¹ Ne mvwe otatu eyivey Yoakim ekub e vwi ne buu e Yuda, Nabukodonozor, vwi e Babiloni agneg vear a Yeruzalem, ayia kamsi nkum ewo. ² Nkum s'apinde Yoakim, vwi e Yuda ne mbwo inde, ti ikab i mpuug na alongo ali ne evuru e Nzeam. Nabukodonozor s'avarinde mpuug inagn ne buu e Shinear, ne evuru e nzeam ende, atsug wog ne ondii otsande ngwum vim a nzeam ende. ³ Vwi atum Ashipenazi, nkum ayer-nkuu atsankwung evuru ende, na mvara aman alieng a Israel ali ne okuu o vwi, to atea awo wali ankum; ⁴ aman ampeam ali kaku ikom ne djuung iwo, ali na ilung i wuo, ali na waagn, na ntiegn, amishwe mvuru enkean, aman akug na nkie otshia ne evuru e vwi, mpi vear asikug wo ndong na mfugn onkean, waji mpi na ntuba otuba o wa Kaldeena. ⁵ Vwi atuba ndenden walapike konso eshuu vim ande asila nde ne mesa, ti vean ande asignua nde, djwi aling na ngwunga wo mvwe isar, ne mby ewo ayatsawo nkie otshia ne evuru e vwi. ⁶ Ne kati e aman a Yuda enagn ayiwo: Daniel, Hanania, Miskael, ti Azaria. ⁷ Nkum e ayer-nkuu enagn apea aman awo vn amuu. Apea Daniel dzin i Shadrak, Miskael opea dzin i Meshak, mbiy Azaria opea dzin i Abed Nego. ⁸ Daniel atuba ndenden apikug mvey mbin ve na nda vim a vwi, mpi na gnua vean amignua vwi. Mby akaba Nkum ayer-nkuu djwi n'ontum nde djwi akalog ne mbin. ⁹ Nzeam apea Daniel ngrasia ne nteang e Nkum ayer-nkuu. ¹⁰ Mby Nkum Nkum ayer-nkuu atuba nda Daniel ndenden: "Me, Ndi na womo e vwi, nkum eme, djwi ndug wur eyitubi ndenden ofwete ndagni vim ane, mpi na gnua veana ane. Mby oshin onkagn esiyen nde elung eyie etignugn, epabkamsi ilung aman a mvwe eyie ve. Enagn point vwi ambag ote." ¹¹ Mby Daniel atuba nda nkum emuu eyitsug nkum ayer-nkuu enagn na ndiraka Daniel, Hanania, Miskael ti Azaria ndenden: ¹² "Su vear ayie otshia, otelir ne nshuu djum, djwi na nda, watepi ko asagn ti vay agnua. ¹³ Mby ayalir yie ilung isu ti ilung enkwo esilaka vim alepiwo ya vwi, mby ayakie yie ya su vear ayie otshia oshin oyaleang yie. ¹⁴ Ajir mpi ko oshin omituba wo, soir tii ko nshuu djum. ¹⁵ Ne nsuka e nshuu djum, wakum na ilung i wuo, ti onen ne djuung, walenga djuung aman ayilike vim a vwi. ¹⁶ Nkum eyakwungike enagn, yug atiyia na vim a nda ayim n'evuru e vwi, nde aleamikinde ko asagn ¹⁷ Nzeam aleamikinde aman anagn anagn waagn o njia vii n'enkean ankeankum ti ontiegn, Daniel mpi atendulikinde wandoy i vear. ¹⁸ Nshuu iyitubi vwi itikug, djwi s'avarinde aman awo etay ende. Nkum ayer-nkuu atsa ngyegne wo etay e Nabuchodonozor. ¹⁹ Vwi s'awinde nsuka nda wo. Ne kati e enkwo enagn, akayen ve, mon ekug ti Daniel, Hanania, Miskael ti Azaria. Vwi s'avey nde wo na nkie otshia ne evur ende. ²⁰ Vii ankeankum afwete wo nkie na ontiegn, na waagn, ata vii amuu ayue vwi djwi na njia oshin oli vii awo, ayenikinde aman awo walenga mbala djum ankeankum alog ankeankum ti wanganga ili ne buu ende. ²¹ Enagn oshin oyikum Daniel tii ko ne mvwe ontete e vwi Sirus.