1
Yezu e nga zwi la mpeve e nzama , mefa nde le nsa e yurden , mpeve e nzama eyiwa otwo nde lebooi e dzel .
2
Koo wur epwa mo meg nde nswi djum lini, nda yinder a pe labe ns' emie nswi ni ngama sia n,swini , nza mo kirwa.
3
Wur ipwa me tib nda nde : kozuk yia obwuy vann nzama , tiba litar ngena za kum imwiy>>
4
Yezu mo k' al :>> van meson:<< wur apa zing be k' l' imwiy>>
5
Wur ipwa , me twa nde yezu loka ngeyi le dzuk molang nde okumu eboo le ntang ithswi.
6
Wur ipwa me tib nde :<< ko pame kiyek mla nkem, wa mempa , ka pane za lewa wur nge lang .me.
7
Kozuk yia ome fukam labwong eme, yia ome nsamaa, kiyek , labim ka zawa e yia.
8
Yezu mokal ' nde << ka sam yia nkumu nzama eyia , ko lab yia imie.>>
9
Wu ipwa me twa nde yezu le yerusalema lo ntoine evre e nzama me tib nde << kozuik yiaz obwiy van nzamka , kwaa leboo.
10
Itshen < me son :<< k' apa yia nswa lewa a nkiere e yia l otshiong e yia, itshen wo batel.
11
Ko var wa la ngwa lotin ngele e kuu e yia ipe tam be litar.>>
12
Yezu mokal nde . wa meson. << opo meg be nkumu , nzama e yia>>
13
Tang e wur ipwa nge may nde le meg yezu , meza nde lotaa tii le mbal inki.
14
Yezu me kal nde galileya , livre e bire , la mpeve, esang me pay -wa lotshiong ngeni le teye eboo.
15
Yezu me bagne nde long lewa mvre iwa e nzama , avar ed yiwa olang ekaa kokin.
16
Me zande na zarete, wa ondele nge tshung nde ns' be okwan , me tshwe nde evlee le nzama.eswi e mposo, me zande onzumu le ntang lotib e bire.
17
No pawa onkar nge son mbikur ezayiko. me dub - nde onkan me yen nde mbook nge son wa.
18
<< Mpeve e nkumu az le wa me, itshen e mbiang nde magne lale long adjii a nsa lewa ange emboo. nda me ntum me long , lale lin avar nge kirwa l' olok ti lewa avar ngena wapa yen be , wayen , ti le kang avar ngena l' olok.
19
Itshen le kaba mvia e ngi e nkunu.
20
Yezu me dub nde onkar , me pande nsare ende , me kiere nde anse, viy avar ngeyi l'evle e bisam e nzama eyiwa wo kiang nde.
21
Nde me tib nda wa : lwana, otiba ngena eme swe lati ano>>
22
Wu kokin me yen wa , eswong nge tib nde n'se abim adjang lotibi e nsa ngeyi epwe lotum e nde. wu me yul wa<< nde pa bwiy be vann yozefo?
23
Yezu ma tib nda wa: << tshe- tshok n,o klab no esthumu ngena << mungang kum nsa yi imie - okin nge dzuk , nge otin emwa lewa yia onde le ngo wur wa.
24
Yezu metib nda wa<< le masong me nte tibi mano, nsa be nga yire, avar mbikun eswong e nzama , wo vey nde nsa lewa nga mo wur wa.
25
Menta kab no masong , ivre ankar nga mewa awum awa le ntang eli ompa ngeyi djuk e nga kang mvia ezayele la ngwan isomo ; eyiwa nzaa olala leboo .
26
Eli ata kabe nsokaa, k' lewa onkar e mwa ngame wa wa wum ngeyi e zing la sareta la sidona.
27
Eyiwa ivre avar ngeyi , lankang ebala le iliza le lere e mkikud Elise, lere ngeni nsa leti ewa be lin ipwa, lere naama wur esiriya nge kwa iowa.
28
Ngame dzuk wa eswiong ngeni, wu kokin ngeyi ani evle e bisam eyiwa la inkil .
29
Me zawa onzumu , no kun wa , le lien ewa ondele , mo twawa tu le imok e nguma nge ntung wa nteingne iwa , me kiy nde ivang le ngie .
30
yezu me lung nde l' izio me kande lokaa inki.
31
Yezu me kiy- nde le kaperna , wa ondel e galile ya, me bagne nde le long otiba e nzama l' eswi e mposo.
32
Me yen wa ngituk l' eswiong ngayi nde a long lakum kokin.
33
Kiang wur emwa eyinde elvee bi sema a yuda yinde la mpeve e l' insung ipwa. ngalinsung me tib nde lotib e bire.<<
34
A! oswiong nge ; kieso sayia , yezu e nazarete? yia omeza itshen le djak avar ? mente yie , obwiy la santu e nzama.
35
Yezu me ngang nde, wur nga linsung; zaa dzuk pwe le dzugna ewur na nga linsung ipwa me pwe nde; me kwande lezoo lizion iwa me pwe nde , le kwan de lekie emie.
36
Avar kokin me yen ngituk, wata suk be letibi wa-la-wa metib nda lisung lonkumu, la biure le mbiy me pwe wa.
37
Lesang e yezu me pay' wa lepre kokin eboo ewaa .
38
Yezu nga me fende l' evle e nzama , me kande l' evle sinonki, yinde a kie nkang ebire, yezu moling nde bisam.
39
Yezu me nien-nde pipi klande lembiy me ngang nde nkang ni:<< lim! nkang me thsia wa , lembiy onkar me zumnde mbal emwa, me bagne nde la paa abin nge yiwa la mfun eza.
40
Ompa pa kiy mvuna , avar me yiwa yezu avar e nkang otin kokin , yezu mazab - nde ngwa; lewa konso wur , me kuwa nsa.
41
Wa linsung me pwe wa ,mpi olala linsung leti ewa a yiwa a l:ok ilu-la ,< obwiy vann nzama!>> le mbiy yezu me ngang nde wa linsung , ndata pa mbok be le tibi itshen ayiewa, wa bwiy leti e klitu.
42
Le m'afee , me pwe nde, me kande , leboo e dzel , olal nde avar nge yi nde , wa me ling wa mpil lo kang mbook , leza otaa lawa.
43
Yezu me tibi nda wa << me mfetel mpi le, kaba lewa , awa ondele inki oswong e djang o nkumu e nzama itshen laza nge ntum wume ana>>
44
Le mbiye nde ful - nde le long leti ewa mvdel nzama lewa a yuda kokin.