¹ Ngenyi Yesu wa muenene dilamba mu muila, sudigienu ikuto ya luholo lugoshi gifua muthu wa mona dilamba, mu muila wa khatunga mugubola, ² Muthu gajilego gukhala nu monio nu ngolo jenji, khuta mugutshigina gua Yehowa Nzambi mu monio wenji wagasue. ³ Kumbi diavula diabalegele gale agukala nu monio, gifua muthu enya gubola: kumbi dia balengele mu luholo lua enya gubola adi mutshitha uthambi nu inui ya matombe, nu enya ikoko. ⁴ Udi gudi nana gifua enyi ha mudi mushigo gudibugisa enue nu enue, ikhadigo gifua apangienu adi muzuela, kutha ndaga gia bola gudi enue. ⁵ Ene mba atagiza adi hehi aagusambesa athu agufua nu adi nu monio. ⁶ Mukunda nu ndaga igoshi ya mbimbi ya Nzambi ya longesewe gudi athu, agufua nu adi nu munio, mukunda mila yaho gifua mala nu givule gia Nzambi. ⁷ Sunga ya ima yagasue idi hehi, nu enya ha mukhale nu givule gilaphe, gienu mugukobelela guenu. ⁸ Agudia ima yagasue, khadienu enue nu enue ha gudishigina, uvi guzumba gua natshigina gubola ndo. ⁹ khadienu muditshigina enue nu enue, mukhadigo nu gubogutha. ¹⁰ Mukunda nu muthu ya gasue wahetele dikapho mudi tshitshile gudi muthu nu muthu, uvi gumbonguta ndo. uvi mutshite gifua muene. ¹¹ Gula muthu udi muzuela mbimbi jidi muzuelewa gudi ngambi ya Nzambi, udi gi nu gingolo jia Nzambi tshitshenu ngenyi mukunda nu Nzambi atubuishiwe mujina ya Yesu Klisto; mukunda nu Yesu nu gubonga guenji nu njigolo jenji gia khala ha mavu agasue amen! ¹² Anethu aguzumba mukadigo gifua enyi uvi mukhale nu luholo luabonga ludi gumijila. ¹³ ata luholotshi lamba didi guenu, gudi muklisto uvi enue mukhale nu gusuanguluga guenu mukatshi dia ndaga ya mba musuenguluga. aguza gua Fumu Nzambi. ¹⁴ Gula mudi mushingiwa mukunda nu Yesu Klisto mudi ya gusuanguluishiwa ndaga mpeve yagusuanguluga idi mpeve ya Nzambi mba yitumiwa holo dia mito yenu. ¹⁵ Muthu gamihuigigo mumona dilamba gifua ashiyi a athu, nu nzangi nu a tshitshi ndaga jia bola nu enya gunua guyahuga. Gula muthu udi nu lamba gifua ¹⁶ muklistogakhadigo nu musoni uvi atumbuise Nzambi mu jina dienji. ¹⁷ Didi kumbi dia gusuanguluga gua sendesele gu inzo ya Nzambi nu dia sendesle gudi esue; itshi mbayikhala gudi athu adi ashigo gumilevungila mbimbi ya Nzambi! ¹⁸ Gula enya gutshigina adi aguhuluishiwa mu malamba, itshi mba ikhala gudi agubola nu enya masumu{uthambi}. ¹⁹ Mukunda nu adi mumona malamba mugutshina gualuholo lua Nzambi, hanyenu mionyo yenu yagasue gudi enya gutshigina gua Nzambi, gugutshitha gubonga gua gasue.