1
Yesu wazugile guene, wajile mu khanda ya Yuda nu mu sambua dia Yedeme, thundu jakoma jia athu jamukutamene luko. muene walongesele gifua muakhalele lukolo luenji.
2
Afalasee ajile gumulela, amuhudile gamba idi yabonga yala gubemba mukaji enji?
3
Watayele gamba Mose wamiwambelele nga amuhuila mukuala ha gushiya mahata.
4
Azuelele egi: Mose wahanene mukuala gi gufunda mukanda wa gushiya mahata nu gumubemba gumuvutula.
5
Yakhalele mukunda nu gukola gua mitshima yenu hene gamifudile mukuala unu." Yesu wazuelele egi.
6
Gu gisendeselo gia gufugiwa "Nzambi wafudile yala nu mukhethu"
7
Mukunda nungenyi yala mbaukatuge gudi shenji nu gineji mbadibungisa nu mukajienji.
8
Muyadi tshima mbabua muila umoshi? na ashigo muyadi avua mumoshi.
9
Ngenyi yabungisa, Nzambi muthu gajiyilego guikhapumuna.?
10
Hangine ene monzo, alongi enji amuhula luko ndaga egi.
11
Wabemmbelele gamba:<< muthu ya gasue wabemba mukajienji nu wakuela nu mukhetu muko wawenda uthambi gudi muene.
12
Nu gula washiya mahata nu mulumienji wazula yala muko,wawenda uthambi.?
13
na thundu ya mubatela ana azonda, ha gula akuate uvua alongi enji atuna.
14
Hamuenene Yesu ngenyi wamuenene gubola nu wazuelele egi : bembienu ana azonda aze gudia ame, mukandigo, ndaga ya ufumu wa Nzambi udi gudi adi gifua ame.
15
Giamatshidia ngidi gumiwambela egi, muthu mbagazudigo ufumu wa Nzambi gula gashigo gifua mona mbaganginyi go"
16
Wakuatele ana nu mago enji wasuanguhuishile ha guahaga mago ha mito.
17
Nu hasendele muene luendo, muthu wajile gudi muene, wafugamagutuamadienji: nu wamuhudile:" mulongeshi wabonga itshi ngajiya gutshita ha guheta monio wa mailago?
18
Nu Yesu wamutayele gamba egi mukunda natshi udi gungutamega egi wabonga? gushigo nga muthu wabonga, khuta Nzambi hakhenji.
19
Wajiya mikuala: gushiya ndo, guwenda ndo uthambi, gukuiya ndo, uzogelago muthu utemu wa mambo, ahuigo muthu, nemesa shaye nu ginaye."
20
Muthu wamutagele egi: mulongeshi, nganemesele mikuala egi yagasue sendese ulenge wami?
21
wamutalele mu guzumba. wamuwambelele egi: gima gingoshi giagusala udi n"ayo gudiya ima yagasue udi n"ayo nu uhue putu; na mbauheta gishimbi go mudilu hangima za ungulandule."
22
na wavuile gikenene havuile muene mbimbi egi na wajile nu gudisagesa ndaga ya wakhalele nu umonyi wavula.
23
Yesu watelele ithundu ya mujitele wambelele alongi enji:« gifua idi pashi ha adi nu ikumba guigina mu ufumu wa Nzambi!
24
Alongi ashimanene ha gasue mbimbi egi. uvua Yesu wambelele luko: Anamuajiyo idi gakola ha ngungima mu ufumu wa Nzambi.
25
Idi yabela gamelo ngugima mu wina dia ndonga uvua ngugina gua muthu mumonyi mu ufumu wa Nzambi.
26
Gudi guakola" ashimanene na muthu nu muthu: « nanyi wajile guhuluihiwa?
27
Yesu watalele na wazuela egi: idi yabola gudi athu, uvua yabeba gudi Nzambi ndaga yagasue idi yaleba gudi Nzambi.
28
Petelo wasendesele gumuwambelela:« tala tuambele yagasue, nu tuagulanduile.»
