1
Ndaga Yesu wakhalele muzoga mu gikombelelo,mulandudi wenji moshi wamumbelele egi; Fumu tala jiseso jieji jiabonga nu jinzo,muene wamuwambelele egi;
Udi
2
mumona jinzo jeji jiakoma? mbagusadigo nga seso imoshi holu dia iko mbayila gulua ndo.
3
Hakhelele munuene hashi holu dia mulundu wa olivia gu tuama dia gikombelelo, Phetelo,Yakobo,Yone nu Andele amuhudile gu khapo diawo;
4
Tuwambele hugo tshi ndaga eji mbajiza? itshi mbakhala gifua ijiyilo ha ndaga jeji mbajikhala hehi nu guza?
5
Nu Yesu wasendele guawambela egi; temienu,muthu gamipa muisago.
6
Avula mbaza mu jina diami nu mbatotesa athu avula.
7
Gula muavua ndaga jia ita mangungu a ita, mukhadi go nu gikenene. Ndaga jeji jidi nayo ya guza uvi ishigo gale gisugishilo.
8
Mukunda nu dimbo dimoshi mba dizu hagu luisa dimbo diko nu ufumu mbaulusa uko. mbagukhala gunyigisa gua mavu mu mafundo avula nu nzala mbaikhala yavula,idi gifua gisendeselo gia misongo ya mukhetu mukunda nu gubuta
9
Mudibambe kakhenu. Mbamiha na gua mafumu nu mba mu wasewa gu meso a Gouverneur nu gudi mafumu mukunda nu ame.
10
Uvi lukuma luabonga mbaludia nga gulongesewa mu mavu agasue
11
Gula agukuata, adi gumuhana,mukadigo nu gikenene agu zuela egi, luholo tshi mba tu zuela. Ndaga ya ha hugo diene gula diatagana, ndaga jimbamuzuela, mbajimu wambelewa;ishigo enue mbamuzuela uvi givule giabonga gia Nzambi.
12
Mona yala mbohana panjenji ya yala ha gushuwa nu tata mbo hana munenji. Ana mbazugila ibutshi yawo nu mbata maga ha gufua guawo.
13
Mbamutunyiwa mukunda nu jina diami.Uvi muthu yagasue mbodinda mana une nugugisugishilo,muthu muene mbohuishiwa.
14
Gula muamona gubola guavula nu mu mafundo guajijilego gukhala anyi adi mu yudayo alenge mu milundu.
15
Yonu udi holu dia inzo,nu gazangula go nga gima.
16
Nu gula udi gu ilanga gavutuga go ha guya muzula gikuto.
17
Lamba gua anyi mbakhala nu ana nga gua anyi mbakhala munuisa mu masugu ene anyi.
18
Kombeledienu ha guha ikhadigo mu makumbi mahehe wabala.
19
Ndaga ya malamba mbaza avula,malamba adi khenji aza nga hugo dimoshi sendese gu gisendeselo,ha fugile Nzambi ima ya gasue unu mangino khenji guajile gale malamba a luholo ntango.
20
Nga Nzambi gavutshuilego masugu,nga nu muthu mumoshi mbagahulugago,uvi mukunda nu adi agutombewa,wabulumuishile masugu.
21
Hene gula muthu wamuwambela egi:''tadienu mumone Klisto" na ''tadienu mumone udi haha nga hanyi mutsthigina go ndo.
22
Ndaga ya Klisto jia mambo mbajiza jiavula nu ngambi jiavula jia mambo mbajizamuega nu mba tshita ndaga jiakola jia gushima mana mukunda guhuga athu nu ene atombewa.
23
Mudibambe enue hakhenu,nga miwambela ndaga jieji gutuama.
24
Gu ngima dia malamba a gasue a masugu ene,kumbi mbadiba lumuga gifua phipha,mbeu mba hanyi go muenda.
25
Themua mbajikatuga gosa mbajibua hanyi,ngolo jidi gosa mbadinyigisa.
26
Ngenyi, mbamona muna muthu muza mu matuta nu ngolo jiavula nu lutumbu.
27
Hene mbautuma anjelo enji,mbawongega atombewe gu kama jiwana unu gu gugisugishilo gia mavu, unu gisugishilo gia gosa.
28
Phaphatshienu longo dia musthiwa five. Gula mayiji enji asunuguga mukunda nu guhaga mayiji mudibambe na yo ya gujiya egi masugu guhuma aza hehi.
29
Luholo lumoshi gula nuamona ndaga eji jiaza, mujiya egi udi gale ha mufulo.
30
Yadiago, ngudi gumiwambela egi gindonga egi mbalelago unu mbahaza ndaga jieji.
31
Mavu nu dilu mbaibalega, uvi mbimbi ya jiami mbajibalega go.
32
Uvi mukunda nu lusugu luene,nga nu kumbi, nga muthu gashigo mujiya,nga ata ene Angelo gosa ashigo mujiya nga mona khuta tata.
34
Kadienenu agudindama, kadienu mutala,kadienu ya gumagana ndaga mushigo mujiya kumbi tshi tudi.
33
Idi gifua muthu udi muya mu njila(wakatuga gu inzo yenji awahihana gudi muenya mudimo wenji,muthu nu mudimo wenji. Udi muhana mukhuala gudi atadi ha gusala nu gutema).
35
Ngenyi mudi nayo gu khala mutala.
36
Gula waza mu gisaguimuisa gamisongigo agubanda.
37
Inga muwambela, ngudi nji muwambela muthu nu muthu mukhale mutala.