¹ Me Yude, nsar e Yezu Klitu ti otung e Yakob, a me tum avar nge me vi Nzama, nge me pa luzing ewa le wa Yezu Klitu. ² Ngi, ngem ti boling e Nzama itshun le wano. ³ Otung, me yime nte kie bir la soon no itsen la mambote nge kiano, no la no. Me ling me la soon no mbal emotuka itsen la wuon no, le kwana leza lotin ekundim nge le le wa andim. ⁴ Itsen avar mwa leti no ekwa wa layel. Ke wa avar keni nge yen mpasi. Ampagne etshim mambote e Nzama le shuong eboo; we vweza ke nde Nk'mu Yezu Klitu. ⁵ Ana, me ntakan no : Nk'mu eshu mwa ake gulusa wur emotuka Egypto; ke lembeye, me djak nde avar nge kwana leyir. ⁶ Ti a Wanzio nge kwana le wum Kiyek ewa, nge miang eka ewa. ⁷ Ile nse Sodom nda Gomor eti awaa e mundzing, nge kwa wa ngawa le masum, biese e boo ngena. Wa pawa nse mban avar nge zik letshia e Nzama. ⁸ Otin emotuk lavar ngele lozung, wa edjak dzung ewa. Wa ep'le ok'mu ewa ntu, wa etib etshuong epwa-epwa. wa avan a Nzama. ⁹ Ata Arkanzi Mikayel, ntang nge tun nde etshuong e diabulu, en nyun nde listen edzunga e Moize, sanga tib eshuong ngele mfun be itsen lande. loka ngeni, nde nda mugne: Nzama opa ya ndola. ¹⁰ Kansi wa avar ngeni, ekie atwi loshuong ngele wa pe yia be. ¹¹ Ngi le wa-wa!itsen, we kie eshuong nse Kayino, wa me kie ipwa nge kie Balaam,, itsen ndava kaka. wa ka yene mpasi lembegne ngeyi le Kore. ¹² Wa ale nse avar nge bung olil kimvuk, wa pe zuk nswegne be, we yen osak, ¹³ Wa le nse esung ngele ape wur mbur be, nge nik lawula. Wale nse mbonge e Nzaa ti eshuong ewa epwe-epwa, nse ful-ful nge nik ledzuk ivey. oka ewa, lewa Nzama ele mpasi. ¹⁴ Enok, wur isambia loluong Adamo etib kuntwala nde: "Nk'mu ame wa le bing avar ete awa santu. nde ize le biak eshuong le boo okin. ¹⁵ Nde nze lenung avar apwa itsen le shuong ewa nge kiewa, eti etib-tib avar a masum loso nde. ¹⁶ Ile ke wa keni nge tsu-tsum, nge yapey nsang ipwa-ipwa. wale avar a lulen nge ye bwey atung itsen wa za kaka nsa. ¹⁷ Ke no, atung, kaan no etib nge tib wapostolo itsen la Nk'mu eso Yezu Klitu. ¹⁸ We tib wa mugne: lentshu ensuk, anze-twa ka zawa ke welab biese edzung. ¹⁹ otshia ewa ke nkabwan. we yen keshuong eboo, wa pe kaan be. ²⁰ Ke no, atung tir no libatisi esantu mpi sam no lembok e molimo santu. ²¹ Zaa no le boling e Nzam, mpi dulu no ngi Nk'mu so Yezu Klitu, ayil no luzing emvia-la-mvia. ²² Zaa no la ngi avar nge le ape yir be. ²³ Saab no wa letshia. Le wa amwa ozuk no ke wa ngi ti wom. Ata a lam nge me tsuk wa ebin la ipwa iwa, ope yir no za be. ²⁴ Ntang na, le wa wur nge le elur ewa, taar yande la kiese, itsen la nde, Nzam eso nge pa gulusa. ²⁵ Lombok e Yezu Klitu, Nk'mu, wa za la nkembo, lonen, lok'mu ti la bir ;lii, lwana mpi mvia-la-mvia. Amen.