parfait-ayanou-pnq_3jn_text

Jɔn-ɲun 1

¹ Mɛ, karan-biyo la sɛrɛn lô cɔn, n'i bébi so Gaïus na, lé ma-nyun mɛ na. ² Wân lé ma-ɲun mɛ na, mɛ ni sam'o na n'da ma lakala yilé n'fïya la kʋrʋgʋ dama ni n'bɛlɛ-bi la. ³ Mɛ bɛlɛ ɲuma o kɔrʋnɨn, maléna, ɛ nyi-biyo dariya kwan mɛ yan té a na kon'cʋma ɲamu , ni n'yé cɛn-cén bɛn ni n'véri cɛn la wôn . ⁴ Ma pɔyi gʋlɔ ɲumu mɛ na o yi so, a nʋgʋ n'a bũnsân la ni véri cɛn-cén bɛn. ⁵ Wân lé ma-ɲun mɛ na , ni'n dé ma wo ma ɛ ɲibiyo la na , ni'n dé na bitén na veéro la na . ⁶ Nariya ɲamu n'ma-ɲuma la cʋma karan-biyo la sâcîla yan . Mɛ ni ziri'n d'a na jɔmi a na cén-véri la wôn o mɔnʋ ni Vamara sé sɔgʋ la na . ⁷ Maléyiléna , a na ni dé ɛ ɲun-cî la sé yiléna cén-véri ya , a na ye si'n a zé lema ɲiné Vamara ba , lôn-yi pɔyi . ⁸ E pa'a câna ɛ jamissi na laya la ɲun ni mwan-ko câna na , yilé ɛ da ni a na walidari-ɲɔn ya na cɛn wali la wôn . ⁹ Mɛ baba vari ji'njin karan biyo la na , diyotirɛfu lé y'o yan o da n'a na sâcîla yan cî na la ye siɲ na tân ma . ¹⁰ Na-cé ni mɨssé ni kwan léwéré , o da ma-gɔsʋ ya ni jɔn-kʋsé ya na ni mâncîran-cîra lema ɛ na san na , mɛ hacîrî jé cusu na ya kô . Na pɔyi y'o bɛlɛ zuru ; ɛ ɲibiyo lema ni koé la , o jamissira nariya ɲun ma , lema ma y'o yan a jamiss'a na ɲun , o siɲɛra nariya ma dɔ ba n'o jũs'a na n'o biri karan-biyo la sɛrɛn . ¹¹ Wãn lé ma-ɲun mɛ na , ba magɔsʋ ɲélïsi ba , lïsi ma-câna ɲé , lo lé ni dé ma-câna na cî lʋrʋ Vamara'a wôn , lo lé ni dé ma-gɔsʋ na cî sâ yé Vamara na ba . ¹² Lemu ni ɲémi Démétrius yilé câna , hali ciɲɛ la sé mun ni ɲém'o yilé câna . Epa mun ni ɲém'o yilé câna , n'ma ɲinu n'ɛ pa cʋma ɲama la ciɲɛɲa . ¹³ Mɛ mɔn so vari so gwan ɲé léwéré , jɔn jaani ya wôn a ɲami n'na . Bissasso , mɛ tãn'jé na da ni vari baba na ba . ¹⁴ O wɛn jâ tɔlʋ ba, mɛ sé jé ko n'yan ; na wéré j'é ɲam'ɛ nɛ da na . ¹⁵ Va nɛ hɛrɛ n'na . n'dʋrʋbacâ la ni dé n'fo , d'ɛna dʋrʋbacâ la lakala fo ɛ na yiléna .