¹ Hane wazogele guene nu wajile gu dimbo ga butshiwe, a longi henji amuhatele. ² Halungile phoso wayile mu longesa mu mbimbi, athu avula akhalele gumuvua nu ayitugile, wazuelelegi:« gwi ga hetshi malongo wawa? nani wamuhuile ndunge jiji?» ima ya gushimana tshi gadi mu tshits nu mago henji ³ Walunga gu khala muna mutshitshiwa mabaya, muna madiya, nu panjia ya yakobo, yoze, judeh nu simona? ha pangienji ahakhethu adi haha nu esue akhalele nugudisagesa gudi yesu. ⁴ Yesu wa adijigile:« ngambi ya Nzambi udi ne gukhala nu ginemua, mudimbo dienji gabutshiwa, gudi hadigu mujiwa, nu mu inzo yenji» ⁵ Ga khalelego nu jingolo jiagu tshitsha midimo ya bonga khuta guhaga mago ha mitho ya athu adi mukata, nugu asaga. ⁶ Gukala guenji guamito gua wa hitugishile, nu hene wajile nu membo, a hihi mulonga. ⁷ Ha hehe watamegele,alongi enji kumi numuyadi, wa atumine muyadi, nu muyadi, wa ahuile ufumu wagukaya ivule ya bola. ⁸ Nu wa adijigile ( hahuile mukuala) mudigo gima mu mawembo wayo khuta, mutshi umoshi. dinahondo. sagindo, mbongo ndo mumikaba yayo. ⁹ Uvi gukatula saphata, hasudigago, ikuto yadi. ¹⁰ Wa hadijigile egi, kumbi diagasue mudi mungina monzo,khadienu hene gukatuga ndo muphushi hama hene. ¹¹ Gula dimbo dishi gugu tagana ndo, nga ashigo gugu vila, katuga dimbo diene, fuphi ya malu aye mbayisala gifua longo dia bonga, mukunda, nu hene. ¹² Wazogele nu a longele egi khaphu adine gulenga gubola gwao. ¹³ Wakayele muzunguni wa satana, wa hagele athu agukata avula mago ha muto nu maji nu a sagewe. ¹⁴ Fumu Helodia wahuvile ndaga jina dia Nzambi dia jiyiwe muabonga. athu ako azuelele « Yone mubatshiji wazuba mugufua» , mukunda nu hene ngolo ngenji jia gumonegesewa, idi midimo yenji ya bonga. ¹⁵ Ako akhalele muzuela, you udi Elia akonji muzuela udi ngambi ya Nzambi gifua ngambi ya mualeha. ¹⁶ Uvi havile Helodia wazuelele ngegi: « Yone nga koki muto wazugaliko mugufua bah» ¹⁷ Ndaga Helodia wa kuatele Yone nu wa mumbile mubolongo, mushinda dia Helodia, mukajia pangienji Philippo ndaga wa mukwelele. ¹⁸ Hene Yone udi muwambela Helodia ishi ya bonga guzula mukaji wa mukwenu. ¹⁹ Uvi Helodia w"akhalele mugikenene gudi muene, watshiginine gumu shiya, uvi gakukilego. ²⁰ Ndaga Helodia w"akhalele mu vila Yone woma; ndaga w"akhalele mujiya giamatshidia egi udi muthu ya ginemua nu ya mubambele, gumu vua, gumu totesa diago, hene w"akhalele gu awa hahene, wavile nu gusuanguluga. ²¹ Hahene njila ya monegene mukumbi Helodia gakhalele nu wano, nu hene wa londele gudia mikunda na mafuma, ya Galileya. ²² Muna Helodia waginene hakhenji nu gu akenena; wa suanguluise Helodia nu ngenji jia gasue jia khalele gu mesa mu dia. ²³ Fumu wa hudile munenji ya mukhetu egi, ngulombe gima gia gasue gihudi mutshigina nguguhuwe mukumbi dia gudia» ²⁴ wadi logele wazuelele egi,« yagasue wa gulomba , gudi guguhua ngagitshini gia mavu ami.» ²⁵ Wazongele wa wambele ginenji: ishi gumulomba? wazuelele egi « Muto wa Yone mubatiji.» gashiphilego, wanginine mupushi khanda ya kalele fumu wa mulombele egi, gashigina egi, huguhue luenielu ha