1
Vear ensign wamifugn vii ayileg ne kati esu,
2
oshin oyitekabi vear ayi antiegn to watemwe yum ko n'itsin mpe amikum luo vear along otuba o Nzeam.
3
Yo yina, me ko, s'eyenme wuo ntangu emishirme nding na ndjia wuowuo vii ankum yum ko ne luyantiku ewo, na mfugn djwi na yie, Teofile, oshin oyileg vii awo emog emog.
4
Eli djwi ojii yiyen vii ayolong wo ayiwo viavi.
5
Ntangu eyi Erodi vwi ne Yudea, ayiwo na nganga-Nzambi emog dzin inde Zakaria, ayum n'okuwo o Abia. Wearnde, dzin inde ayiwo Elizabete, emog kati aman ankear a Aaron.
6
Wankeape ayiwo vear a wuo ne nteang e Nzeam, alelemfukikiwo wuo kibeni ne nsiku i Nzeam ti ne vii ankum alatumikinde na nkie.
7
Kansi wakayiaka na mon ve, djwi Elizabet ayinde ekuba, mpe ne ntangu enagn wankeape ayiwo watikum penza antsur.
8
Ntangu ekiiki Zakaria otshia onde ne nteang e Nzeam, oshin oyiwo ngala okuwo onde, wosonnde,
9
oshin olomiki onkwon otshia onde o nganga-Nzambi, djwi na ntshwe n'evur e Nzeam mpe na ntsa mwang ananagn (malasi) a nsuu.
10
Olwo vear ankum asawosamaka ne lien ntangu e mwang malasi.a
11
Mbiy wanzio emog e Nzeam s'ayinde mpwe ya Zakaria mpe ayima ne wum ewuo e mesa eyimwangikinde ananagn a nsuu.
12
Zakaria s'eyugnde wom ntangu eyoyen nde.
13
Kansi wanzio atuba nda nde ndenden : "Oyayug wom ve, Zakaria, djwi Nzeam atiyug bisamu i yie. Wearyie Elizabete ayowurande mon ompeam. Ayopeayie dzin i Yoani.
14
Ayayiayie na kiese ensign djwi na nde, vear ensign ko ayayiawo n'osiang ntangu eyowurwo.
15
Djwi ayayiande wur eninen ne nteang e Nkum. Apayagnwaka vean ve, ata vean a biuu, ayayuonde na Mpeve Santu yum ko n'ipfugn i meande.
16
Ayakeande mvara aman entsign e Israel etay e Nkum, Nzeam ewo.
17
Ayakienakande ne nteang e Nzeam na mpeve ti na biuu o Elia. Ayakiende ngwign djwi na mvara itura atea etay aman, djwi na mvara vear amijing mbug na nkea ne wagn e vear awuo, djwi na ngidikila Nkum vear akug na nde."
18
Zakaria s'akearinde wanzio ndenden : "Oshin nge eyajiame vii awo? Djwi me ntignugn, wearme ko atikum intsur."
19
Wanzio s'okearinde ndenden : " Me nde Gabriel, alime ne nteang e Nzeam, ndug wur entum djwi n'onkaba oshong owuo onagn.
20
Yen ! Asikum yie baba, opafituba ve tii k'eshuu eyakum vii anagn, djwi okaleang ndjir otuba ome, otuba owo ayakokisamawo yug ntangu ewo etikug.
21
Ntangu enagn, ayiwo wasakwung Zakaria le lien. Ayitukikiwo na ngyen wuwun ativey ntangu entsign ne tii evur e Nzeam.
22
Kansi ntangu emipwende, akakug ntuba nda vear ve. S'ajiwo wuwun atiyen vii ne tii evur e Nzeam. Odzum otitshung, alesetubi ko na bidimbu ilekiinde ne mbwo.
23
Ntangu emishir ntshuu inde otshia n'evur e Nzeam, s'ekeynde nsa evuru ende.
24
Ne mbiy intshuu inagn, wearnde Elizabete avey djim mpe azuba n'evur ngwon itean. Atuba ndenden,
25
"Ene eli vii awuo aminkie Nkum, atikea mbug dziy etay eme djwi na ndima nsogn ime ne viy a vear.
26
Ne ngwon ison,Nzeam atsigna wanzio Gabriyele ne wiy'emog ne buu e Galilea, dzin iwu Nazareta,
27
etay osig onkear emog epijia ampeam, dzin inde Mariya, eyiling wo iviya etay e mon ompeam emog dzin inde Yozefo, n'ekub e Davidi.
28
Wanzio ashwe etay ende, ndindin: " Tojir mbea, yie wur emiviya ngrasia ne nteang e Nzeam, Nzeam ali nda yie."
29
Mariya asay ntang eyiyug nde otub'enagn, ndindin, wu mbea otsin enagn ayakab nge.
30
Wanzio atuba na nde:" Mariya, oyayug womo djwi otiviya ngrasia ne nteang e Nzeam.
31
Yenaka, ayaveyie djim, ayawuryie mon ompeam, ayopeayie dzin i Yezu.
32
Ayayiande wur eninen, ayoviewo Mon e Nkum ne dzug, Nzeam ayopeande ekub e ndwundwu nde Davidi.
33
Ayayia nde nkum enen n'evur e Yakobo mvwe na mvwe, ekub ende epayia na nsuka."
34
Mariya atuba na wanzio ndindin: " Viawu ayayiawu otsin onkagn, djwi me mpijia ampeam?"
