¹ Mu gi khela gia gilumbu gia thomo gia phoso , ga phipha ga kalele nji gwene , ² Hene , a zudile phushi mu za gwe simoni phetelo nu mulongogi miko yonu Yezu a tshigile , enji a zwelele egi : " A katula fumu mu majiamo , tushi mu jiyago gwi a mu hagi." ³ Hene , phetelo mu mulongogi muko a zogele muya gu majiamo . ⁴ A ile mu phushi muya di awo akima , uvi yonu muko wa bagelele phetelogu phushi , wa kumile muthu wa thomo gu majiamo . ⁵ Wa shiwugile ha gu tala mu katshi ; wa monele milele ya gu tumbiga hoshi mu mavu , wi gwa ngidile go mu katshi. ⁶ Simoni phetelo wa kumile gu nyima dienji mu ngidile mu katshi.Wa monele milele ya gu tu mbiga mu mavu . ⁷ Nu ( milele ) gitemba ginyi gia hageye gu mutwe , gitemba gia kalele go hama ha moshi nu milele iko ya hageye hama hako . ⁸ Hene , mu longogi muko , yonu wa kumile muthu wa thomo gu majiamo wa ngidile nu mwene ; wa monele hene a kwikile . ⁹ Mukunda ti nu henyanyi a kalele mu jiya go ngada ja sonegeye ja kalele mu zwela egi Yezu , imba u mu futu muga gu lufwa . ¹⁰ A longogi a vutugile mu jinzo jawo. ¹¹ Uvi , mariya wa maganele honze , mudila .Tangwa a kalele mu dila , wa shiwugile enji wa kalele mu tala mu katshi dia wina dia majiamo. ¹² Wa monele ma wanyo muyadi a sudiga milele ila phe , mu moshi gu mutwe , muko gu malu hama ha hageye mwila wa yezu. ¹³ A mu lezele egi: " mukhetu eye mukunda nu ikhi udi mu dila ? " wa vutudile egi: " mukunda a katula fumu wami , ngu shi mu jiya go gwi a mu hagi?" ¹⁴ Tangwa a zwelele nganyi , wa balumugile wa mona Yezu wa magana mu malu , uvi jiyile go egi yagi Yezu . ¹⁵ Yezu wa mu lezele egi : " mukhetu eye , ikhi udi mu didila? nanyi u mu kamba? wa kalele mu yindula egi muthu wa nu sala gisalo mu gilanga , hene a mu lezele agi; "Fumu , gula eye wa mu katula , ngu leze gwi wa mu hagi , ngu ye ngu mu zule" ¹⁶ Yesu egi : " maviya " wa balumugile enji wa zwelele mu ndinga yawo egi: "Rabbi" disongidila, "Longi". ¹⁷ Yesu wa mu lezele egi : " u ngu kwati go , mukunda kanji ngu kanduya go gwa shami ; wi inda gwa aphangiami nu a leze egi nga kanduga gwa shami , udi shenu , nzambi wami udi nzambi wenu " ¹⁸ Mavila wa magadala we jile wa leza alongogi egi: " Nga monyi fumu, " enji mwene wa ngu leza ndaga jiji. ¹⁹ Mu gingweze gia gilumbu giene , gilumbu gia thomo gia phoso , mifulo ya gisaphaga gia kalele a longogi ya kalele ya gu kanga mukunda nu woma a kalele mu vwa mukunda nu ma yuuda , yezu we jile mudi monesa mu katshi diawo wa magana , wa a lezele egi: " Ngemba ikale mu katshi dienu " . ²⁰ Tangwa a zwelele nga nyi , wa a lezele mago nu ji phanji" ²¹ Yesu wa a lezele nji egi : ngemba ikale mu katshi dienu ! mu phila shami a ngu tumile , n'eme ngu mu mi tuma ." ²² Tangwa yesu azwelele nganyi gwa suga , mu phephe umoshi wa a phuphudile enji wa a lezele egi : " Zulenu pheve - santu. ²³ Yonu mba mu lolula masumu , mbadi mu mu loluga , yonu mba mu tuna gu lolula , mba gwa lolula go". ²⁴ Toma , mu moshi mu katshi dia kumi nu muyadi gwa kalele go tangwa yezu ejile. ²⁵ A longogi ako amu lezele gu nyima egi :" Ta monyi fumu ." wa a lezele egi : " Gula nga monele go mago enji , nu hama ha khokheye sonzo enji gula nga mbile go munwe wami mu luphanji lwenji go , nga mbo kwikila gami". ²⁶ Gwa bale gele ilumbu nana , alongogi a kalele nji monzo toma wa kalele hene mifulo ya gisapha ya kalele ya gu kanga , yesu wa monegele mu katshi diawo wa magana wa a lezele egi: " Ngemba ikale mu katshi dienu . " ²⁷ Wa lezele toma egi : " phusa munwe u ngidise gu mago ami ; enji phusa koko diaye di ngidise mu phanji yami ; u kala go mwenya gu konda gu kwikila , uvi kwikila " . ²⁸ Toma wa vutudile egi " fumu wani udi wa Nzambi wami". ²⁹ Yesu egi : " Mukunda wa ngu mona , hene wa kwikila lusagumunu lu kale gwa athu wanyi a mu kwikila konda gu mona ". ³⁰ Yezu wa kitile idimbu iko ya vula gu twama dia alongogi , idimbu yene ya sonegeleye go gu mukanda wuwu; ³¹ Uvi ngaga jiko jia sonegeye mukunda mu kwikile egi yesu udi kilisto , muna Nzambi , enji ha gu kwikila nganyi , mba mudi mu zula lujingu mu jina dienji