longa, muto wa Yone mubatiji. ²⁶ Fumu wavile gikenene, uvi mukunda nu gutendelela, nu athu gatamegene, galunginego gutuna, gulomba guenji. ²⁷ Ha hene Fumu watumine suta dienji dimoshi, wamudijigile amu batele muto ya Yone, suta dienji diayile diamu kokele muto mubologo. ²⁸ Wayile nu muto muenji ha longa; wa huile muna fumu ya mukhetu nu munenji wa mukhetu wa huile ginenji. ²⁹ Alongeshi enji, avile ngeni, azudile muila wenji ahu batele mu mbumba. ³⁰ Alongi akondegezele Yesu, a mudijigile ima ya gasue ya khalele mushita, nu gakhalele mulomba. ³¹ adijigile ndeno khale mu gibonda mu huime hazonda « ndaga athu avula nu akhalele muza, nuguza gakhalego nu kumbi dia gudia» ³² Hane wayile muwato mugi bonda. ³³ U vi amu muenene mukaluga, athu avula amujiyile, hamuhatele, guene, athu agasue ha malu, membo nu membo agasue,hahetele guene gutuama diao. ³⁴ Hatulugile muene, ha mbungu wa muenene athu avula, nu avile gikenene nu gudi hana guawo gifua gimeme gishigo nu mumbambi. ha hene w"akhalele gu alonga ima y"avula. ³⁵ Mukumbi dia phipha yakola. alongeshi enji ayile gudi muene amudijigile egi, haha tudi mugimonda phipha yaza gala ya kola. ³⁶ Atume hagudia mu membo adi heyi, aguya mukamba nga gima giagu dia. ³⁷ Wa hatehele egi, hahuenu gima giagu dia amuhudilegi, tualuga guya gua akhabembela dimpha athu avula ngegi. ³⁸ Wa ahudile guvula gutshi gua itshima ya ima mudi naye, ndenu mutale ayile nu gukamba, ha hete kuta hitshini itano nu jiyadi jia jishi. ³⁹ Wa w"ambelele athu agasue gukala hashi mugipungi, khadienu holo dia luma lua mukumbu ya madiogomadiogo. ⁴⁰ Akhalele mugi pungi athu lukhama, ako makumi nu thano. ⁴¹ Ha hene, wazudile itshini ithano ya mampha nu jishi hiyadi, watalele gosa mudilu, wayi lombele guzelamuela. wahi kikole mu gishini wahi ihuile alongi enji a gukapa mu thundu ya gasue nu akhapele agasue muyadi. ⁴² Adile agasue, nu akutshile mua vula. ⁴³ Anonene, itshini ya mampha yagubogoga, ithunga kumi nu muyadi ya zala, nu itshini ya jishi. ⁴⁴ Akhalele midi ithano athu ago adile ima. ⁴⁵ Nugushipha ndo, waginishine alongishi enji mumasawa, haguya hasabua dia mutha, gu Bethazaya, akhaelele hene mukaya athu. ⁴⁶ Hagayile, wayile gumulundu hagulomba Nzambi. ⁴⁷ Nguenze ya jile, masuwa akhalele mukatshi dia mutha wakoma, nu w"akhalele hakhenji ha mavu. ⁴⁸ Nu wamonene egi, phashi jia akuatha gikudi ya muhehe y"akhalele. guashigina ndo mumakubi awana agimenegena. wayile gudi hene nugu wenda holu dia mutha. ⁴⁹ Uvi ha mumonene muwenda holu dia meya, amonene egi, udi gifua gimbombi akhologele. ⁵⁰ Ndaga amunene akhalele nu woma, gudi hula, mbala imoshi wa adijigile egi, «khadienu nu jigolo, idi ame muvigo woma. ⁵¹ Wanginine naho mu wato, wadijinga funji nu mangololo magana, adihudile. ⁵² Ndaga akhalele mujiya idi, itshi imuzuela uvi, mishima yaho y"akhalele ya kola. ⁵³ Ha ga zahugile, a hatele mudimbo dia Gennesaretha, nu amagesele wato. ⁵⁴ Ha zogele hene mu wato, wa habugishile agasue mukumbi diene. ⁵⁵ Hayile mu muembo agasue, amubatele enya misongo hodia ithanda muagasue, nu gudi muene muya.