¹ Tanguedi , ngu mumisonegela mukhanda wa giyadi enwe a pangiami nga tshigina mwavula mukunda muhungulule. ² Ndaga ja diangele gumijishisiya gudi aprofeta nu lukhano hua fumu nu muguluhi wetu mukunda na alongogi. ³ Jiyenu thomo nyi iledia ya tola mba imuza mu gilumba gia suga , mba imulela , mba imuwenda mukunda nzala giawo jiamvila. ⁴ Egie "laji dia guvutuga guendji didigwi"? a tata afwa , ima ya bega mutshindo umoshi yandiga gukalegela gwa ima yagwese. ⁵ Akalele nu guji mbila mayilago egie dilu nu mavu azogele mu meya , nundji mu fila meya , gwaleha gunu mujila ndinga ya nzambi. ⁶ Mukunda nu ima hene mavu adindile mu meya nundji amwagenene. ⁷ Tala madilu nu mavu ahageye mukunda nu tuya mu mukwala hunu ya hageye mukunda nu gusambesa gwa suga nu gumwanga gwa ima ya bola . ⁸ Apangi aluzola mwa lendago gujimbila gima , gilumbu gimoshigudi fumu gidi ilumbu funda dimoshi dia , ivo funda dimoshi idi gilumbu gimoshi. ⁹ Fumu guenu shipa go gulungisa malaji enu hana hangenyi athu amukwila udi nu gunengena mukunda muthu gubila lo , umutshigina egie mthu gubilan lo. ¹⁰ Kashi athu agaswe afu go , kashi abalumune mitshima tangwedi , gilumbu gia fumu mba giza hangenyi muyi dila ùba dibalega mbala imoshi nu mwalu wa koma ima ya hamavu mba imuhia tshiya, isalo yagaswe mba izoleya apelo. ¹¹ Mukunda ima ya gaswe mba ikala ya gushiya mu pila yene igni enwe mbamukala athu apila khi mwambolo kala gujinga mu gipeve nu gudikenza. ¹² Jingienu gunenga guza gua gilumba gia nzambi tangwa dinyi dilu mba dihio tshiya nu ima ya gaswe mbailema. ¹³ Tumunenga laji diendji , nu dilu nu mavu apa anyi mba akala nu masonga mu ndaga jiagaswe. ¹⁴ Hene apangi ami agutshigina tunengenu ima yene , enue salenu ngolo mule gukala nu mvinda lo nu mataba , ale gumubalela lo. ¹⁵ Jiyenu nyi gunenga gua fumu mietu idi lufutu luetu gifenyi polo asonegele ha gumona gu tema guamuhwiye. ¹⁶ Polo umuzwela ima iyi mu mikanda gunu umuleza ima ndaga ya kola hajiya athu agujimbila nu ulegelege amubolesa jindaga hangenyi amubebesa ya. ¹⁷ Nzambi mukunda ife mayilago mu njila ya gufutama , kalenu mwatema ¹⁸ Ndenu mutagana khenda nu gujiya ya fumu numugulushi wetu yesu kilisto , lukumo nu kembo gwa yesukilisto.