¹ kinji ya paki, paki ginji ya mampa adi agulonda ashigo nu gimba idi naye gutshitshiwa gungima dia masugu ayadi. fumu ya ma fumu ya nganga Nzambi akhalele mu kamba luholo lua gumukuata nu ha gumushiya. ² Akhalele muzuela: egi mukatshi dia ginji muzogigo mu katshi dia athu. ³ Yesu wakhalele gu betania monzo ya Simoni muenya hute, mukumbi dia kalele muene gu mesa; mukhethu mongoshi wa nginyi ne monzo nu mulangi wamaji athalo ya kola Albatra wa guzapa mpa nu magi andando ya kola jina dienji Nard Pur. muene wa boguele mulangi wene wa w"abunduile majiene holu dia muto wa |Yesu. ⁴ Athu ako akhalele muzuela ene nu ene egi: "itshi gibeni idi guene hene mukhetu you gandumbu oh maji holu dia muto wenji? ⁵ Mananashi wawa abende gudiwa mufalanga kama jitatu ja falanga, ndando ya suga enu guhana falanga gudi a putu." nu guabalela. ⁶ Uvi Yesu wa w"ambelele egi; bembienu mukhetu you tedie, mukunda mudi kaka khenda-khenda? muene watshita gima gidi giabonga gu khanda yami. ⁷ Muana kala nu enya malamba mbala jia vula na itshi ya na gumikonda ha guatshitshi ima yidi ya bonga, enue mushigo muanagua atshina gua tshigina ndo gu gu kanda yenu. ⁸ Muene watshita gidi naye gutshita; muenewawasa muila wami wa ugufundiwa. ⁹ Nga miwambela mu gia matshidia egi guagasuemba gulongewa mbimbi ya Nzambi mu mavu agasue mukhetu lukumaluenji mba lu longesewa. ¹⁰ Yudaya Iscariot; muladuidi wa Yesu ya kumi nu muyadi wayile gudi ma mbuta manganga ndaga muene watshiginyine ha gudiga Yesu. ha vile ma mbuta nganga ngenyi akhalele nu gusuanguluga gua vulasha, nu gu mutamega egi: tuguhui gifualanga. ¹¹ Ndaga ya muene awa khalele mukamba luholo lua gumudiga ¹² Mugilumbu gia thomo gia mampa adi ashigo nu gihemba, ha khalele ene muhana milambu ya ana ayi mhemhe mukunda nu dia gua paki; alongi amuhudile:" bugutshi watshigina tuye tulonde bugu dia gudia misa ya paki. ¹³ Muene watumine alongi mudi nu wa w"ambelele gamba:" ndenu gembo mudi mumona muthu udi nu dibungu ha mago mulandule." ¹⁴ Kumbi dingina muene monzo,muhudienu egi ndombi bugu didi gui? nga tshigina gudia misa ya paki nu alongi ami? ¹⁵ Muene udi gumi digiga oh nga sugu idi hehi. na hilonde nu gunyonu. ¹⁶ Alongi enji akatugile guene muvutuga gembo. nu asangele ima yawo ya gulonda mukunda nu gudia gua paki. ¹⁷ MUkumbi dia gueze akhalele alongi kumi nu muyadi; ¹⁸ Kumbi dia khalele ene gumesa mudia; Yesu wa w"ambelele gamba mugiamatshidia nga miwambela egi mukatshi dienu mungoshi tudi mudia nenji mba udi gungu diga." ¹⁹ Agasue akhalele nu gikhenene na konso muthu wadihudile "Ishigo ame go bah?" ²⁰ Yesu wa w"ambelele gamba:" gudi mulongi mukatshi dia alongi kumi nu muyadi, muene wangudiga; muene idi mudigita nu dimpa dienji