¹ Paula, shidive nu Timote mu gikombelelo gia Tesalonika mu nzambi Tata nu Muhuluishi Yesu Klistu. Givule giabongo nu guhuima gukhale nenu. ² Tudi muhua Nzambi hambadiahana masugu agasue mukunda nu enue agasue, gulatudi mutumbula ndaga yenu hataidi mukombelela. ³ Tudi muunguluga gubemba ndogutuama dia Nzambi shetu, mudimo wenu wa guzumba, gutshigina guenu guakoma nu guhuminyima mukunda nugutuama dia fumu yetu Muhuluishi Yetu Klistu. ⁴ Ani etu aguzumba a guzumba mu Nzambi, tuajiya egi, wamitombele, ⁵ ndaga ya mbimbi, nu mu ngolo ja Nzambi, mu mu givule giabonga nu gudifuelela guadiago. Luholo lumoshi muajiya, egi tuakhalele athu a muho'tohi mukunda nu kunda gusicanguluga guene. ⁶ Muabuile gale alandudi etu nu a muhuluishi, gifua muavile mbimbi mu gulolewa nu gusuanguluga guajile gudi givule giabonga. ⁷ Gifua gishimbigo, muabua gijiyile mukunda muagasue a mu Maseduani nu a mu Ashai avuile. ⁸ Ndaga ya gu mbodienu, mbimbi ya Muhuluishe yavuwe, ndo ishigo khuta mu Maseduani nu mu Ashai. Ishigo ngenyi, muagasue muabuile nga gutshigina mu Nzambi gudi guagumwa ngana na hene, tushigo nu mbimbi ha guguela. ⁹ Ndaga ene hakhawa alongesewe, njila'tshi muabalumugine gudi Nzambi, ha gubemba isongo ha gutshitshila ya monyo nu Nzambi ya diago. ¹⁰ Udi yesu, ludi mutukatula mu khabu mbajiza.