¹ Eme Yakobo, yonu wa nu salela Nzambi nu fumu Yesu Kilisto nga mitumila mbote enue athu a ikkanda kumi nu uyadi. ² Azulenu nu kiese, tangua mudi mukapha ndaga jia phila nu phila, adi Aphangi. ³ Gula mudi mujiya egi lukwikilu lwenu ludi nu mu tangwa dia phashi, mba udi mu leza egi wana knga mutshima. ⁴ Gukanga mutshima gukhale n'enu ti kuna mukunda mukhale mua kuwa, enji gukonda ndo ata gima. ⁵ Uvi gula muthu mu moshi mu katshi dienu udi wa konda mayele, alombe mayele gwa Nzambi, enyi Nzambi mba udi gumuhwa mayele mu kunda Nzambi wana tshigina mwa vula athu anyi adi nu mitshima ya bonga, ⁶ Uvi muthu yonu udi mu lomba gwa Nzambi ufweto haga mutshima kaka ha guheta inyi adi mulomba. Muthu yonu udi fwa gitembo gia meya gia na nyigishiya gu muphephe wa na gu mubata khanda ikima adi muya. ⁷ Muthu yonu, gwa lenda go guyindula ha guheta gima gwa fumu Yesu Kilisto. ⁸ Mukunda udi muthu wa mitshima iyadi udi mu balula ikalulu konso tangua. ⁹ Phangi yonu udi mago agithugu akhale nu kiese mukunda mba ukhala gutwama. ¹⁰ Uvi muhtu udi mvwama, mba udi mi khala gu ngima mba ubalega phila gintuntu gia mu temu giana uma. ¹¹ Gula tangua dia zoga ni tshiya twa ngolo, nu guvmisa gintuntu, gidi mu bwa nu gutoseza gubonga. Giteso gimoshi nu muthu udi mvwama mba udi mubwa nu katshi dia gisalo gienji. ¹² Kiese gua muthu udi mukanga mutshima. Nu kunda gungima ya gumona phashi mba udi mu heta gipu hia lukumu gia lujingu lwnu Nzambi mba ahwa athu anu mutshigina. ¹³ Ishi ata muthu kula wa bwa mu masumu azuedi egi Nzambi wa ngu buisa mu masumu mukunda Nzambi ga na bwa go mu ima ya bola, nga gutwala muthu mu masumu. ¹⁴ Uvi konso muthu wa na bwa mu masumu mukunda nu ndaga gienji gia bola jinyi jia mu mutwala mu masumu tangwa udi mu yindula ndaga jia bola jidi mu buta masumu. ¹⁵ Tangua masumu adi mu vula, adi mu bata lufwa. ¹⁶ Aphangi'ami nga tshigina mu khala go gudi dimba. ¹⁷ Makapo a bonga adi mu katuga gosa, ana katuga gwa Nzambi mwene udi giteso gi moshi, gua mwene phipha gu thugu. ¹⁸ Nzambi wa phonele a gutuhua monyo nu gu tu sadisa mu ndinga ya masonga, mukunda tu khale athu a thomo mu katshi dia ima ikima asalele. ¹⁹ Enue aphangi nga tshigana mu fweti jiya egi : muthu nu muthu akhale wa guyilama ha guvwa ndinga ya Nzambi, uvi muene gukhala ndo muenya khabu nu izuele. ²⁰ Khabu jia muthu jiana lungisago masonga a Nzambi. ²¹ Mu bemba masumu nu ndaga jia bola, mu katshi dia gudikulumusa ba mudi muheta ndinga mba ikuniya , mba idi mu nigulusa monyo. ²² Mukhala athu adi mu salela ndinga ya Nzambi, uvi gukhala ndo athu adi mu uva phamba, adi mu di mbila mambo. ²³ Uvi gula muthu udi muvua ndinga ya Nzambi kansi guyisalela ndo udi gi fwa muthu udi muditala gu thala thala. ²⁴ Udi muditala mu mbala imoshi udi mujimbila phila ya gifwaniso gienji. ²⁵ Muthu yonu udi mutala mua bonga mu katshi ya shigo jia ngemba jia bonga ufwete gusale mu phila yene, uvi gula udi khuta muthu wa nu vua phamba ebuna wa totesa ndaga yene, muthu mba udi muzula lusagumunu mukunda nu ya bonga. ²⁶ Muthu udi mu kwikila egi wa jiya ginzambi uvi gwa shi ndo mu keba kano dienji udi mu dimbila mambo, ginzambi gienji gidi gia phamba. ²⁷ Ginzambi gia bonga gu twama dia Nzambi Tata gidi : gusalela ana akobda ibuti nu akhetu wanyi adi mi fidi mu phashi, nu gutala mavu mua bonga.