¹ Simoni petelo muhiga enji ntumwa ya yesu kilisto , wanji a mutshigina mu tu kurkilu lua bonga ta zangudile lukwikilu mu masonga a nzambi wetu gwa fumu yesu mugulushi wetu. ² Bemba mambote akhale nu enue ngemba iyige gujiya gwa nzambi , nu gwa yesu fumu wetu. ³ Yima ya gaswe idi mu talela ngolo jia nzambi mukunda nu lujingu ya tu huiye , nu njila ya gujiya gua nzambi ,muene wa tu tamegele mulukumu lwenji nu masonga enji. ⁴ Muyima yiyi watu huile laji dia koma nu dia bonga ya khele ngenyi mukunda mukhale enji athu adi mu ima ya ginzambi , mukunda mwa gulugila gu lufwa gudi ha mavu , mukunda nu nzala ya ima ya bola. ⁵ Mukunda nu ngenyi , kiteno mwa bonga mukunda nu kuzula masonga ,u lukwikilu lwene , nusigiya guenu ,u masonga. ⁶ Mukunda nu gujiya guene igenu gu kanga mutshima , enji nu gukanga mutshima ye gingolo - ngolo , mu gingolo ngolo gienu mu ige gisantu. ⁷ Mugisantu gienu mu ige guditshigina gua gipangi. ⁸ kana yima yiyi yidi gue hene , idi mukula , mba mukhala go ikunia mu guyiya ima ya fumu yetu yesu kilisto. ⁹ Guvi yonu guashi go nu ima yiyi , enji uvi mukanda ima idi pheve - pheve nu muene udi gifofo wa jimbidile gukhatula gua masumu enji a kulu. ¹⁰ Hene , phangi sala mua bonga ha gujiya egi wa tamegeye nu gusolama guaye kana udi mukita ima inji mba ushigo mu bwa go. ¹¹ Mu phila inyi gungila mu gifumu gia mvula na mvula gia fumu wetu nu mugulushi wetu yesu kilisto mba gudi gumiweya mwa vula. ¹² Hene mba ngukhala phene - phene a gu miyibugisa ima yene ata mua nu yiya , henyaha mudi nu ngolo mu masonga. ¹³ Ngudi mu indula egi , dia lunga ha gu mi zugisa , nu gumiyibugisa mu tangua didi ngudi mu tenta. ¹⁴ N gajiya egi gushi gu gwa leha mba ngu zoga mu tenta yiyi , muphila ya ngu lezele fumu wetu yesu kilisto. ¹⁵ Mba ngu kita mu phila ya bonga mukunda mba mu bambuga ima iyi gu nyima gua guya gwami. ¹⁶ Mukunda ta hatele getugo sago jia mambo , jia khalele muzuela tangua dinyi ta mi lezele ngolo jia gumonega gua fumu wetu yesu kilisto , uvi ta khalele go athu a monele ginene gienji nu meso. ¹⁷ Nzambi tata wa muhuile lukumu nu khembo mu tangua ndinga imoshi ya lukumu lwenji lwa koma lwa viye " yoyo munami wa gutshigina nga nu haga mutshima " ¹⁸ Ta vile ndinga yene ya katugile gosa mu tangwa dinyi ta khalele n'enji ha mulundu ya santu. ¹⁹ Tudi nu ndinga yene ya zueleye inyi ya bonga , mudi mu kangama nayo idi ele mwinda udi mu lema ha gifundo gia phipha , mu tangwa dinyi mwanya mba uzoga enji temwa ya gimegena mba izoga mu mitshima yenu. ²⁰ Ha guya ndiga jiyenu ima iyi egi , gushi ata ndinga ya thomo ya zueleye mukunda nu ndinga ya nzambi ishi go mu katuga mu gubalumuna gwa gimuthu go. ²¹ Mukunda gushi ata ndinga wa zueleye go mu luzolo lwa muthu uvi athu a zuelele mu ngolo ya pheve santu ya katugile gwa nzambi.