¹ Mukulu gudi a phangi a guzumba Gaius yago ngazumba muabonga nu giamatshidia. ² Munetu ya guzumba ngana kombelela egi uye gutuama mundaga gia gasue nu ukhale muila wa bonga, mwenya giamatshidia gifua ha udi muya gutuama, mu monio waye. ³ ndaga ya ngasuangulugile muavula hajile anetu azuelele ndaga jia bonga mu guaye mu giamatshidia. ⁴ ngushigo nu gusuanguluga guavula mu ndaga eyi, ha guvua egi anami adi muwenda mu giamatshidia. ⁵ Munetu ya guzumba, tshitshila gudihana makumbi agasue tshita mukunda nu aphanjiaye nu mukunda nu angenji. ⁶ azuelele ndaga ya guzumba gwaye gutuama dia ekelezia. watshitshi mabonga ha watumi nu athu adi muwenda munjila ya Nzambi. ⁷ Mukunda nu jina diagu azogela, anazangulago nga ndaga ya imoshi ya adi ashigo enyagutshigina. ⁸ Tudi naye guzangula athu mukunda nu tu khale enya mudimo wa giamatshidia. ⁹ Ngafundjile ndaga jiko gudi ekeleziya, uvi Diotrophes wazumba gukhala muthu yagudiangela mukutshi diawo gatuzanguilego. ¹⁰ hene, gula ngaza, mbanguwunguluga midimo idi muene mutshita, mukunda nu itshi gazuelele ndaga jiagituhu mukunda nu esue nu mbimbi jia gumbundumuga. mukunda nu ngasuangulugilego gu midimo yenji, gajiyilego guzangula muene hakhenji apanjetu. idi yagutunjiwa gudi adi mutshigina guitshita nu guakaya mu ekeleziya. ¹¹ Munetu yaguzumba udi fuezege sago gu ndaga jiabola, uvi mukunda ndaga, jiabonga. yago udi mutshita ndaga jiabonga udi ya Nzambi, udi mutshita ndaga ndaga jiabola gamuenenego Nzambi. ¹² Demetruis wavile ndaga jia agasue nu mukatshi dia giamatshidia diago. tu dinji mujiya guzuela ndaga jia athu ako, nu mujiyi egi guzuela guetu gudi gua diago. ¹³ Hangasendesele gu funda mukanda ouhh, ngakhalele nu ndagajiamavu jia guguwambela. uvi luenyelu ngatshiginyinego guzuela gu mukanda ouhh. ¹⁴ Ngudi gudifuelela ha guza luenyelu ha gugumona, ngenyi mbatuzuela aye nu ame. ¹⁵ Ngudi mulomba gua Nzambi aguhue guhuima mafuta etu agutumina jimene.