Obuk 1

1 Me insul i dibun e Gayu nge palangme. 2 Otung me ntelang yo oza na le eshuong kokin le dzung ti lotum, otin nge lang me. 3 kiese me eyiwa ivri ompa nge kum atung, ti nga mekab wa wamugne yia etar la masong. 4 Kiese eme pazawa ivri zuk me nte shuk avan ame wetar ti masong. 5 Ndi ye kie kambok-kambok otshia nge kie yia itsen la atung ti langienya. 6 Nge me pay nsang e mambote eyia ti evra e Nzam. wa le intar ewa mpil nge wigne Nzam. 7 Wa meka le dzin e Yezu Klitu, wa ti zuk eshoung ampagne be. 8 So keyan avar atin ngeni itsen so kekie sawa atshia e Nzama. 9 Mo tshing ekan le evra e Nzam, Diotefe wur oso nge yir le ti ewa. Ateyam avar be. 10 Ndukza, ozuk me ntayen no, pakan me eshuong e nde epwa nga patib nda so. Itsen laza, nde peyam diaka atung be. 11 Atung saa labno ekom epwa, lab no ewuo. Wur pakie nsa a le e Nzama e nge kie abe mpale Nzam be. 12 So kanso ketib eshuong ewuo itsen la Demotrisi nge lang luzing ende, itsen yoyia ya mugne nge tib so ngena ale dji-dji. 13 Me yime a bime ivre la leson, ke me mpelang lo son za be. 14 Nte lang so ke tay sasepna itsen so ke zama. zala ngem e Nzam. 15 Itsen wa motshing mbor, pa wur la wur mbor.