¹ Insur i dibundu, mfugna Kiria, emiponawo ti aman ande, eliang na masonga, mpe epa nde memie wur aliang, kansi vear ankum ayiji masonga. ² Djwi na masonga eli ne kati esu mpe eyayia na su otshwag mvwe na mvwe. ³ Ngrasia, ndolula nti ngemba iyum na Tea Nzeam ti na Yezu Kristu, mon'e Tea, iyi ya gnu ne masonga ti ne lutondo. ⁴ Ayime n'osiang entsign na ngyen ne kati aman ayie aman alekien n masonga, oshin elomo onkwon oyivisu ya Tea Nzeam. ⁵ Opean, vim elingme ya yie, Kiria - epa m'opea onkwon ompa ve, kansi k'onkwon oyiyisu na wo kandiye ne luyantiku - onkwon owo oli ngean : sifwete ngya na ngagn sug na sug. ⁶ Ngagn ewo eli nkie oshin olomo onkwon o Nzeam. Enagn eli onkwon efwetegnu nkien la wo oshin oyolongagniwo yum ko n'itsin. ⁷ Djwi vear oyang entsign wamishwe ne buu ; wapindimi ve ne viy a vear wuwun Yezu ayinde la djung i wur ; wur eli ngagn eli nkea oyang mpe Antikristu. ⁸ Osugagni, djwi okwonagni mpiy ifuta otshia ognu kansi oveagni ifuta inen kibeni. ⁹ Wur enkum esitsa etei mpe esipwe n' along a Yezu, kakunde na Nzeam; wur etisatsiga n'along anagn, ali na Tea Nzeam ti Mon . ¹⁰ Yug wur amiyia etay egnu mpe ali n'along oshin omuu, oyoyamagni n'evur egnu ye mpi oyopeagni mbea ve. ¹¹ Djwi wur esopea mbea avey ikab ne vii apwo a wur enagn. ¹² Atako nde na vii entsign e mfugn, nkaleang na nsadila ekay ti vay enkean ve, nkian;kansi nde na mfunu e ngya etay egnu, djwi sisuli me ma gnu ye mpi djwi kiese esu eyi eninen. ¹³ Aman otwung oyie onkear oyison wo wayopea mbea.