¹ Agio dufana guhosa? dufana guzinga gaga mu masumu mu mwila Nzambi adu sagumuni? ² Lo guena gio, duena nga hadu aga fwa, masumu lo mafezi gudu salasi gima, kiyo du du fuezi gu zinga kega mu masumu. ³ Lo nu ba guisiya mbi adu akima duga sengidi mboziga mugu kala muvugi ye Yisu Klisto, duga sengidi mboziga yo mu mwila gu fwa ye yeyi? ⁴ Mboziga yedu iba gulesa mbi duga fwa ye Klisto aga du ziga ye yeyi, agio mbi dada Nzambi dia ga hindudidi Klisto mu lu fwa mu ngolu szienzi zi lugumu giogio adu ke du duga gasinga mu luzingu luhie. ⁵ Mbi duena muvugu umosi ye Klisto mu lu fwa gifa gi mosi, duga kala muvugu umosi dangu dada Nzambi diagaz du hindula giaga hindudidi yeyi. ⁶ Dufana guisiya pimbu mbi Nzambi aga sidi yifu yedu yitegu yigi mudu gihasi gimosi ye Klisto ha wulu kulunsi mu mwila yifu yedu yi masumu yifui, du konzi gu kala kega ha higa a masumu. ⁷ Mbi mudu wu fwa, lo a fezi gu kala kega mu higa wu masumu. ⁸ Mbi duga fwa ye Klisto, du gasa muzima mbi duga zinga gaga ye yeyi. ⁹ Mu mwila du gesiya mbi Nzambi wuga hindula Klisto mu lu fwa, lo afana gu fwa kega, agio lu fwa lo luena ye giyega gigu mugama yeyi ¹⁰ Yeyi wuga fwa agio masumu lo ma fezi gumu sala ke si gima, dangu di ena moni mu Nzambi. ¹¹ Anu ke gufa mosi, nu fezi gu hosa mbi nuena kega nga hadu aga fwa, masumu lo ma fana gunu sala si gima mu mwila nuena hadu a moni mu Nzambi gi mvuga ye Yisu Klisto. ¹² Mwila wenu wo wuga fwa, masumu lo mafesi gu yala gega mugu nu benda muga galanda nzala yibi yo yigui fanga muila wenu. ¹³ Lo nu fesi gu sadila kega mwilu wenu muga sala masumu nga go guena mbi gisalu gi mwila wenu giena muga sala mambi. ha nu hani mwila wenu guena Nzambi nga hadu aga duga mu lu fwa asenda moni, nu luhani mu wundu mugu sadila Nzambi, mu mwila gu sala panzi ma pimbu. ¹⁴ Masumu ma konzi gunu yala mu mwila lo nuena gusi lulendu lu misigu, ha gusi lusa gumunu lu Nzambi. ¹⁵ Agio dufana gu hosa yigi? diba gonda gudu yala misigu mu mwila Nzambi mugu du mugu musa, guba gulesuga mbi dufana gu sala masumu? Lo guena gio. ¹⁶ Pimbu mu guisiya mbi nu ba gusadila fumu umosi nugumbididi muilemvuga guena yeyi, agio nugu mini a higa a fumu yo wunu bagu lemvugila. mbi a higa a masumu mu nua gu fwa, mbi nu ba gulemvuga guena Nzambi yeyi maga nu gumbula. ¹⁷ Wega du mu hui Nzambi lugumu! mu mwila nu kedi tegu a higa a masumu ha dangu di mu luzolu lu Nzambi, nuena mugu landa malongi maga nu longidi. ¹⁸ Nzambi uga nu gadula mu masumu ye nu gumini a higa a ma panzi magu zolanga yeyi. ¹⁹ Iba gunu lesa nga giagu lesanga hadu mugi mudu, mu mwila nwena gonu hadu. tegu nu zinganga gi saga saga mu mwila nu salanga ma panzi mabi ye masumu nga go mbi nuga kedi a higa a ma panzi beni. ²⁰ Dangu di nu zingi mu ma panzi ma Nzambi, nu luhani mu wundu mu gusala ma panzi magu zola Nzambi. ²¹ Yigi nuga zuidi mugu sala ma panzi maba gunu hua soni dangu di? suga yi ma panzi mo gwena gaga lu fwa!. ²² Dangu di Nzambi uga nu gadula mu masumu ye nuga guma a higa enzi agio nugumini hadu enzi suga yi ma panzi mo yena moni wu miziga ye misiga. ²³ Mu mwila suga yi masumu yena lu fwa, haa magabu magu du hua Nzambi, mu lubogu lwenzi wena moni wu miziga ye misiga wu dwena wowu mu muvugu ye fumu yesu Klisto.