35
Wanzio okiara ndindin: " Mpeve Santu ayayiande nda yie, Mbiy biyu e Nzeam eli ne dzug ayodzub nde, Otsin enagn Mon e Santu eyawur yie ayoviewu Mon e Nzeam.
36
Yen, Elizabete, otung eyie ali na djim i mon ompeam n'ongnugn ende, nde eyivikiwu onkear enkuba, luo ene ali na djim i ngwon isom.
37
Djwi kaku vim ekuon nkie Nzeam."
38
Mariya ndindin : " Me ndi wur otshia e nkum; eyi k'otsin emitubayie." Wanzio s'eyikiende.
39
Ntang enagn Mariya ayima, s'atshwinde eveang eveang, n'ombimi, ne wiya emog e Yuda.
40
Ashwe n'evur e Zakaria, apea Elizabete mbea.
41
Ntang emiyug Elizabete mbea emopea Mariya, mon n'ipfugni agnug n'oseang e mbea omopea Mariya, ayuo na Mpeve Santu.
42
Adzama n'otub'e biu ndindin: " Nzeam atosakumuna ne kati ankear ankum, ata mon eli n'ipfugn iyie Nzeam atosakumuna.
43
Otsin onkagn mea e nkum eme ayi etay eme?
44
Yenaka, k'otsin emiyug me otuba oyie emimpeayie mbea, mon eli n'ipfugn'ime atiyia oseang oseang.
45
Oseang n'onkear emikwikila, djwi viy amokaba nkum ayakug wu n'otsin ewo.
46
Mariya atuba ndindin: " Moyo eme kumisa Nkum,
47
mpi mpev eme eyi n'oseang na Nzeam, evug eme.
48
Djwi atindir me onkear e mpama, wur'ende otshia. Yenaka, bana luo ene, mvwe na mvwe ayamvie wu onkear enseang.
49
Djwi Nzeam nkea biu atikie viy anen n'ame; dzin'inde eli Santu,
50
Ngiy ende eli mvwe na mvwe n'avear olur nde.
51
Atiyegne biu ewuo ende, atatsug tshiaga tshiaga, vear ankum ayi na ngindu omuong n'itur'iwo.
52
Atilog ankia biu ne wa nkway'iwo ikub, atijir avear akwon lulendo.
53
Atipea iyur n'avear a nziya, atikeara ankea ekri mbwo mpama.
54
Atisarisa Israyele, wur ende otshia, atikea nkana ngiy'ende.
55
Otsin eyitubinde nda wa tea su, n'Abrayama, n'okuu end'enkuma otsog otsog."
56
Mariya asatsuga etay'Elizabete ngwon isar mbiy s'akeyinde nsa wiyande.
57
Elizabete, nshwi inde i ngwur itikug, awur mon ompeam.
58
Avear ali mbeama na nde ti avear ayowur ayiwo n'oseang ntang emiyug wu wuwun Nkum atiyegne ngiy ende eaty'Elizabete, wayia na kiese wankum.
59
Emikug nshwi iniani, atshwi wo mbag mon djung, oviyikiwu Zakariya, dzin i teande.
60
Kansi meande avey otuba, ndindin: " Kaku, ayoviewo Yoani."
61
Vear wande wuwun: " Ne okuu oyie, kaku ata wur eli na dzin inagn."
62
S'atubiwo na bidimu wa teande, djwi wajiy dzin nge eyoviakawu.
63
Zakariya awigna ibaya, afugni:" Dzin inde Yoani." W'ankum watsug mbwo n'odzum.
64
Ko ne ntang enagn odzum ende engam, elem ende engam, akea ntuba, akumisa Nzeam.
65
Vear ankum wayug womo, n'ayiy mbeama na wu, n'ayiy n'ombimi e Yudea, wasayama ko na djw'iwo.
66
Vear ankuma ayuguki viy anagn, awumikiwo n'itur'iwo, wuwun : " Mon ene ayayiande otsin onkagn? " Ewuo e Nkum ayiwo nande.
67
Teande Zakariya aywe na Mpeve Santu abana nsakula, atuba ndindin:
68
" Nkum avey lukumu, nde Nzeam i Israyele, djwina emiyia ndir mpi atikea ntshum avear ande.
69
Atituma avear wur emiyia ntevuga n'ekub e Davidi, wur ende otshia,
70
k'otsin eyitubinde n'odzum e wa ngunza i sanut ne ntang e ntama.
71
Wur emiyia mvuga avear ne mbwo e wa mbeni ti ne mbwo avear apitsi ndeang avear.
72
Wog enagn, eleyegninde ngiy ende etay e watea isu, alekani ngwakana e santu ende,
73
otsin eyisilinde ne nteang e wa ndundu esu Abrayama.
74
djwi api avear mbug, sikiy otshia na nkuon ngyug womo, ntang eyalim su ne nbwo e wa mben'isu,
75
mpi na nkien ne nteang'ende na nkuon nkie ipwo ti na ndig epier ewuo ntshwi inkum,
76
Kansi yie, mon me ene,ayoviewu ngunza e Nzeam eli ne dzug, djwi ayakiene yie ne nteang e Nkum djwi owong mbug ende,
77
djwi opiy wagni evug n'avear ande djwina ndolula i masumu iwo.
78
Eli djwina ngiy e Nzeam na sug, epea mbug te vuna epuy ne dzug djwina sug,
79
djwi avear ali ne mpib ti ali pipi n'ewa wayen mwinda mpi wakien ne mbug e ngemba.
80
Kansi Mon alefwikinde na biu e Mpeve, s'apierekinde ne buu e nzum tii eshwi eyipuy nde ne nteang e Nzeam.