¹ Lwenyelu, gushigo gufwa milonga gudi adi mu Yesu Klisto. ² Uvi mikhuala ya givule gia Nzambi giangukatula mu gubola gwa gufwa. ³ Uvi mikhuala ya tshitshilewego mukanda nu mwila, Nzambi wa yitagenesele watumine munenji munoshi mukunda nu gubola guetu, wadihanene gifwa mulambu wa gufwa mukunda nu a hamavu. ⁴ Wa tshitshile ngenyi, hagutagenesa mikhuala ya gubola guetu, uvi ishigo mikunda nu ngina ya mwila, uvi mu givule giabonga. ⁵ Adi musuanguluga mundaga jia uthu adi musala mu uthu, uvi adi muswanguluga mu givule gia bonga adi muswanguluga mu givule giabonga. ⁶ Lufuto lwa gubola, ludi gufwa, uvi guzumba gu Nzambi, gudi monyo wa mayilago, nu guhuima. ⁷ Ndaga guzumba gua mwila guanahana khabu gudi Nzambi, ndaga guanagudilumwisa go gudi Nzambi nu nji guajiyile go ndo nga hazonda. ⁸ Adi mugubola, ajiyilego guswanguluisa Nzambi. ⁹ Egi gu gishina mushigo mukhuala mu luholo lwa mwila, uvi mu givule gia bonga gula muthu gashigo nu givule giabonga go, gashigo gu khala ya Nzambi go. ¹⁰ Gula Klisto gashigo gu khanda yaye nga gu muila, udi wa gufua mukunda nu. gubola, uvi nguma nu monya mukanda nu giamatshidia. ¹¹ Gula gyuma giazugishile Klisto gugufwa, gidi makatshi dienu, nuene giazugishile Yesu mukatshi dia athu a gufua, mba uhana nji monyo gu yafuile gale, nunjila ya, yago udi nu monyo gudi enue. ¹² Ngenyi anetu, tushigo nu mukudi wa muila. ¹³ Ndaga ya gula udi nu mugubola mba ufwa, uvi mukunda nu givule gia giabonga, udi mushiga ikalegela ya muila, udi muhala nu monyo. ¹⁴ Uvi avula adi mutuamezewa mu givule gia Nzambi, ene anyi adi ana a Nzambi. ¹⁵ Gudi enue muahetelego givule gia uhiga nga gia woma uvi mwahetele gia uhinyinyi gudi muzuela mangololo Abba tata. ¹⁶ Givule nji gianadijiga egi tudi nu umonyi wa tata, khanda iko tudi nu umonyi wa Yesu Klisto, gula ya diago tudi mumona lamba hamoshi n’enji. ¹⁷ Gula tudi ana a Nzambi tudi nu umonyi wa tata, khanda iko tudi nu umonyi wa Yesu Klisto, gula ya diago tudi mumona lamba hamoshi n’enji, ¹⁸ Uvi malamba a masugu awa hamavu, ashigo gifua guswanguluga mbaguza. ¹⁹ Uvi gisendeselo giagaswe giana negena guza gua muna Nzambi. ²⁰ Uvi gisendeselo giana gudibulumuisa mu ndaga jia gituhu. ²¹ Gufugiwa gwene hakhenji mbagukatula uhiga gua udikhaledi gua guswangululuga gua ana a Nzambi. ²² Uvi gisendeselo giagaswe giana mona lamba gifwa lamba dia gubuta ²³ egi idi ngenyi, esue tudi nu Mbundu a givule giabonga. Eswe tudi nu lamba mukunda nu guzugishiwa gwa mila yetu. ²⁴ Eswe twahulwishiwe mugudi hana gwa eswe agaswe. ²⁵ Gula tudi gudihana gudi itudi khenji tumona gale go tudi gumunengena gwagasue. ²⁶ Luhololumoshi, givule gia Nzambi giana tukwatesa mu guleba gwetu, hene tunajiya ga luholo lua gukombelela. Uvi giene givule giana kombelela ha bugu dietu nu jimbimbi jitushi mujiya go. ²⁷ Mwene udi muji matangi a mitahima yetu, udi kombelela gudi Nzambi mukunda nu enya gutshigina. ²⁸ Tudi mujiya egi, Nzambi wa tshitile ima yagaswe mukunda nu gubonga gua ago adi nu guzumba nji atamegewe mu gutshigina gwenji ²⁹ Ago amujiyile gudiangela wa atemegene ha ene akhale mugifanesa gia munenji ha gula akhale mono ya gudiangela makatshi dia ana avula. ³⁰ Ago agadiangele gutomba adi nji ago gatamegene, wabingishele nji, watumbuishile nji. ³¹ Itshi tuajiya guzwela mukunda nu ima eyi yagaswe? Gula Nzambi udi nu eswe nanyi wajiya gututuna? ³² Mwene gaswegele go munenji mumoshi, wamuhanene mukunda eswe agaswe, luholo tshi gajilego gutuhua ima yagaswe idi gudi mwene. ³³ Nanyi wajiya gubata mugilumbu yago Nzambi gambele? Nzambi wano tuzwelela. ³⁴ Nanyi waji gushiya milonga khuta Yesu yago watufile, nu wazugile gugufwa, udi gu koko gwa madiab gwa madia gwa tata Nzambi. ³⁵ Nanyi wajiya gutkaphumuna mu guzumba gwa tata Nzambi, ita, woma, gitulo? ³⁶ Diago gifwa ya funjiwe: mukunda nu aye, twakhalele ya gufwa masugu agaswe. Tudi ya gujiyiwa gifwa imeme idi mu gikonda ³⁷ mukunda nu jindaga jieji jiagaswe tudi a gubingishiwa gudi yago wa tuzumbile, ³⁸ Ndaga ya ngatshigina egi nga gufwa, nga monyo, nga angelo, nga mafumu a mavu, nga ima ya lwenyelu, nga ima mba iza gumatwamena nga jingolo jiko. ³⁹ Nga ya leha, nga ya goshi, nga gifuanesa gia fugiwe, giajiyilehgo gutukaphumuna nu guzumba gwa Nzambi gwadiyigiwe mu Yesu Klisto fumu wetu.