¹ Polo, wur e bolog e Yezu Kristu, ti otwung onde Timotei, na Filemo ewur esu n'otshia. ² Na Afia otwung osu onkear, na Arshipe ewur otshia, ti n'evuru e Nzeam eli n'evuru eyie. ³ Ngrasia eyii ya gnu ti ngemba eyim ya Nzeam Teasu ti Nkum esu Yezu Kristu. ⁴ Ntangu enkum, ndapea Nzeam nsag-na-viye. Ndedzimi dzin iyie ne bisamu ime. ⁵ Djwi ayugme oshwong o lutondo ti lukwikilu eyie ya Nkum Yezu ti wasantu inkum. ⁶ Ndewigni ya nde djwi lukwikilu eyie eyii biu djwi ojii via ankum a wuo ne kati e lukwikilu esu ya Kristu. ⁷ Ndi n'osiang entsign ti biu entsign ko djwi na ngaang eyie, ogniang itura i vear amidjir ili ngikra djwi na yie, otwung. ⁸ Ata kaku vim esintshung mbug ve ne dzin i Kristu djwi na ntuba ma yie okii vim efwete yie na nkie, ⁹ ekug wuo djwi na lutondo, ndawigna ya yie, me Polo, ongnuign o wur, eli wur e bolog opeane djwi na Yezu Kristu. ¹⁰ Ndawigna ya yie, djwi na mon me Onezime, emiwur me ntangu emintshung wo eshing ne bolog. ¹¹ Nteang ayinde mfunu djwi na yie, lwo ene atikum mfunu djwi na yie mpi djwi na me. ¹² Ntotum nde wur eli etura eme . ¹³ Ayime na mfunu, mosokir etay eme djwi ansarisi me, nntangu elime n'eshing e bolog ene djwi akii otshia n'ondii oyie, na ndong oshwuong o wuo. ¹⁴ Kansi nkaleang nkie vim emog ve yug yie okaleang. Nkatun luzolo eyie ve, ekakum kamsi ntotum na biu na biu. ¹⁵ Kansi mbala emuu aminam nda yie ivim i nshuu, djwi otokea nsangagni mvwe na mvwe. ¹⁶ Apafiyia mpfum, kansi asilengande mpfum mpi asikum nde otwung oleang me entsign, otwung ome, ti eyie mpi ne osugn ti ne vii a Nkum. ¹⁷ Mby, yug omvey me kamsi ewur eyie, vey nde kamsi me. ¹⁸ Yug amokie ipwo to yug afwete omfuta vim, tsug wog ne dzin ime. ¹⁹ Me Polo, ndafugn vii ane n'ewuo eme memie: asifutame. Ntun ntuba memen yie yemie wur esifuta etay eme. ²⁰ Otwung ome, eli oshin onagn, ompii me ko vim e mfunu ne dzin i Nkum; tsug etura eme etoyor ne dzin i Kristu. ²¹ Ndajia oshin etsayie ndemfuka, mby s'amofugname onkean one. Ndajia memen asikieyie vim esilenga oshin omitubame. ²² K'oshing etubame ene, ongwumi ondii omvur, djwi mbansa, djwi na bisamu ignu, asikeame nkum etay egnu. ²³ Epafras, ewur eme e bolog djwi na Yezu Kristu alopea mbea . ²⁴ Oshin omog ti Marko, Aristarke, Demasu ti Luka, iwur ime otshia. ²⁵ Ngrasia e Nkum esu Yezu Kristu eyi ne mpeve eyie. Amen.