¹ Mu mwila ayi lo uga kala ye ndolula, ayi yo ugu sambisanga agwedu, mugu sala gi, wena mugu lugamisa ayi beni. Mwila ayi gusambisa, weno musala yima beni yo. ² Adi, dwisi mbi gusambisa gu Nzambi yena gio, mu masonga gwena hadu a gu sala gio. ³ Adi, ayi gu gamisa hadu a mahangi fagio, muna gusala gio kega, ununga ufana gu gusuka mu gusambisa u Nzambi? ⁴ .Wena mugu bebisa gifumu gi mahangi ma pimbu,ma ndolula, mu pwede, lo wisi mbi ma pimbu mengi munu gu dwala mu gusoba igalulu. ⁵ Adi mugu gonda luzidu wayi ye muzima gugola wena mugu gubiga kabu mu ufugu ukabu uga sambisanga Nzambi. ⁶ Yeyi maga hana guena konso mudu mu mahangi mengi. ⁷ Gwena yaga gondamana mu ma hangi ma pimbu agu gambanga lugumu, migembi ye gu gonda guimbula hadu mu luzingu lugonda nsuka. ⁸ Ha ayo ugu gonda gu gaba, ugu gonda gu lemvuga mu masonga, ayo ugu salanga ma panzi masoni, makabu, ma kedji kedji. ⁹ Nzambi magesa gu duala pasi ye minianga guena yo uga sala mabi, guena Zwif tegu, kunima guena Agreki. ¹⁰ Adi ngemba, lugumu ye mi gunga mi kadi gwena mudu yu kusa;la ma pimbu, a tegu a Zuif ye a gonda Zuif. ¹¹ Mu mwila Nzambi agu sambisa pimbu. ¹² Kega yu kusala masumu gu gonda misigu maga fa gu gonda misigu wa haha aba sala masumu mu misigu a ga fila mu mwila yeyi. ¹³ Mu mwila hagu guifa misigu lo hena a pimbu mu mesu ma nzambi, hosa mbi a a hagwasamu isalu. ¹⁴ Mu mwila a gonda gu bodama, lo hena ye misigu, aba masala mu misigu, aba sala yima yi misigu, agesa misigu mwila ho beni. ¹⁵ Mugio, hena mugu lesa isalu hi misigu, iga sonamana mu misima miowu ye mu moyo wowu munu gulesa kimbangi ye manunga mowu mugu funda ye gulesa. ¹⁶ Mu hufugu ga sambisa Nzambi ma hangi magi swegi yi hadu mu mbuga yi ndaga yi Yesu Klisto. ¹⁷ Mbi wena Zuif, wena mu misigu wena mugu sebila mu Nzambi. ¹⁸ Mu guisiya luzolu, mugu sala yima yi misigu. ¹⁹ Mbi wena mugu nunga, wena mugu dwadisa ifa mesu, wangala yi hadu a piba. ²⁰ Mudu u wangala mu mwila ingidu, munu gu longa agwenu, mugu nunga mbi wena ye guisiya ye masonga yi misigu. ²¹ Mbiu wena mugu longa a gwenu, mwilegi uba ko gulu longa ayi mweni? wena mugu longa a gwenu mugu gonda guimbula, lo u guimbula? . ²² Ayi gu longa a gwenu mugu gonda gubida ye agasi, lo u gu sala gibi? ayi guna idegi, lo u u guimbila mu nzu i Nzami?. ²³ Ayi gusala gu lulendu yi misigu, lo ugu dugisa Nzambi mugu bidisa misigu ayi beni?. ²⁴ Mwila kumbu yi Nzambi yena mugu beba mu ma ganu mapaganu, mu mwila yi. ²⁵ Gu huga giena pimbu mu mwila yi mbi wena mugu lemvugila misigu, mbi wena mu guimbula misigu gu haga wayi giesa gu gonda guhuga. ²⁶ Mbi mudu yu ga gonda guhuga munu gu dala misigu, lombi gu gonda gu huga gienzi giesa gu huga?. ²⁷ Ayu gonda gu huga banda diaga valugidi munu gu lemvugila misigu, lo hena mugu gamisa yi gu n unga mbi wena mugu zidisa misigu mu isoni yi gu gonda gu huga? ²⁸ Agio, Zuif upimbu, ga yeyo aga huga mugazi lo mbi mu mwila wenzi. ²⁹ Muila gu huga mudu yi gifagio, lo iduga guena mudu, iduga gwena Nzambi.