¹ Paulu, Silive na Timotei ya vear evuru e Nzeam e Tesalonika eli ya Tea Nzeam ti ya Nkum Yezu Kristu. Ngrasia ti ngemba eyi ya gnu. ² Atsasunkeara ntangu enkum nsag na viye na Nzeam djwi na gnu gnankum, mpe atsasu onkanagni gnu ne bisamu isu. ³ Atsasunkana ntangu enkum ne nteang e Teasu Nzeam otshia o lukwikilu egnu, otshia o lutondo egnu mpe ekaagn egnu e biuu ya Nkum esu Yezu Kristu. ⁴ Atwung, gnu aman ali Nzeam amoleangagni, sijia susun amosonagni, ⁵ djwi along ayilong su ekayia ko n'odzum o mpama ve, kansi ayiwo mpi na biu, na Mpeve Santu ti na kikesa e mveara vear ne lukwikilu. Oshin omog ko, opikug njingagni ve oshin nge eyipiersu ne kati egnu djwi na mfunu eli ya gnu. ⁶ Gnu gnemie akum gnu ndjie mbanu esu mpi mbanu e Nkum Yezu n'oshin oyiyamignu otuba o Nzeam ne kati i mpay eshin n'eshin ti osiang eyum ya Mpeve Santu. ⁷ Wog enagn, s'emikum gnu mbanu ne nteang e vear ankum amidjir ne Masedonia ti Akai. ⁸ Djwi na gnu, vear watijia otuba o Nkum, epa ko ne Masedonia ti n'Akai ve, kansi mpi n'endii enkum emijiawo lukwikilu egnu ya Nzeam, djwi kakusu diaka na mfunu e ntuba ata djwi neti ve. ⁹ Djwi, wog wemie walekab djwi na su oshin nge oyishwisu etay egnu. Walekab oshin nge emitshimagnu itura etay e Nzeam, oshin omisasiangagnu nzeam ignu i biteke djwi na nsama Nzeam eli na luzingu mpi e masonga. ¹⁰ Waletubi wuwun okwungagni Mon nde eyayum dzug olung mpi eyibiyinde n'ewa. Eli Yezu Kristu, eletelimi ne nkier ileseye ine.