¹ Mu gimunagena giagasue, mafumu nu akulu mu Ekelezia adibungishile, nu enya mulebo nu iphapha nu thundu ya enya Yuda. Gu ngima ajitshigile Yesu nu amu batele. Amuhanene gua Philato. ² Philato wamuhuidile:''Aye fumu ya enya Yuda?'' Watayele:''Aye udi muzuela" ³ Mafumu gikombelelo afunjileYesumuavuala. ⁴ Philato wamuhuidile luko''ushigo mutaya'' tala guvula gufundjiwa guaye gudi athu awa mugufunda. ⁵ Uvi Yesu gavutuilego gima Philato,ndaga yene inyi yasegesele Philato ⁶ Mu masugu a wano na Page Philato wakhalele nu luholo lua gubemba muenya bologo mumoshi yago enya Yuda akhalele mulomba egi abambewe. ⁷ Mu bologo nu iphumbulu iko nu ashiyi a athu, akuatewe mukunda nu ndaga jiabol,gua muthu mumoshi,jina dienji Barnabas. ⁸ Thundu yajile gua Philato nu gumulomba ha gutshita gifua muho ugatshita gale masugu abalega. ⁹ Philato watayele nu guzuela egi'' muatshigina numbembelele fumu ya enya Yuda? ¹⁰ '' Akhalele mujiya mukunda nzala ya ndaga jia ha mavu Philato gakuetele Yesu. ¹¹ Mafumu a Ekelezia ine akhalele mutuma athu ha gulomba gua Philato abembe Barnabas ¹² Philato watayele muzuela egi ''itshi ngutshita nu fumu ya enya Yuda?'' '' ¹³ Akologele nu mbimbi ya kola egi;''Mukhokhienu ha mutshi wa gudi kikesa ¹⁴ Philato wa hudile ¹⁵ Hagusualuisa enya Yuda, na wambelele Barnabas wasele Yesu imbanda,wamuhanene mukunda ashiyiwe. ¹⁶ Masuta anginyishile Yesu gu giso pheselo gia enya Yuda hagula amushile. Atagamene milonga ya maphumbulu. ¹⁷ Asudigile Yesu nu dilapo dimoshi bundulugu nu alondele phogia muya amuhagele gu muto. ¹⁸ Asendesele ha gumuhua lumene ha guzuela egi;'wabanda fumu ya enya Yuda?'' ¹⁹ Amuwasele mu muto nu muhango nu amutsgigidile mate helu dia muila. Afugamene ha mabongo gutuma dienji, gutshita gifua adi gumutumbuisa. ²⁰ Gu ngima dia gumulele, a mukhatshuile lopho diakhalele nadio muene nu gumusudiga milele yenji diago,gu ngima ayile nenji ha gumuhaga ha mutshi wa gudikikisa. ²¹ Akhutele mubalegi wa khalele muza mu membo ha gubata mutshi gudikikisa mukunda nu Yesu. Amuhuile mutshi wa gudikikisa ha muene gubatela Yesu. Muthu muene jina dienji Simona ya gu Syrene tata ya Alexendere nu Rufua. ²² megawa egi Gologota idi mutshigina guzuela egi;''funda dia ibozobozo gia mito''. ²³ Amunuishile matombe alula agubungisa nu mula, uvi ganuile go. ²⁴ Amuhagele ha mutshi wa gudi kikisa nu akaphele milele yenji nu ayitele jipanza ha gujiya suta uzula itshi? ²⁵ Yakhalele mu kumbi dia thatu ha muha gele ene ha mutshi wa gudikikisa. ²⁶ Holu dia baya afundjila gua fumu ya enya Yuda'. ²⁷ Amuhale ha muhale ha mutshi wagudi kikisa nu jinzangi jiyadi muko gu koko guenji gua madia muko gu koko guenji gua muhidi. ²⁸ Isona ya balega gubonga mu gufundu gua akulu gudi mukatula itshinyi ngenyi yatagenesa gufundu guakhalele muzuela egi. ²⁹ Akhalele mubalega akhalele gu mushinga,akhalele mu kundula mito muzuela egi:''A ha! aye wana shiya inzo ya Nzambi nu guitu nga mu masugu atatu.'' ³⁰ Dihuluise aye hakhaye, katuga ha mutshi wa gudikisa!'' ³¹ Luholo lumoshi nu mufumu a gikombelego akhalele gumulela mu katshi diawo nu enya iphapha nu enya mulebo nu akhelele muzuela egi;''wahuluishile ako, uvi gajiyilego gudihuluisa muene hakhenji. ³² Na fumu ya enya Isalele akhatuge ha mutshi wa gudikikisa luenyelu.mukunda nu tumone nu tutshiginegudi muene. ³³ Mukumbi dia samano phipha yabuile mu mavu agasue unu mukumbi dia divua. ³⁴ Mukumbi dia divua Yesu wambile mbimbi ya kola''Eloi, Eloi, lamasabakatani!'' idi muzuela egi''Nzambi wami, Nzambi wami, mukunda natshi wangubembelela?'' ³⁵ Athu ako mukhatshi dia anyi akhadi hehi avile nu akhalele muzuela egi:''tadienu udi mutamega Elia''. ³⁶ Muthu muko wajile muphushi, wazanguile ikonya wambile nu muya nu gumuhua ha gunua. Muthu wazuelele egi;''tutatele gula Elia ta sala. ³⁷ Na gu ngima dia ngenyi, Yesu wambile mbimbi mangololo nu wafuile. ³⁸ Mulele wa monzo ya Nzambi wa kalugile ibala iyadi, gosa nu hashi. ³⁹ Nu hamuenene mutadedi wakhalele mumagana gutuama dia Yesu egi wafui, wazuelele egi;'yadiago,muthu ou wakhalele muna Nzambi ''. ⁴⁰ Guakhalele nji akhalele mu magana haleha mutala . Mukhatshi dia akhetu akhalele hene,Madiya Mandedina, Madiya(gina Yakoba ya mona nu Yose nu Salome. ⁴¹ Akhalele mu Galileya,mukhetu muene wakhale gumulandula nu gumukuatesa. Akhetu ako nji avula akandugile nji gu Yelusalema nenji. ⁴² Habutshile guma ndaga ya khalele lusugu lua gudilonda mukunda nu lusugu lua samano. ⁴³ Yosefe ya gu alimateya wajile guene. Wakhalele muthu ya lutumbu thundu ya lutumbu. Thundu ya gudibungisa guawo, wakhalele munenga u fumu wa Nzambi wayile nu manyinyi agasue gua fumu Philato, mulomba tshimbi gia Yesu. ⁴⁴ Philato ha gumona egi Yesu wafuigale; watagamene mataledi nu wamuhudile gula Yesu wafui. ⁴⁵ Uvile gudi mutaledi,Yesu wafui wahanene mvumbi ya Yesu gua Yosefe. Yosefe wasumbile mulele wa linda. ⁴⁶ Wabulugine gu mutshi wa gudikikisa,walangele mvumbi nu guhaga mu malumba ahagewe mu wina wa mukatshi dia seso wahagele seso yakoma hamuina ya Yesu. ⁴⁷ Madiya Mandedina nu Madiya gina Yose ene amuenene fundo dia fundjiwe.