¹ Yenagni ven aman a Israel ayishwi n'Ejipiti wa Yakob ti vear opeang o wur na wur : ² Ruben, Simeyon, Levi ti Yuda, ³ Isakar, Zabuluni, ti Bejame, ⁴ Dan, Neftali, Gad, ti Aser, ⁵ vear ayipwi n'ipfugn i Yakob ayiwo wankum vear oshambia. Yozefu ayinde ne ntangu enagni ku n'Ejipiti. ⁶ Mbiy Yozefu ti atwung ande , ti ndwong ewo enkum s'awiwo. ⁷ Aman Israel awurikiwo, mpi wakum entsign, walega nkum biu entsign, wayura wiya. ⁸ Mbiy nkum emog empa apwe n'Ejipiti, akajia Yozefu ve. ⁹ Akaba vear ande ndenden : Yenagni aman a Israel watikum vear olwi mpi biu entsign ndenga su. ¹⁰ Yagagni, siyiagni na wagn ne nteang ewo, s'apig mbug djwi wakwon nkum entsign, djwi yug mbeagn etiyia, asikug wo nshwe etay e wambeni isu djwi na ndwa wa su mbiy wakim. ¹⁵ Mby vwi e Ejipitiatuba nda ankear a wayuda atsansarisa ankear djwi na ngwur, emog dzin inde Shifra mby emuu dzin inde Pua. ¹⁶ Atuba nda wo ndenden: "Ntangu esarisagnu ankear a wayuda na ngwur ne ntir, yug atiwur mon ompeam, djagagni nde; yug mon onkear, siangagni nde." ¹⁷ Kansi ankear anagn alurikiwo Nzeam, wakaleang nkie vii atuba vwi enagn ve. S'asiamgikiwo aman ampeam ne luzingu. ¹⁸ Vwi e Ejipiti avie ankear atsansarisa ankear na ngwur, atuba nda wo ndenden: "Djwi na nge emikiegnu ngean? Otisiangagni aman anagn ne luzingu?" ¹⁹ Ankear anagn wakeara Faraon wuwun: "Ankear a wayuda epa wali kamsi ankear a Ejipiti ve; wali biu, atsawo ngwur ntangu eli onkear esarisa atokum ve." ²⁰ Nzeam akie iwuo ya ankear anagn atsansarisa na ngwur. Mby vear wakum entsign, walega nkum biu. ²¹ Djwi ankear anagn ayikiwo na womo o Nzeam, apea vim entsign, wawur mpi entsign. ²² Mby Faraon atuba nda vear ande ankum ndenden: "Asifangagnu ne nzey, mon ompeam enkum esiwur wo, asisiangagnu aman ankear ankumne luzingu."