¹ Yeyi gisendeselo gia mbimbi ya Yesu-Klisto, muna Nzambi. ² Gifua muafundiwe mu mukanda wa Ngambi Yeshaya:Tata, ngudi mutuma muthu gutuama diaye, muene mbaulonda njila yaye. ³ Dijui dia muthu udi mutamega mu gibonda "londienu njila ya muhuluishi, londienu jinjila muabonga". ⁴ Yone wajile mubatiza athu mu gibonda, nu mulongesa gubatijiwa mukunda nu gubola:lumuna mitshima gu bola. ⁵ Membo agasue a Yudaya nu athu agasue a mu Yelusalema ajile gudimuene. Abatijiwe gudi muene mu mutawa Jurdani, mulondolola gubala guawo. ⁶ Yonewakhalele musudiya gilema gia shitu nu muya ha gukoma guenji, wakhalele mudia mutulu nu wigi. ⁷ "Wakhalele mulongesa muzuela: Muthu you muza gu ngima diami, wangubalega jingolo, nu ngushigo wataganga ha gujitulula ngonji jia mapapu enji. ⁸ Ngamibatiza mu meya, uvua muene mbaumibatiza nu nyuma wabonga." ⁹ Masugu anyi Yesu wajile gu Nazaleta mu galilia na wabatijiwe gudi Yone mu muta wa Jurdani. ¹⁰ Hazogele Yesu mu meya wamuenene dilu diagutuga nu givule mubua gifuanjila ya gakhulumbia. ¹¹ ya zogele mu dilu: " udi munami ya guzumba. udi gunguhua gusuanguluga". ¹² Hene, givule giamuzagula ha guya nenji mu gibonda. ¹³ Wakhalele mu gibonda masungu makumi awana, walolewe gudi satana. wakhalele nu jishitu jabola, nu anjelo akhalele gumukuetesa. ¹⁴ Gungima dia gukuatewa gua Yone, Yesu wajile mu Galeliya mulongesa mbimbi ya Nzambi. ¹⁵ Muzuela egi, kumbi dialunga nu ufumu wa Nzambi udi hehi. Balumunyenu mitshima, tshiginyenu mbimbi ya Nzambi. ¹⁶ Wabalegele hehi nu muta wakoma wa galeliya nu muene Shimona nu Andele apanjia a Shimona, mumba wanda mu muta wokama ndaga akhalele mayanga. ¹⁷ Yesu wa awembelele: " jenu, ngulandudienu mbangumibuisa mayanga a athu". ¹⁸ Na gatshididi, abembele mawanda, amulandula. ¹⁹ Yesu wakhalele muya ngutuama ndambo gualeha, wamuene Yakoba mu a Zebede nu Yone panjienji: akhalele mu wato, mulonda wanda. ²⁰ watamegene, abembele shawo Zebede mu wato nu enya mudimo amulanduile. ²¹ Ayile mugapenauma, yakhalele lusungu lua lua samano, Yesu wajile mu gikombelelo ha gulongesa mbimbi ya Nzambi. ²² Ashimanene gulongesa guenji, ndaga wakhalele mulongesa gifua muthu udi nu ufumu ndo gifua muenya ipapa. ²³ Mukumbi dinyi, guakhalele muthu mu gikombelelo wakhalele nu givule giabola. ²⁴ Nu wokologele: wazuela egi ndagatshi udi n"aye, Yesu ya mu Nazaleta? waji mukunda nu gutushuya? ngajiya udi nanyi udi nyoma wa Nzambi? ²⁵ watamegene mujinjinye nu wazuela egi " Huene nu zojagudi muene". ²⁶ Mujinginynyi wamubuisa hashi wazoja gudi muene nu gukologoga dijui diakola. ²⁷ Athu agasue apapumugine, asendese gudihula muthu nu muthu: << Ishi ngeni? longo diko dihe? dihe nu ufumu? udi mubalela nu ivule giabola idi gumuvuila? ²⁸ Lukuma luenji muawendale mu membo agasue a galileya. ²⁹ Hazogele muene mu gikombelelo, agile monzo ya Shimona nu Andele, hamoshi nu Yakoba nu Yone. ³⁰ Ndaga ya, givuaji gia Shimona wakhalele ya gumbonda, mukunda na na agula gudi Yesu. ³¹ Na wamumona muza nu gukuatewa gu koko, amumangesele mu molu, gundala guahua na wasendesa gualondela ima. ³² Ngueze inyi, gu ngima dia kumbi gushinga amubatele akhashi, agasue nu akhalele nu mijingunyi. ³³ Dimbo diagasue diadibungishile gu mufulu. ³⁴ Wasagele athu avula akhalele nu ukhashi wa luholo nu luholo nu wakayele ajinginyi, a satana. uvua,gashiginyinego ha ivule yabola ha gazuela ndaga ya wajile. ³⁵ Wazugile nu gimenena hashi bui gosa khenji gutshiago, wajile mu fundo dila tedie ha gukombelela. ³⁶ Shimona nu akhalele n'enji akhalele gumukamba. ³⁷ Amumona Amuwambela egi: " muthu yagasue udi gugukamba." ³⁸ Wazuela egi: " tuyenu funda diko, mu membo adi hehi ha gula alongesa nji, yene ngajila haha." ³⁹ Wajile mu membo agasue a mu Galeliya, mulongesa mu ikombelela nu gukaya mijinginyinyi. ⁴⁰ Muenya hute wajile gudi muene, wamububila, wafugama gu ikanzo na wamuwambela:" gula wa tshigina wajiya gungusaga. " ⁴¹ khenda, Yesu wasunuine koko wamukuata, wamuwambela egi: " Ngatshigina. khala ya gusaga." ⁴² Hazuelale muene hute diakatuga, wasagewa. ⁴³ Yesu wamuwambele mangololo nu wamuvutula. ⁴⁴ Wamuwambela egi: "guwambela muthu ndo, uva ndo, udidijige gudi ngambi ya Nzambi, nu hana idi mukunda nu gusagesa guaye gifua muazuelele Mose, giungulugilo gudi ene."