¹ Yigi du fedji guhosa muila Abalahami, kaga wedu mu musuni? yigi agosendidi nga mudu. ² Mbi Nzambi ma gumbudidi Abalahami mwila mapandji magasadidi, Abalahami aga sodidi gululesa ha gumesa ma Nzambi abalahami gi gudi lesa lo. ³ Mu mwila muganda u Nzambi ubagusa mbi Abalahami Agachidi mudjima guena Nzambi, ye gio gio Nzambi aga mugu ngumbudidi mu mwila luguigilu lwendji ⁴ Adidi, mudu ayo ugusalanga gisalu, agusendanga lufudu lwendji, lo agudanganga lufudu nge magabu, adi agudanganga lufudu lo luasenda mu mwila gisalu ⁵ giendji.Mu mwila mudu yo uba konda gusala, mbi usa mudjima huena Nzambi yo ugugumbulanga hadu habi, Nzambi agagumbulanga mudu yo mu mwila luguigilu lwendji ⁶ Davidi dia gasamunini kega guena mudu ayo ugagumbudidi Nzambi kugonda gisalu gia hosa: " ⁷ Kiesi guena aho agalolula mabi ye aho mabi maga suegamana. ⁸ Lusagumunu lukadi guena mudu ayo ugukondanga gudangila Nzambi mabi. ⁹ Lusagumunu dio lwena buna mu mwila hadu aho agahuga to mwila kega aho aga gonda guhuga? mugio dugu hosanga mbi luguigilu lua Abalahama lugesidi mwila mapimbu mendi. ¹⁰ Kiyo mapanzi amo maga bwidi? gugakedi dangu dia gawugidi Abalahami to dangu diaga kondjidi gumuhuga? lo agakedi mbi tegu aga muhuga ah lo gu muhuga. ¹¹ Abalahami aga zuidi gidimbu gigu muwuga nga gidimbu gigu gumbula luguigilu gia gasendjidi tama dangu diaga kondji gu muwuga , mwila akadi dada wu hadu akimina aga guigila, chi aga gonda guvuga ha luguigilu lukadi. ¹² Ye akadi dada wu mbuga yi luguigilu lu dada wedu Abalahami, luguigilu lua gakedi lolu nga wa ga gonda gu wuga. ¹³ Mugio, lo lugakala muila musigu mbi guganisa aga hanini guena Abalahami ye akaga endji mwila gifudji gi kimina gikadi giowu ha mu mwila luguigilu aga gumbudidi. ¹⁴ Hadu aho agulandanga misigu, mbi ho buna hadu afedji gusenda mapandji mo ma gahungu ma gadidi gimbangi gi Nzambi kega gi guendji gukala giwachi. ¹⁵ Muila mu musigu uba vala kabu, ha agonda musigi , lo gwena lo chila gulemvuga gu musigu. ¹⁶ Mwila gio hadu, muila luguigilu lowu, Nzambi agawedi magabu makadi nga mendji kega makadi mwila hadu akimina ho agavaluganga mugi ganda gia Abalahami. lo gwena buna mbi mu mwila hadu aho ena yi luguigilu luga kedi nge lwa Abalahami. Abalahami ena dada wedu a kimina. ¹⁷ Nge giogio gia gasonigidi mu muganda wu Nzambi, mbi, yiposila mugu kamla dada wu maganda mengi ma hadu. Abalahami ena dada wedu gu meso ma Nzambi ayo wa gachididid mudjima Nzambi ayo uguzangulusanga hadu aga fa, ye ugsalanga yima yo iga gonzidi gu kala. ¹⁸ Abalahami aga kedi ye luguigilu mugi mudu lo agakedi ye mpila yigusa mudjima, mwila agachidi kaka mudjima tunda agagumini dada wu "maganda mengi ma hadu" ngia gia gobogidi mu muganda wu Nzambi mbi: hadu aho avaluga mugiganda giayi agakala talu. ¹⁹ Abalahami aga kedi nge ye manvula gitesu difunda dimosi lo haga hedidi mugu sila Nzambi mudjima dia ganungidi mbi muila uga kedi nge ufa, dangu dia ganungidi kega mbi sala lo aga kedi ye pmila yi guvala hana. ²⁰ Abalahami lo aga gadudidi luguigilu lwedji, ye kega lo aga kedi ye midjima miadi mwila yo igahosidi Nzambi. mwila luguigilu luwendji luga mu wedi ngolu, yeyi agawedi Nzambi lugumu. ²¹ Yeyi asanga mudjima mumpila mbi Nzambi ufedji gusala mapanzi amo maga hosidi. ²² Tunda Nzambi aga gumbudidi Abalahami mu mwila luguigilu lwedji. ²³ Mwila mapandji ama Nzambi maga mugumbudidi yeyi lo aga sonigidi mu mwila yeyi buna. ²⁴ Aga bonigidi yoyi mu mwila hadu agagumbula Nzambi, hadu agusanga mudjima guena Nzambi ayouga zanguchidi Yisu mu lufa. ²⁵ Nzambi aga muhanini gu miogu mi hadu abiyedi aziya mu mwila hadu, mugio Nzambi dia gamuzangudisi mu lufa mu mpila mbi yeyi Nzambi adu nga lo dusala chi gima