¹ Pol,mpik e yesu klitu ,wur nge viwa lezaa ntumwa,mpi wur nge tsuk wa lev'yi avar lelong otib'e nzam, ² nge sil nde begne letan lonkan enzam ,lodum ambikur , ³ itsen nde nge butuk nse wur nge pwe nsob e davir. ⁴ Ka-ni ,avar me yiawa -koyia wamugne ndale van nzam le bie e mpeve santu .oshwong na me yiewa za ntang nge sum ndi lewa ,nde yesu klitu ,nk'mu e so. ⁵ Lembok'ende,mezaso lotum 'ensa, eti enen etielezir la nsar-sa e lukurkil lafegne ,itsin ladzen ende. ⁶ elewa a memvi kaka lafegne ngeni,itsen nozano avar eyesu -klitu. ⁷ Itsin la var kanso ngele le roma, nse avan anzam nge lang- nde ,avar ni , wa ma viwa lezaa asantu.otum ewuo enen mpi ngen etaa nzam eso, eti enk'm eso yesu-klitu eza lewa no kanso. ⁸ Oso ,me nte pa maton lewaa nzam eme le mbok e yesu klitu itsen lamokokin ,itsen wekab lukwikil eno le boo okin ⁹ itsen nzam keni nge pakie me otshia ende la busantu lotum eme okin ,ntang nge long me otib evan nde ,elak kakwa -kakwa ke me patsuk meno le bisam eme,konso mbal. ¹⁰ Mpi mente ling ozuk mpil ebuyi menze wano ozuk zile luzol enzam. ¹¹ Itsen mende lanza penza layen-na,itsen me lapa no ikab empeve itsen noza no bir. ¹² letib mpi nsa, laso leza laa key so la so lembok elukwikilu eso, eno mpi eza eme. ¹³ Atung ,mente ling noyia no yiano namugne, ntshwin paling me laza kiang no-ke tii ana wenkang mbok itsen me lalevey mpi indam imbur leti eno otin me vame indam imbur leti afegne amwa. ¹⁴ Mende lamfuk avar a greki ti angiegne,anga ayel ti anzigne. ¹⁵ Nduk za,mente zuk mbwa nsa laling no mpi otib enzam le roma. ¹⁶ Itsen mempe zuk ntshiegne be le long otib enzam;dzi-dzi zilé bir enzam itsen la lugulusu avar kokin ngele la lukwikil,oso oyuda,lemb'yi a greki ¹⁷ kitsen lembok za, nzam amelak lung ende lembok elokwikilu,otin nge son wa womugne; wur-elunung kaying nde la lukwikilu ¹⁸ Itsen nki e nzam pafiza dzuk mpa pa zul za eshwong nge fa vuenza mpi nzam mpi ngeye kwan lunung avar nge tunu mbok nge me kwan lunung. ¹⁹ Nzam papande wa ndol,itsen eshwong ngelinga avar leyia itsen lanzam ,papwe za ke sieme levey wa;Nzam ngaza papur wa loshang. ²⁰ Itsen lukalul ende ngele epe monika sieme be ,pemonika za sieme begne nge ngang boo ,itsen pamonika za le bingangu ende,kisongdil izul mpi o nzam ende. ²¹ Itsen ,asa wa ke yia nzam ,wato pande nkembo ,mpi wato langnde be,itsen ngin ewaeywa mpama-mpama,mpi otum ewa ebuzob ekumza pio. ²² Ata wetib wamugne wolé angayel ,wa me kum ozob . ²³ Olié lepa nkembo lewa nzam ,we fukimin bitek e mfele,eniam eti aniam nge paban lentu,lanku ini,ngele nsuk eza kapuan za. ²⁴ Nduk za ,nzam amemengwa lawa mpusa ewa ,lekie eshwong emvin,itsen wapa dzung ewa ngaza ntshegne. ²⁵ Wo ngele apono letib ishwi loka emasong enzam ,wa ngebasam bigangwa loka ewor nge ganga(engangi) ngeki ekuk mvia-la mvia.Amen! ²⁶ Nduk za nzam ama pawa mpusa enene lesangsà dzung wa lawa mpusa empampaqm,itsen awal awa amemeng lilal iwa embotan lotin ngele za nga shwom be. ²⁷ Otin emwotuk,ampam ameying lilal embotam wa wal 'awa langele ipe paa boo lukum be .ampam evukan lampam lekie eshwong entshiegne ,nsuk ewa mbwa ndol nge kuhu leshwong ewa obé. ²⁸ Banso wa ketun leyir nzam ,nde amashiy wa lelab ngin nge lende apelang be ,itsen wa me kie eshwong edzia be. ²⁹ Mpi eyiwa nga fuluka leshwong nge kwan lunung,enki,lelog,ayel epwa.we lang lelula ,ledjaka ,mbegne ,ishuhu,song-song . ³⁰ Patong wa,pa niag wa nzam,lozir be,lulen pasang wapiak,pavir wa eshwong obe-obé,wa pezuk bibuti be , ³¹ wa wagne (ayel)embakisa eshwong be wa pe kukusa lusil ewa be,wazola atung be,wa mpi ngi atung be. ³² We yia kiben tribinal(zuzema)enzam:itsen ngakga lekie ipwa otin ngeni, awa .Obé ewa itesuk anyi be, webir mpi avar nge yakie epwani ngwa.