¹ Paulo musadi wa nzambi ngenji ya Yesu kilisto mukunda nu gutshigina gua athu aponeye gua Nzambi nu gujia ima ya masonga idi mudi gubungisa nu gunjia gua masonga gudibungisa mu yima ya bola . ² Idi muhululuga mu gudifelela gua monyo wa mayilago ya Nzambi gua na mba mambo go wa : ahule laji sendesele mua leha . ³ Mukumbi diene wa lezele nginga yenji mu malongi a nguhuile ha gulonga , Nga muene go ikita mushigo jia Nzambi mugulushi . ⁴ Gua tito , mona wa mayilago mu gutshigina gua gimvuga ; mambote nu ngemba ya Nzambi Tata nu Yesu Kilisto mugulushi yetu . ⁵ Mukunda nu nganyi , nga gubembeya gu veta mukunda uhage ima ikima mu ngonga inyi gisala giayo giahuilego , enji uhage mu gifundo mu membo akoma ma mbuta wanyi azudile malongi . ⁶ Mbuta wa dibundu ufeto khala go nu gifu , gukhala nu mukhetu mumoshi , nu ana adi nu masonga , wanyi ashi go athu a bola ashigo nu lujito . ⁷ Idi ya bonga gua mubande meno , mu gisalo gienji gia Nzambi , nu muene ufeto khala go nu gifu . gua feto khala go muthu wana zuela muavula enji udi gisaga - saga gua feto khala go muenya khabu , enji muthu wa nu langa matondo , gukala ndo muenya gingolongolo gukhala ndo muenya nzala ya ima ikima . ⁸ Uvi ufeto khala , muthu udi muyambi wa athu , futa dia ima ya bonga . Muenya khenda , wa masonga , udi mutshima ula phe , enji udi mu gudikeba . ⁹ Ufeto khala wakwate nginga ya makielega mutshindo ya longeye , asuga ufeto hana gikesa gua athu ako , nu malongi a bonga , nu gu katula ifu gua anyi adi n'ayo . ¹⁰ Athu avula adi nu ndinga jia phamba adi muzula athu , ha gu abata mu njila ya bola . ¹¹ Idi ya bonga , ha gu aleza a bembe . Adi mulonga ndaga jinyi jidi jia phamba - phamba jinyi jidi mu yunganesa familia jiko . ¹² Mu moshi mu katshi dia athu ene , muthu wa gutema nu ndunge wa zuelele egi " Enya gu dimbo dia kreta enya mambo , shitu jia bala nu mavumo a imonya " . ¹³ Gimbambi gigi gia masonga , hene abalele mu phila ezula lukuikilu ludi lua phelegeta . ¹⁴ Mu zudi go ngindu jia shimbu jia enya yuda , nga shigo jia athu adi mubalugila masonga . ¹⁵ Mukunda nu anyi adi athu a phelegeta , ndaga jidi jia phelegeta ; uvi gua wanyi adi ajiyago gima , ngindu , nu mabanza adi . ¹⁶ Adi mu monesa egi ajiya Nzambi , uvi ndaga adi mukita jidi mu leza gima gia gukunda . Adi a shaga , atu niya . Ashigo nu phila ya gusala gima gia bonga go .