¹ Awungu - tusenu , ha gukala nu guvila adi mutangu dignigni gumbata , nu gua mafumu ; ha gua avila nu ha gukala pene - pene mu ima ya bonga. ² A wugudisenu ha gu segulula muthu ndo , gukalando nu yipapa , guzala pha nu gudine mesa , gudikulu muisa gu thuama dia athu. ³ Uvi etue nji tuakadi mu ilumbu iko gu vando nu gukonda guva tuakalele tua gutota nu tuabuile tua gutota nu tuabuile ahiga nu kiese. Tujingile mu ima ya bola , tuakadi ya gumuangana nu nji tukalele gudi feta etue nu etue. ⁴ Uvi gutshigina gua Nzambi muhuluishi wetu nu gutshigina gue nji gua athu a zogele. ⁵ Watuhului shile , gutshigo mukunda nu mudimo ya masonga itua kadi nayo ya gukita , uvi mu khenda jienji watu hulu shile munjila ya mbotika umu mubuisa muthu wa mpa nu guhetenji pheve ya mpa. ⁶ Nzambi wa muangela mua vula pheve ya bonga holo dietu mu nzila ya Yesu kilisto mubambi wetu. ⁷ wa ikitile ha gulagi , gukotolola lusagumunu , tua buile suana mu njila ya gu kita luzengu lua mayila go. ⁸ Ndinge idi ya lukumu lua gutshigina gu ima ya bonga nu nji adi nu gudindamana mu Nzambi , nu gudi hana mu ima ya bonga ya muhaga ha tuama ima yene idi ya bonga idi nji nu funu gua athu a bonga . ⁹ Uvi mutengigo gudi nana mumazuele selo egna diboma dia gishina nu gumuna nu gimbegni gidi muyila mu mikhwala , idi ima ya boma sogni. ¹⁰ Katuga pene - pene nu eye , gugnima dia wathomo nu gugnima dia gutemezeya gua giyadi, muthu wagaswe udi mukamba gudi kapumuna mukatshi dienu. ¹¹ Nunji muthu munu udi mukita gubola , udi gudi shiya ha khenji. ¹² Mukumbi mba ngu gutuma gu artemas nu gu tychiga , dikatule ha guza gu ngusanga gu nicopolisa , nu hene nga muenene sungi ya guhuma gua vula. ¹³ Dikatule mba ungutumine zenasa , ngambi wakoma wa mikwala nu apolosa hamuene gukonda gima ndo. ¹⁴ Athu etu adi nayo ya gukita ima ya bonga ha guheta ima ya funu akadi go ikunya. ¹⁵ Agaswe adi neme adi gumi hanena lumene , hanenu lumene gua agutshigina.Mambote akhale nenu agaswe.