Obɛdi ɲina le ɲin ni Ruti na , na mun ka isirayɛlina ba , Obɛdi ma ke Zese ɲina .
6
Zese ma ke pa Davide ɲina , Davide ma ke Salomɔn ɲina le ɲin tari ke uri kaan cɔnna .
7
Salomɔn ma ke Robuwamu ɲina , Robuwamu ma ke ma ke Abiya ɲina , Abiya ma ke Aza ɲina .
8
Aza ma ke Zozefati ɲina , Zozefati ma ke Zoramu ɲina , Zoramu ma ke Oziyasi tʋrʋba .
9
Oziyasi ma lʋrʋ Zowatamu , Zowatamu ma ke Asazi ɲina , Asazi ma ke Ezekiyase ɲina .
10
Ezekiyase ma ke Manase ɲina , Manase ma ke Amɔn ɲina , Amɔn ma ke Zoziyasi ɲina .
11
Zoziyasi ma ke Zekoniyasi no cibo la tʋrʋba naa mɔni ni babilɔni weri ciraca la isirayɛli biyo la mɔan la na a wa babilɔni .
12
Isirayɛli biyo la mɔan dapɔn a wa babilɔni , Zekoniyasi ma ke Salatiyɛli ɲina , Salatiyɛli ma ke Zorobabɛli ɲina .
13
Zorobabɛli ma ke Abiwudi ɲina , Abiwudi ma ke Eliyakimu ɲina , Eliyakimu ma ke Azɔri ɲina .
14
Azɔri ma ke Sadɔki ɲina , Sadɔki ma ke Akimu ɲina , Akimu ma ke Eliwudi ɲina .
15
Eliwudi ma lʋrʋ Eliyezari , Eliyezari ma lʋrʋ Matan , Matan ma lʋrʋ Zakɔbʋ .
16
Zakɔbʋ ma lʋrʋ Zozɛfʋ le ke Mariya bara , Mariya ma ke Yezu ɲin , Yezu ma ke ne komi le na ni Krissa .
17
So wa ke Yezu tʋrʋba yala ɲe ɲinako la : tʋrʋba fo ni nasi o lʋrʋ Abramʋ san o ko nɛn Davide na , tʋrʋba fo ni nasi o lʋrʋ Davide san o ko nɛn isirayɛli biyo la mɔan la a wa babilɔni nani tʋrʋba fo ni nasi o lʋrʋ na were la san o ko nɛn Krissa lʋra la na .
18
So vari le bɔri ma lema da Yezu Krissa lʋra la cilen . O ɲin Mariya tari nɛn ko nɔ Zozɛfʋ na , sani a na je zun da yan Zozɛfʋ lʋrɔ pɨnpa won no ko zangalɔ wa haciri cana paan la won .
19
O sanaci Zozɛfʋ ke lo wa le sɛnri Vamara ton maya la tan ; o biri o ɲe o san no wa ta ni jo tʋrʋ seba , o ma to yan o da ni cii na o san layala sɛrɛn ma, jo sumu na o pɨnpinʋ ɲun tan
20
O tamu na maya la miri la won jan-jaani na je Vamara mɛlɛkɛ dari ko se bɔrʋ na jɔsa la won o ɲamʋ na , "Zozɛfʋ , Davide bɨ , ba n'bɛlɛ ciri Mariya tʋra la na n'dɔ ni n'ka na ba , maleyilena , bila le po y'o san na lʋrʋ haciri cana won .
21
O je bɨ balo lʋrʋ ɑ j'o jomu ni Yezu , maleyilena o wa ni je o laya la ɲun ze a na magɔsʋya la tan .
22
So maya lakala daa yile Vamara nɛn cen ɲina-ɲinaci Ezayi na n'o gun ma lema o ya jɛra la ɲe pʋsʋrʋ .
23
Ce n'zara , ka le ye balo ɲini dere ba je po tʋrʋ o lʋrʋ bɨ balo . Ana j'o komu ni Emanuwɛli , le taan ni Vamara y'ena yan."
24
Zozɛfʋ sa kɔra dan o lʋrʋ jɔmi na won , Vamara mɛlɛkɛ la ɲamu n'o da ma lema la o da nariya . O tʋra Mariya o c'o yan o da n'o ka na .
25
O ma ye pʋnʋ yan ma fo wa nɛn o bi balo la lʋra la na . Je o co yile Yezu