¹ Uva aye, zuela ndaga idi yabonga gu mikhwala. ² Athu agukula adi n'ayo gukhala handuedi, nu matangi abonga nu gutshigina, mu guzumba nu mu gudindamana. ³ Hene hamoshi akhetu agukula adi n'ayo gukhala gifua athu agu nemesewa, ashigo n'ayo gukala enya lufeto. Ashigo n'ayo gukhala akuatewi a matombe. adi n'ayo gulongesa ndaga jidi jabonga. ⁴ Mukunda nu gulongesa mavala akhethu ha guzumba alumi h'awo nu anawo. ⁵ Adi n"ayo gualongesa ha gukhala handuedi; alaphe guzangula gukhala guabonga mu ulo wawo, ha gukhala agudibulumisa gudi alumi " awo. adi n'ayo gualongesa ha gukhala nu matangi abonga nu gulonga , ha guzangula ginemo gia ulo wawo, adi n"ayo gutshita ndaga eji hagula mbimbi ya Nzambi ishi nginguva go. ⁶ Hamoshi, gudi mavala ha gutshita ndaga jabonga. ⁷ Mu ima ehi yagasue, khala gifua mujiyi wa ndaga jabonga, nu haudi mulongesa dijiga utshitshilo wa ndoga jabonga, gula udi mulongesa dijiga egi udi mutshitshi wa ndaga jabonga nu udi muenya ginemua. ⁸ Longesa mbimbi yabonga idi yajiyilego guhagewa giphapha yagasue watuna, ndaga ya gashito nu ndaga yabola ha guzuela idi gututalela. ⁹ Ahiga adi n'ayo gunemesa afumi" awo mu ndaga yagasue. adi n"ayo guasuaguluisa uvua gudisagesa n"awo ndo. ¹⁰ Ajiyilego gukuya. uva adi n"ayo gudijiya gubonga gua gutshigina, mu yeyi yague adi munemesa gulongesa gua mbimbi ya Nzambi muhuluishi. ¹¹ Ndaga ya guhana gua Nzambi guamuenegene gudi muthu yagasue. ¹² Idi gutudujiga ha gutuna gubola nu nzala ja ha mavu. ¹³ Hatudi munega guheta gutendelela guabonga,guza lutumbu lua Fumu Yesu Nzambi nu muhuluishi Yesu-Klisto