¹ Tala, hahetele ene hehi nu Yelusalema, akhalele hehi nu Betafagee nu Batenia gu mulundu wa vino, Yesu watumi alongi enji muyadi. ² wa w"ambelele egi: ndienu mudimbo didi gutuama dietu, gula mauheta, mudi mumona mona ya gimeme, udi muthu khenji ngagina galego. ujituludienu muze n"awo. ³ Gula muthu wamihula "mukunda natshi mudi mujitulula", mutayenu egi, fumu udi n"ayo funhu" nu udi gumimbemba gatshididi muze n"awo haha." ⁴ Ayile nu asangele mona ya gimeme yajujitshiga honze gu mufulo wa njila. ayijituluile. ⁵ Athu ako asendesele guahula : " mukunda natshi mudi mujitulula muna gimeme." ⁶ Avutuluile gifua muambelele Yesu na abemba aya. ⁷ Alongi muyadi ajile nu gimeme gudi Yesu nu ahegele milele holu mukunda nu Yesu angine. athu avula abambele milele yawo. ⁸ Mu njila nu ako mandalala akhalele mu mubatule mu ilanga. ⁹ Akhalele muya gutuama nu akhalele mulandula gu ngima mumba miyelele."Hozana, Hozana! suanguluishiwa udi muza mujina dia muhuluishi. ¹⁰ suanguluga mu ufumu wa Tata Davidi udi muza! Hozana gukhale gosa gudi Nzambi! " ¹¹ Hangima Yesu wanginine mu Yelusalema, waya monzo ya Nzambi, womona ima yagasue. lusugu luabalegele, wajile gu batania nu alongi kumi nu muyadi. ¹² Havutugile muene mu Betania, wavula nzala ¹³ Wa muenene gueleha mutshi wa figi nu maiji, waya mutala ha gula wajiole juheta bundui uva gasangelesa bundu khuta mayiji, ndaga yakhalelego sungi ya mabundu a vino. ¹⁴ wauwambelela:" muthu mbagadigo bundu dia mutshi waye" alongi avuile hazuelele muene. ¹⁵ Ahetele mu Yelusalema muene wangina mu gikombelelo nu gukaya adigi nu asumbi mu gikombelelo. wasendumuine mesa asombegeshi a njile ja tukhulumbia. ¹⁶ Gambembelego nga muthu muza nu gima gia gudiga. ¹⁷ Walongesele egi: Ishigo ya gufunda egi" inzo yami mbaitamega egi inzo ya gulombela iputa yagasue Nzambi? Uvua enue muaibuia funda dia ijilu. ¹⁸ Aji a mikuala nu afutshi a itadi avile muazuelele muene, akombele ndunge ha gumushiya. ndaga akhalele nu woma thundu yagasue yashimanene gulongesa guenji. ¹⁹ Habuile ingueze, akatugile mi dimbo. ²⁰ Ha gubalega guene mu gimenegene, amuenene mutshi wa figi wagumigina nu gu miji. ²¹ walangijile wazuela egi: "labi, tala mutshi watele mikumbu qwamiginyine gale" ²² Yesu wavutuile egi: "tshiginyenu Nzambi." ²³ Giamatshidia ngudi gumiwambela egi, muthu wajiya guwambela mulundu: katuga nda ubue mu muta gula gashigo nu gipapa mu mitshima, ajiye egi yagasue idi n"ayo gutshitshiwa, ye Nzambi mba gatshita. ²⁴ Hene ngudi muzuela egi,yagasue mudi mukombelela, tshiginyenu egi, muaihetshigale, mbaikhala yenu. ²⁵ Gula mudi ya gumagana mukombelela mudi n"ayo gutotesela yagasue gudi muthu mushigo gudivua nenji, mikunda nu shenu udi mudilu wajiya gumitotesa gubola guenu. ²⁶ " Uvua gula ushigo mutotesela akuenu gubola shenu udi mu dilu gajiyilego gumitoteleselago gubola." ²⁷ Avutugile mu Yelusalema, akhalele Yesu muwenda mu gikombelelo, asambeshi, nu afutshi a itadi nu akulu ajile gudi muene. ²⁸ Amuwambelele egi: " ngolo'tshi udi mutshitshila ndaga egi? nanyi waguhuile ngolo ja gutshita?" ²⁹ Yesu wavutiule egi, ngudi gumihula muhu umoshi. ngutayenu nu ngudi gumiwambela ngolo jingudi mutshitshila ndaga egi? ³⁰ Gubatiji Yoneguajile mudilu nga gudi athu? ngatayenu." ³¹ "Akhalelemudisagesa ene hakhawo nu gubolesa majui" gula tuazuela egi, "guajile gosa, udi muzuela egi, mukunda natshi muamuvilego?" ³² Uvua gula tuazuela egi," guajile athu" adi mulenga thundu, ndaga ya athu agasue atshiginyine egi Yone udi ngambi ya Nzambi. ³³ Avutuile gudi Yesu: "tushigo mujiya" Yesu wa w'ambelele egi: Amenji ngushigo gumiwambela ngolo"tshi ngudi mutshitshila ima eyi."