¹ Me insul e dibun nto son yia kyria, kimvuk andim, nge pon wa ti andim e nde nge pa lang me, mpe ke me nga lang wa be, ale avar kakin nge yia otib e Nzam. ² Itsen masong e Nzama ile le wa so, masong ngeni kazawa le waso mvia la mvia. ³ Nsarsa, ngi, ti ngem e ta Nzama, eti e Yezu Klitu van nde, iza le wa no kanso, kakwa-kakwa lotum emwa. ⁴ Ezuk me nsa le yen avan aya, le taar otin nge wigne otib e Nzama, otin nge tib nsik nge pa avar taa. ⁵ Kyria, nge me tib ma ya ntang na, mpe lo pa ya nsik empa be; ke za nge yia so, oso ngeni: lelang so la so. ⁶ Le lang, ale le tar le nsik ende. Lokani, taar no kaka la nsik le mpil nge yiano oso. ⁷ Avar nge fa yong atung ame shwe ivbre le boo, wa pe yir be ke Yezu Klitu eza nde le boo, le fa ewur. Wur otin ngeni, ale mben e Yezu mpi ishu. ⁸ Za no layel no nga za, itsen la lekwana le wula, mbur otshia no; eling no va no, kova lifuti eno. ⁹ Wur ngele ngin ale ota lotib e Nzama, ngele ape kir malong e Klitu be, nde mpi Nzam be. Wur nge me yira malong ngeni ale nda Taa ti van. ¹⁰ Ozuk wur ama yihil no, e nde malong ni leti ende be , osang oyam no nde levle no, opo pano mbor be. ¹¹ Itsen wur ngo pa nde mbor, a me shie mpi le ipwa ende. ¹² Ata me mbuyi labim olal la soon no,me mpe nte lang la soon no za lonkan be.Nsa la le leka le wa no, so ke zaam le boo, itsen kiese iza. ¹³ Avan a Kimvuk e Kyriange poon me, wamo tsegne ya mbor.