mukatshi dia longa." ²¹ muna muthu umuya muvu gifua ya sonegewe mu mikanda uvi idi pashi gidi muna muthu wa mudigi ndaga ya: ²² Mukumbi dia gudia, Yesu wa zanguile dimpa, walombele Nzambi, wadibatshuile itshinyi. wahuile muzuela egi:" zangudienu oh muila wami" ²³ Wanzaguile tshopo wakombelele Nzambi nu guahua nu ahuile agasue. ²⁴ Wambelele egi, wawa adi mahatshi ami adi mudijiga gudivua guami mahatshi wawa abundugile mukunda nu athu agsue. ²⁵ Yadiago, ngudi gumiwambela, mba ngunuigo vini yeyi uh nulusugu lumbangumua hugo diko mu ufumu wa Nzambi." ²⁶ Hamanesele guyimba lungimbo lumoshi, ayile gu mulundu wa vino. ²⁷ Yesu wambelele egi: " Mukuta wenu agasue mbamulenga, ndaga idi yagusonegewa gale mbangushiya mumbambi imeme yagasue mbamuangana ²⁸ Gungima mbanguzuga gu gufua mbangudiangela gutuama dienu mu Galileya." ²⁹ Phetelo wamuwambele egi:" ata athu ako mbagulenga, uvi ame mbangulengigo" agasue azuelele luholo lumoshi. ³⁰ Yesu wamuambelele egi,. gutua dia kolombolo gudila mahugo atatu." ³¹ Uvi Phetelo wamuambelele egi:" nga gufua mbangufua naye, mbangulingigo." ³² Hene hanyi ha fundo dianatamege egi; getesemania nu Yesu wambelele alanduidi enji:" kadienu ndaga ya ngatshigina guya mukombelela." ³³ Wazanguile Phetelo, Yakoba nu Yone wakhalele nu gikenene giavula, matangi enji abuile tungaganyi tungaganyi. ³⁴ Yesu wambelele egi:mutshima wami wakenesewa unu gu gufua. sadienu haha mukhale mutala. ³⁵ Yesu wasuenene ndambo haheta wasendesele gukombelela egi, gula Nzambi wajuya gumukatshuila kumbi didi muene mumona malamba. ³⁶ Wambelele egi:" Abba, Tata, ima idi yaleba. ngukatshuile tshopo giegi gudi ane, uvi ikha digo gutshigina guami, uvi gutshigina guaye." ³⁷ Wavutugile, wasangele agubanda wambelele Petelo" Simoni, udi mubamba, wajiyilego gukhala mumolu mukunda nu kumbi dimoshi? ³⁸ Zuga nu kombelela ndaga ubuigo mu gulolewa. givule gidi giaguzala nu matangi a bonga, uvi muila udi waleba". ³⁹ Nu wayile luko mukombelela ha guvutugila nu mbimbi jiene jimoshi. ⁴⁰ Wajile wasangele agubanda mukunda nu meso awo akhalele anema nu ajiyilego itshi ajiya gumuwambela. ⁴¹ Wajile luko hugo diathathu, wambelele egi:" enue genu yagu banda nu luenyelu? Kumbi diatagana, muna muthu you mudigiwa mu mago a athu abola. ⁴² Zugienu tshenu, mutadienu, udi gungudiga udi hehi. ⁴³ Akhalele muene, muzuela, tala Yudaya mongoshi ya aladuidi a Yesu kumi nu muyadi, ajile nu thundu ya koma, nu jipogo nu watumiwe gudi mafumu eklezia, nu gudi enya mulebo nu akulu. ⁴⁴ Muthu wabola, mudigi wa Yesu wahuile gyiyilo,ha guzuela egi, yago ungandasunya ivungu muene muandakuata. ⁴⁵ Hajile Yudasi wayile hugo dimoshi gudi Yesu muzuela egi "Fumu" ,wamusunyine iungu. ⁴⁶ Ambile mago gua