¹ Wur emog e wiya e Rama Sofini, etay eli embimi e Efraim, dzin inde Elkana, tea e Yeroam, mon e Eliu, mon e Tohu, mon e Suf, ne okuu o Efraim. ² Ayinde na aveari ape, emog dzin inde Anna, mby emuu Penina. Penina ayinde na aman, kansi Anna akayia na mon ve. ³ Konso mvwe, wur ene alimiki nde ne wiya nde, atsi ne Silo, na nkr abng ne nteang e Yaweh, Nkum ayer- nkuu, mpi djwi n'onkie empeab. Ne wiya enagn, aman a Eli ayiwo kog: Ofni ti Finee, wog vear wog vear ayikike empeab djwi na Yaweh. ⁴ Eshuu esikiende empeab, Elkana asipea nde ndamu e vim ya wear nde Penina ti aman ande ampeam ti ankear ankeankum ayiwur wo wape. ⁵ Kansi ya wear nde Anna, opikinde ikab inagn mbala ipe., ogniang aleangikinde Anna entsign ata Yaweh otsug nde ekuba. ⁶ Mpivar nde alotwomikinde ambwunga, alolingikinde ontsumu n'oshin eyotsug Yaweh ekuba. ⁷ Konso mvwe ayikiwo ko oshin onagn. Konso mbala yug Anna alevean na ntsa n'evuru e Yaweh, Penina alosumukinde ko oshin onagn. Mby s'aliyikinde, apaleang nda mpi ve. ⁸ Wum nde Elkana atubikinde ndenden: "Anna, nge eliye yie, epileang yie na nda? Djwi na nge etsug yie ngy n'etura eyie? Mfunu eme etay eyie epilengi aman ampeam djum a mpivar yie ve?" ⁹ Ntangu emishir wo nda ti na gnua ne Silo, Anna s'ayiminde. Nganga- Nzambi Eli ayinde ngigneme ne nkway, mbeama n'itag imog ili n'evuru e Yaweh. ¹⁰ Ngy etokir n'etura, s'asamikinde Yaweh ti viey ne vy. ¹¹ Asila ndenden: "Yaweh, Nkum ayer- nkuu! Yug omiyug wur eyie otshia onkear ene ngy, yug okanjing me ve, ominkana me, mpi yug omimpea me ur eyie otshia okear ene ata mon ompeam, ayokeame ompea nde ko ya yie Yaweh, luzingu ende enkeankum, ata awuu ande n'ote wapayabag ve. ¹² Oshin oyinde etean ne bisamu inde inagn ne nteang e Yaweh, Eli olirikinde ko n'odzum. ¹³ Anna atubikinde n'etura , kansi ameaga ko n'odzum, wakayugaka otuba onde ve.Eli abansinde ndendenatiyy veana, ¹⁴ mby atuba ya nde ndenden: "Otiyuy veana ane tii nsuka nonkagn? Shira iyuyiyie i veana!" ¹⁵ Anna okeara ndenden: "Nkum eme, kaku ve. Me, ndi onkear, eli na mpay iyen me n'etura eme, mpi kaku veana amignua me djwi na ngyuy ve kansi nti ngama etura eme ne nteang e Nzeam. ¹⁶ Oyavey wur eyie otshia onkear kamsi ndakwon waagn ve, eli osayu etilega ti ngy, mby s'amiyen yie ndatuba tii opeane ngean." ¹⁷ Eli akea mvey otuba ndenden: "Tshwag na ngemba mpi Nzeam Israel avey bisamu imopea yie ya nde." ¹⁸ Akeara ndenden: "Sianga wur eyie otshia onkear aviy ngrasia ne vy ayie. Mby onkear owo s'akien nde. Akea nda, elung ende ekafiyia oshin omog ve. ¹⁹ Nde ti wum nde s'akey wo ngyima ne suka enagn, ntangu emishir wo nkr abong ne nteang e Yaweh, s'akey wo ntsa evuru ewo ne Rama. Ekana ajia wear nde Anna, mpi Yaweh akea nkana onkear onagn. ²⁰ Ko ne mvwe enagn, Anna avey djim, mpi awur mon ompeam, opea dzin i Samuel, atuba ndenden owignime ya Yaweh. ²¹ Wum nde Elkana, ne mby ewo, avean ti vear ankeankum ali n'evuru ende, na nkie empeab e nsuka e mvwe djwi na Yaweh mpi djwi na lusilu ende ekug. ²² Kansi Anna akatsa ve, akaba wum nde ndenden: "Me ko, yug mon atikug nshuu inde, mby ayovara me mpiog, moyegni ne nteang e Yaweh, mpi asatsuga otshwag mpiog enagn." ²³ Wum nde Elkana akeara ndenden: "Kie oshin oleang yie, kwung ko yug nshuu inde itikug, kwung ko Yaweh akii oshin oyitubinde." Mpi onkear onagn asatsuga, asapea mon aviyo, tii ko eyonaminde ne aviyo. ²⁴ Ntangu emonama nde ne aviyo, s'avean wo wape, avey ngombe awum asar, esag emog ekuru ti iwung i veana. Ajie wog ne evuru e Yaweh ne Silo. Mon ayinde ko ilieng. ²⁵ Wabag nking i wangombe inagn, mby wavara mon etay e Eli. ²⁶ Anna atuba ndenden: "Ngea nkum eme! Moyo eyie eli na luzingu, me ndi onkear oyike mbeama na yie eshuu emuu nendien na ngwigna bisamu ya Yaweh. ²⁷ Ayiwo djwi na mon ene eyisamikime, mpi Yaweh ayug nde bisamu ime. ²⁸ Wog enagn ntiyia n'ompea nde ya Yaweh." Mby s'akr wo abong ne nteang e Yaweh.