29
Yesu wazuelele egi: « giamatshiadia,ngudi guguwambela egi gushigo muthu wakatugile gi inzo yenji, nga pangienji, na panginji ya mukhetu, nga ginenji, nga shenji, nga mona mukunda nu ame nu mikunda nu mbimbi ya Nzambi.
30
Nanyi mbagahetshigo lukama ha mavu jinzo, ja mavala mala, nu a akhethu ja amama, ja ana nu mavu mbaza, monzo wa mailago.
31
avula adi agudiangela mbakhala agisugishilo, nu a gu ngimamba hala agudiangela.»
32
Akhalele mu njila mukanduga gu Yelusalema, nu Yesu wakhalele muza gutuama diawo. alongi ashimanene, nu akhalele mulandula gu ngima akhalele nu woma nu Yesu. wazangule luko alongi kumi nu muyadi na wasendesa guawambula ndaga mbaimuyila luenyelu.
33
" Venu, tudi mukanduka gu Yelusalema muna muthu mbauhanewa gudi mafuma nu azueleshi nu alongi a mikuala. mbamufuisa milonga ha gumishima nu gumuhana mago a athu a ifutshi ajiyilego mbimbi ya Nzambi.
34
Mbamulela, mbamufita mate, mbamuwasa tubama u nu gu gufua, gu ngima dia masungu atatu mbaufuzumuga."
35
Yakoba nu Yone, ana a Zebede ajile gudi muene azuelele gamba:" Mulongeshi; tuatshigina uttshile yagasue tugulomba"
36
Wa w"ambelele gamba:" itshi muatshi gina ngumitshile?
37
Azuelele egi:" tuatshinga gukhala n'ayo mu ufumu mungoshi gu koko guaye gua mudia nu muko gu koko gua ye gua mahidi?"
38
Uvua wa w"ambelele egi, mushigo mujiya imudi mulomba, mbamukhala handuedi ya guma tshopo nu gukotelesela gu gubatiza?
39
A mutayele egi, tudi agutagana." Yesu wa w'ambelele egi, " tshopo mbangunua mbamunua. nu mbamibatiza, gubatiza gu ngabatijiwe.
40
Idi mukunda nu gukhala gu koko gua madia nu gua mahidi,ishigo ame ngudi n"ayo gumiwambela, uvua idi mukunda nu yalondewe gale."
41
Havuile alongi ako kumi nu muyadi asendesele guvua jikhalui gudi yakoba nu Yone.
42
Yesu watamegene wa w"ambelele egi "mudi mujiga egi alongi a mapa adi mubalega nu akuma mukatshi diawo adi nu ufumu gua ene.
43
Uvua yajiyilego gukhala mukatshi dienu watshigina gukhala wakoma mukhatshi dienu udi n"ayo gukhala muenya mudimo wenu.
44
Watshigina gukhala wakoma mukhatshi dienu udi n"ayo gukhala muhiga ya agasue.
45
Ndaga muna muthu amutshitshile, nu guhana monio wenji gifua mukunda nu agasue.
46
Ajile gu yelego nu hakatugile mu yelego nu alongi enji nu thundu ya koma, muna Timee, Bartinia muthu wafua meso wakhalele gu khunda ya njila.
47
Nu mukologoga: muzuela " Yesu muna Davidi ngufile khenda!"
48
Avula amuhunesele, uvua wakologele ma ngololo: " muna Davidi, ngufile khenda
49
Yesu wamagenene,wahana njila egi mutamegenynu, amutamegene wazuela egi: kolelesela, zuza! Yesu udi mugutamega"
50
Wabishila gikuto hashi, waza gudi Yesu.
51
Yesu wamutamegele nu wazuedi egi "Itshi watshigina ngugutshitshile? gifofo giavutuile egi labi, ngatshigina gumona"
na Yesu wamutayele egi: " nda,
52
Gutshigina guaye guaguhuluisa" gatshididi wamunene luko nuwamulanduile mu njila.