Yesu, amukuatele. ⁴⁷ Yesu wahadijile egi; ''mumuza hagungutuna gifua zang, ⁴⁸ yagu sudigishiwa nu phogo nu mitshi hagu ngushiya? ⁴⁹ a khalele mu enue, mulonga kumbi diagasue mu inzo ya Nzambi,muangu kuatelego uvi hihi ya hetele mukunda nu masone agi ataganesewe. ⁵⁰ Agasue akhelele nu Yesu amu bembele nu alengele. ⁵¹ Muvala wa yala mumoshi wa muhatele waasudigile khuta mbulaketa imoshi ya hahuila. ⁵² Walengele thowa, wabembele mbulaketa hashi ya lino. ⁵³ Wabatele Yesu gudi asambeshi amikuala nu adi bungishile nu ene mafumu amikuala akulu,asonegewa amikuala. ⁵⁴ Phetelo wakhalele gu ahala ha haliha nu wanginine mu lupango lua afumu amikuala wakhalele hehi nu abambi wakhelele igo mukunda nugudi wanga ndembo. ⁵⁶ Afumu amikuala akhalele mukamba philayo mushiga udi akhalelego gu mu heta. ⁵⁵ Ndaga ako akhalele gumi mbila mambo. ⁵⁷ Ako azugile akhalele mu hana mambo mukuna n'enji. Akhalele muzuela egi: ⁵⁸ Wamuvile mu zuela ;''ngudi mu muanga inzo hiyi(tempelo)didi dia tshitshiwe mu mago a tathu,atathu mbagu tunga hiko ishigo wa gutshitha mu mago atathu. ⁵⁹ Nga muluholo wene akhalele go gudiva ⁶⁰ Afumu amikuala azugile mukhatshi dia wo wahuile Yesu;''hushigo nu mvutu ha guvutula go ba? itshi yene muthu you gadi muhana difua gudi haye?'' ⁶¹ akhelele tedie nuga vuluilego nga nvutu,kumbi dia balegele luko afumu amakuala. Ha muhudi luka egi''aye Klisto pangia you udi muthana guhuima? ⁶² Yesu wa atayele egi yene mu muzuela nu mbau mona muna muthu yagu mba akhala gukoko dia madia dia wangolo, mbadiza gudi gatabu mu dilu'' ⁶³ Afumu amikuala amukaluile milele nu azualele egi; gu shigo nga luko nu funu ya mazuelele dia athu. ⁶⁴ Mavua phila ya gasegula,itshi mudi mulomba? nu amu balesele gilumba, gifua muthu maye gushiwa. ⁶⁵ Athu ako akhelele gu mu fita mate wazuelele phala yenji,amu huile mbanda amu weyele mutata ayile nenji nu amu wasele. ⁶⁶ Phetelo yakhelel hashi mukhathi dia thundu y'athu, muthu mungoshi hasuene hehi nenji. ⁶⁷ Wamonene Phetelo muho ga khalele hehi nu tshia,mukunda nu zula ndambo ja ngolo. Henene wawambelele egi:''wakhalele nji nu Yesu, Nazareena''? ⁶⁸ Nu muenia watumine wazuelele egi;''ngu shigo hihi udi muzuela'' hane wazogale mu mulango, susua ya kologele. ⁶⁹ Uvi gunu, muenia mudimo wamutalele luko, wakhalele mudijida athu ago akhelele hene ⁷⁰ Uvi watumine luko,mukumbi dimoshi ago akhalele hene amudijigile Phetelo''ya diago udi mu mungoshi mukhatshi diago, udi mu Galileya''. ⁷¹ Ha hene wakhalele mu ega nuguloga''ngushi mujiya muthu you mudi muzuela''. ⁷² Ha hene kolombolo dia didile mua ngiadi nu Phetelo wambile matangi mbimbi ya Yesu gamu wambelele ''gutuama dia susua gudila hugo diangiadi,mba udi gu ngu luna mahugo mutatu nu wadidile.''