¹ Ana nga misonegela ndaga jiji mukunda musadi go masumu ; guvi gula muthu mumoshi wasala masumu , tudi nu ngambi udi mutuzuela gutwa ma dia tata yesu kilisto mwenya masonga . ² Udi muthu umu tukatula masumu ishi go eswe phamba go , uvi gua athu a ha mavu a kima mukunda nu nganyi tajiya egi tudi mumu jiya hene tudi mu bamba shigo . ³ Jenji muthu unu zuela egi ; Nga jiya nzambi uvi guashigo mu salela shigo jene go udi muthu wa luvunu , guashigo . ⁴ Nu masonga henyaha , muthu mukima . ⁵ Di mu salela ndinga y'enji mu masonga , mukhatshi dia muthu yonu gutshigina gua nzambi gua khalele gua bonga ; nganyi t'ajiy ' egi tudi mukhatshi dienji . ⁶ Muthu udi muzwela egi nga khala nu nzambi , guwenda guenji gukhala giteso gimoshi mu yesu kilisto gua ha khalele muwenda. ⁷ A phangi agu tshigina , nga mi sonegele go shigo jia mpa go , guvi jikulu jinyi mwakala nayo ; yandiga gu matwama . shigo ukulu idi ndinga inyi mvavile . ⁸ Ngudi gumisonegela shigo ya mpa ya masonga mu yesu nu gua enue akima , mukunda pipa ya huile myanya wa zogela gale . ⁹ Yonu udi muzuela egi ngudi mu myanya uvi gueshigo mutshigina phangienji udi muphipha nu magino . ¹⁰ Yonu watshigina phangienji udi mukatshi dia mwanya , gua jiyile go gubua , guene gubua gushigo mukatshi dienji . ¹¹ Muthu udi me feta phangienji udi mu phipha udi mu wenda mu phipha ; gua shigo mujiya guma guadi muya , mukunda phipha ya mushiya meso . ¹² Nga misonegela enue anami mukunda masumu enu amiviya jikhenda mukunda nu jina dienji . ¹³ Nga misonegela enue a tata mukunda mua jiya muthu muene ha luyangigu ; nga misonegela enue ana mala egi mua nungile muthu wa bala nga misonegele ana mitumba egi mujiye Tata . ¹⁴ Nga misonegela enue a Tata , mukunda mu jiya yonu wa yandigele , nga mi sonegela ana mala mukunga mudi nu ngolo enji ndinga ya nzambi idi nenu , mua nunga muthu wa bola . ¹⁵ Mutshigina go mavu , nu ima yi kima ya ha mavu uvi muthu wa tshigina mavu , gutshigina gua Tata gushi mukatshi dienji go . ¹⁶ Inyi yikima idi ha mavu ,(gutshigina gua mvila gutshigina gua meso , nu lulendo lua lujingu ) ishigo mukatuga gua Tata , gudi muza ha mavu . ¹⁷ Mavu nu ima y'enji Ikima mba idi mubalega ; uvi muthu mukima udi mukita luzolo lua nzambi udi nu luzingu lua konda suga . ¹⁸ Ana mitumba , didi tangua dia suga kiteso gimoshi mua lezeye egi mbeni wa kilisto udi muza lulu ngagi mambeni azula azoga gia henya ha tajila egi didi tangua dia suga . ¹⁹ A zogela hakhatshi dietu , uvi akalele go n'etue mukunda kana akalele etu , abolele gukhala mu katshi dietu tangua dinyi azogele mu katshi dietu , akedi go etu . ²⁰ Uvi muazangudile mafuta a muthu ya kielega , nganyi khungiene akima mua jiya masonga . ²¹ Nga misonenelego mukunda mushigo mujiya masonga , uvi mukunda mua mujiya egi luvunu guthuhu ha katshi dia masonga . ²² Nanyi muenya mambo , gula gushigo muthu udi mutuna egi yesu udi kilisto , muthu muene udi mbeni diago dia kilisto , ata wa tuna Tata nu mona . ²³ Ata nanyi udi mutuna mona guashigo nu Tata ; uvi mukima udi mujiya mona , Tata udi n'enji . ²⁴ Mukunda n'enue akima mwa vile mu luyandigu udi mukatshi dienu uvi gula ndaya mua vile mu luyandigu jidi mukatshi dienu ,mudi mukatshi dia mona mukatshia dia Tata . ²⁵ Talenu laji dia mi hanele ;wjingu lua mvula nu mvula . ²⁶ Nga misonegela ndaga jiji mukunda nu athu anyi atotele . ²⁷ Luenyelu mukanda nu enue mafuta anyi mua kungiye adi mukatshi dienu , enji mushigo nu funu ya muthu wa gumilonga ndo. Uvi mukunda mafuta enyi adi mumilonga ima ikima , idi masonga , uvi mambo ndo , enji a milongele khalenu mukatshi dienyi . ²⁸ Luenyelu , anami khalenu n'enji mukunda , gilumbu mba eza mu vutuga pushi - pushi , mba tuvua sonyi gutuama dienji . ²⁹ Gula mua jiya egi udi wa bonga , mua jiya egi , muthu yonu udi musalela masonga wa butugile mu katshi dienji .