¹ Bebienu ndaga jagasue jabola , gu guhuiga, gusuega ngina nu izuelezuele. ² Gifua ana gitebe, atshigine mele a nguma ha gua komesa mu gutshigina. ³ gula walola egi muhuluishio udi wabonga. ⁴ Jenu gudi seso ya monio, yabishidiwe gudu athu , uvua ya tobewe gudi Nzambi nu udi ya ndando. ⁵ Amoshi mudi gifua seso jia monio, jia londewe mukunda nu gutugila inzo ya Nzambi, agula ikhale fundo dia bonga dia guhana ima ya Nzambi; ya bonga mukunda nu Yesu-Klisto. ⁷ Gusualunga gudi adi muvua( mushigina), uvua seso ya bishiwe gudi athungi, yeyi ya buele ya gishina agukuata gibayi>> ⁸ Nu udi seso ya khakhuishilo>> adi a gubua, gunemesa ndo mbimbi ya Nzambi. mukunda nu ngenyi ene atobewe. ⁹ Uvua henue, mudi giphuta gia tobewe gifua gia atshitshi a mudimo wa Nzambi, giphuta, athu adi ha Nzambi agulongesa ndaga gia bonga gudi wamitamengene gu phipha, gu bonga gua muanya. ¹⁰ Mahugo ako, mua khalelego giphuta, uvua luenyelu mudi giphuta gia Nzambi, muahetelego khenda, uvua luenyelu muaheta khenda. ¹¹ Anethu aguzumba gudi gumijisa muenyi nu uya gugu uya gugu, gujigamana gu ndaga giabola, gia muila, jidi mulua nu mushima luaye. ¹² Khala nu luholo luabonga mu khati dia athu, ashigo mujiya Nzambi, ha ene guzuela gudi aye ndaga jiabola ndo, adi n"ayo gutala ndaga jiaye jiabonga nu gutubuisa Nzambi lusugu lua gunza guenji. ¹³ Tumbuisa mafumu ha mavu, mukunda nu muhuluishi, tumbuisa amoshi fumu wa koma. ¹⁴ Nu gudi mafumu a itshiny ya membo, atumiwe mukunda nu guhana malamba gudi adi mutshita gubola; nu gutumbuisa adi mushitha mabonga. ¹⁵ Ndaga idi gutshigina gua Nzambi gula tudi mushita muabonga, udi mubuluimisa dijui gu izuele zuele ya athu anala guvua ndo. ¹⁶ gifua athu agitungu, udikhaledi wenu gushigina ndo gubola uvua khadienu gifua atshitshi a mudimo wa Nzambi. ¹⁷ Tumbuishenu muthu yagasue, zumbienu upanji. Lengienu Nzambi , nemesenu Fumu. ¹⁸ Enya mudimo, khadienu gudibuluimisa gudi afumi"enu nu ginemua, ishigo khuta gunemesa mafuma enu ndaga adi abonga nu a guhuminyina, uvua nji nu gudi athu abola. ¹⁹ Idi yabonga gula muthu udi gukola gugubola, agumona malamba mugujiya Nzambi. ²⁰ Gubonga"tshi gudi agukola agumona malamba? uvua gula watshitshi gubonga nu udi nu mumuesewa lamba, idi gubonga gumeso a Nzambi. ²¹ Muatamegewe mukunda nu ngenyi, ndaga ya Klisto ji wa monesewe lamba mukunda nu enue wamimbelele gijiyilo ha gulandula luholo luenji. ²² Gatshitshilego nga ndaga imoshi ndo, ya bola nga gushiya guasagewego mu kano guenji. ²³ gula washigiwa, ngavutuilego, hamuenene malamba gavutuilego gudi udi wabonga. ²⁴ Wazanguile malamba ethu muene akhanji ha muila wenji gumutshi wagudikikisa, ha guala tukadi go nu gubola, tu khale mu giamatshidia. mukunda nu gufua guenji muasagewe. ²⁵ Muakhalele agasue agutota gifua imeme. uvua luenyelu muavutuigile gala gudi mu mumbambi nu muteledi wa mionyio yenu.