¹ Itsen malong e Yezu Klitu, van Nzama. ² Otin nge son wa lonkan embikur Esaya, Nzama nda mugne nge na ntumwa nge tum me loso eya itsen ndo pung ya mbok. ³ Ile otib ewur nge gang loshi edzel, pung no mbok nk'mu nga za nde, kwam no a mbok. ⁴ Jang, eyegne nde loshi e dzel lale pa avar mbotik, mpi lale pa wa malong e mbotik, la wa le shwomo etum, mpi Nzama kalolul nde wa. ⁵ Avar kakin e boo e Yudeyia ti e Yeruzalema ekewa lewa nde Jang le tubil masum levey avar kakin. ⁶ Jang ma pa nde mbotik le vey e yurdana. Jang e yinde e lwar ilama ti okaba nge yi la vieye enyam pavi wa shamo. nde yinde ela mpay ti oyui. ⁷ Nde long nda mugne: wur emwa ize lembey eme, nda me ndeng me la bir, mpi me mpe kuwu ata nse itshi be leshur edze e sabar nde. ⁸ Me ma pa no mbotik evay, ke nde ka pa nde no mbotik e mpeve e Nzama. ⁹ Nshu ngeni, Yezu efinde Nazareti le boo e Galiya. Jang mo pa nde mbotik le nzaa e Yurdani. ¹⁰ Ntang nge yinde epwe levay, me yinde dzuk eme dub mpi mpeve santu ame buma nse pizio lotia ende. ¹¹ Otib emwa me fiza dzuk nda mugne: yo buyi van me emotuku nga palang me ivre. Me nde losak ivre itsen laya. ¹² Ka ntang ni, mpeve e Nzama me pur nde Yezu loshi edzel. ¹³ Luna, nde me kie nde nshu adjum ani. satan mo mek nde. Lo kani, eyiwa mpi ti anyam, kansi Awanzio eyiwa osadil nde. ¹⁴ ntang nge me tsuk wa Jang lolok, Yezu ekende le boo e Galileya le long eshwong ewuo e Nzama. ¹⁵ Nda mugne: ntang eme kuk. Ok'ma e Nzama eme k'm. Tshim no etum, yir no esang wuo nge na. ¹⁶ Ntang nge yinde ilenga lenkwal evey e Galileya me yen nde Simo ti Andre, okwam Simo; we toma odze levay, itsen otshia ewa eyiwa lelob nse. ¹⁷ Yezu ma kab nde mugne: odab no me, mpi kalak me no mpil lelob avar. ¹⁸ Wa me meng etshim ewa,mpi molab wa, tetang ngeni. ¹⁹ Ntang me kande otaa ivre be,me yen nde Yakobo, van e Zebede, ti Jang, okwam Jakob. Eyiwa lewa wa lepung edze endob. ²⁰ Yezu ma vinde wa. Me shiyyi wa taa wa Zebede ti avar otshia lengab, mpi molab wa nde. ²¹ Yezu ekende Kapernawum ti a nsadi ende. Leshu e sabata, eshu lale numu, Yezu me swende levle e bisam, mpi me long nde. ²² Avar eyiwa eyituk ivre otin nge yinde elong, itsen nde pe yinde elong nse along e nsik be,kansi nde eyinde elong ti kiyek. ²³ Le ntang ngeni, wur e mpeve epwa me swende levle e Nzama, me tib nde lotib ebir: ²⁴ Ya Yezu, wur e Nazareto, so sa ya oshuong nge? yo me za ana itsen le djak avar? me nte yia yole ne: musantu nge me tum Nzama. ²⁵ Yezu mo ngang nde bir: Megne odum eya,mpi pwe ledzung ewur ngena. ²⁶ Mpi mpeve epwa me pweza le wa wur ngeni, mo nik nde tshik-tshik, me tib nde lotib ebir ebir. ²⁷ Avar me yituk wa, mpi eyi wa eyul wa la wa: e na eshuong nge? wur na e long eshuong e Nzama ti akay ! Nde engang ata mpeve ipwa, mpi zo wil nde. ²⁸ Mpi nsang e Yezu eme pay-ko-pay le boo e Galileyia kokin. ²⁹ Ntang me pwe nde levle e Nzama, me kawa levle e Simom ti Andre. Yakob nda Jang ekawa mpi ndawa. ³⁰ Ok'le Simo onkar eyinde ledzuk ember ti fievre. Mpi ntang nge za Yezu, mokab wa nde. ³¹ Me kande mpimpi la nde, mo kir nde lewa, mpi mozum nde. fievre me siawa, onkar ni me bagne nde la sadil wa. ³² Ikonkuma, ntang nge me kam vun, ame yil wa Yezu avar ankang kakin eti ngeyi lawa mpeve epwa. ³³ Avar awaa kakin me keyu wa lefuk evle. ³⁴ E gulusa nde avar ngeyi na nkang etin letin. Me pur nde ampeve olal ipwa-ipwa. ³⁵ Lenkam evum,yezu me juyi nde, me pwe nde, me kande leza loka emwatuk ke nde ndi mie. Lwuna me bagne nde le sam Nzama. ³⁶ Simo ti avar ngeyi nda wa, ame kawa loling nde. ³⁷ Ntang ngoyen wa nde,me tib wa mugne:" avar kokin woling yia". ³⁸ Nda mugne:" Nswa no eka emwa,le wa waa ngele pipi, itsen leka lelong luna, itsen za ile eshuong nge zilme. ³⁹ Kende ekende le boo e Galileyia kokin, lale long lewa mvle ewa enzama itsen lale puru a mpeve epwa. ⁴⁰ Wur emwa eyinde la nkang e bala me zande oka ngeyi Yezu. me funkam nde, mowuon nde nda mugne: kan yo lang, yo kuk le sam itsen lame, nkum nsa. ⁴¹ Yezu me zuk nde mpam ekwa ngi. Mo zab nde ewua, mokir nde, mpi nda mugne:" me melang, yen ya nsa". ⁴² Ke le mbal emwatuk bala me siawa, nde mpi me kum nde nsa. ⁴³ Kakani, Yezu mokal nde waa mpi mokebisa nde, ⁴⁴ Nda mugne kansi keba ! obia kaab wur nso eshuong emwotuk. Kakab angang a Nzama. Ke ya kapa makab ekwa ngo kab Moyize lepa kaka, itsen le lak le veyi avar ke yo me kum nsa. ⁴⁵ Kansi wur ngeni, me kande le pay ko pay nsang wa okin, itsen Yezu akwan diaka leka lepay nsang ngeni lewa waa. me ke zaa nde levle, le boo e dzel la dzel. Mpi avar nge efa mp're la mp're, mozil wa nde.