¹ Nga mi bondila gutwama dia ima ikima egi tangua mudi mu samba , nu guvutula matondo , nu gulomba ima iko yovula , ha tomo lombenu mukunda n'enji nu athu ako. ² Mukunda nu mafumu nu athu ako adi mu phila egi athu akhale mu lujingu lua ngemba nu lua hima , ha guyinga mu ginzambi nu lwa lujitu. ³ Inyi idi ndaga jia bonga jidi muhua nzambi kiese udi mutugulusa. ⁴ Muene udi mu tshigina egi athu akima aguluge enji ajiye ndaga jia masonga. ⁵ Mukunda nzambi udi mumoshi , enji muthu mu moshi udi mu tu vugisa mukatshi dia athu nu nzambi , yesu kilisto. ⁶ Muene wa di hanele muene akhenji ha gutukatula nu gubola idi gimbangi gia bonga gia zueleye mu tangua dia bonga. ⁷ Mukunda nu nganyi , wa soleye ha gukhala longi nu tumwa ngudi gumi leza masonga ngu shigo mumba mambo ngudi nga longi mukunda nu gujisa malongi nu gwa athu adi aphanyi mu lukwiluku wa masonga. ⁸ Nga tshigina egi athu a sam,e nzambi muma mukima , atuphule mago ala phephephe , konda guvwa khabu , nu gumonda gumana. ⁹ Ngudi nji mutshigina egi akhetu asudige milele ya bonga muphila ya bonga gutunga ndo sugi, gusudiga ndo mayaga mushingo , gusudiga ndo mulele ya thalo , uvi a sudige mu phila ya bonga. ¹⁰ Uvi asudige mwa bonga milele inyi idi ya akhetu , enji asalo ya bonga ya kuwa nuakhatu inyi idi mu hana lukumu. ¹¹ Mukhelu udi nu ya guhata malongi kanodia gukanga nu gu lemvugela malongi ene. ¹² Ngushi go mu hana njila gwa akhetu ha gulonga to guyala a mala , uvi adi ne ya gukhala tedie. ¹³ Mukunda nzambi wa salele na thoma adama , gungima eva. ¹⁴ Ishigo adama wa dimbiye gwa nioga , uvi ya khalele mukhetu wa dimbiye hene mukhetu ashiyile shigo jia nzambi. ¹⁵ Lulu ngayi mba ugulushiya tangua mba a buta ana kana udi mu jinga mu lukwikilu nu gutshigina , nu ginzambi gula udi nu mabanza a konda gifu.