¹ Adu hadu dwena ye lugwigila lu ngola,dufana gusadisa hadu ena ye lugwigilu lu zigi zigimu mwila mapanzi ma gwawanga pasi gu mizima;dugu ndenu gudala mapimbu adu buna. ² Ye hoshi mudu mugadji diedu,ufana gugamba mpila yi guhana kiesi gwena agwedu. ³ Mu mwila Klistu lo azolanga gugamba mapimbu menzi beni.Maga sonigidi mu miganda mi Nzambi mbi:gusawula gwa gusawulanga,gu gesidi gubwa mu madwi mami. ⁴ Mapanzi makima maga sonigidi mu muganda wu Nzambi,aga sonigidi mu mwila,gudu longa du mu gugonda muzima wu guhela,dukalenu ye giyala mu gumena mapanzi maga hosidi Nzambi. ⁵ Nzambi yo ugu duwanga giyala,yeyi magu dulesanga kiyo dufana guganda muzima,yeyi ufana gunuwa gikesa,mu mpila yi ngifila gani yi pimbu mu gadji dienu;agio anu nufana gulanda mahanga ma Yisu Klistu. ⁶ Mu gio anu akima mu mbalu imosi,mu guhana lugumu mu ndaga yi Nzambi ayo wena dada u fumu wedu Yisu Klistu. ⁷ Mu gio,mu mwila guhana lugumu gwena Nzambi,mugu yambagana nga giga nuyambidi pimbu Klistu. ⁸ Ami iba gunwambila mbi Klistu agesidi gusadila a Yuda mu mwila gulesa hadu mbi Nzambi aguhosanga gigidi,mu mwila mapanzi maga hosidi,gwena akaga ziedu maga magugisidi,Klistu magesidi. ⁹ Ye mu guhana giyala gwena aho agonda Ayuda,mugu hana lugumu gwena Nzambi mu kenda ziaga dufididi.Giaga sonigidi mu miganda mi Nzambi.Mugio ami miga hana lugumu gu mesu ma hadu o agonda Ayuda.Ami miga biganga migunga mu guzidjisa kumbu yenzi. ¹⁰ Maga sonigidi kega mbi:anu nugonda Ayuda,kalenu awa gusanguga mu mbuga yimosi ye hadu aga zola Nzambi! ¹¹ Amo megu gondanga guzola mu gusala ata gazigi,gwena momo megu salanga mi. ¹² Yezeya maga hosidi kega:yeyi maga dusa mu ganda di Yezaya mudu umosi uga yala gifudji gikima;ye yifudji ikima migasa minu gwena yeyi. ¹³ Wega mbi Nzambi u luzolu anu zesi mu kiesi ye mun ngemba dikima mu lugwigilu,mu mpila mbi anu nudi hani mu lugwigilu mu ngolu zi mpeve ya longo. ¹⁴ Ami beni ngiena mu gugwigila mu mwila ,anedu,mbi anu kega nuga zala ye luzolu lwingi sila,nuga zala ye gwisiya gwingi sila,nufana mugu longagana yenu ye yenu. ¹⁵ Mu gio ami iba gunu sonigila yena ye gugieba gukima mu mapanzi mamosi mu mwila gunwibuga kega,,gwena mu mwila magabu maga pedi Nzambi: ¹⁶ Mu mpila ami kadi gisadi gi Yisu Klistu waga dumisidi gu mesu mwa apaganu,maga pedi giyega mu gusala gisalu gi ndaga yi Nzambi,mu mpila mbi makabu ma apaganu makadi ma gugumbula mu mpila yi makabuma muhunga u vedila. ¹⁷ Ami gwena ye panzi mugu digumisa mu mwila Yisu Klistu mu mapanzi ma ddila Nzambi. ¹⁸ Mu mwial ami lo ifana gusoniga gima giega,kaga giogio gi ndesidi Klistu mu gugugisa mu mbuga yami,mu mwila gudwala apaganu mu guzidusa,mu ngolu zi idimbu ye imangu. ¹⁹ Gwena mu ngolu zi muhunga u vedila,mu mpila yimosi mbi banda gu Yelusalemi,ye mambu ma heyi heyi de gu Ilidiya,ami mbazi ludidi gumwanga nsangu yi pimbu yi KListu. ²⁰ Mu mpila yogio,luzolu lwami lugakedi mu mwila gumwanga nsangu yi Yisu,ha gwena mu buga yo KListu agesiya ganini,mu mpila mbi dugondenu gundunga awulu mamani maga yanzigidi mugwedu. ²¹ Nga giga sonamana:gwena aga gonzi gwifa,yeyi maga idala,ye aho aga gonzi gwifa owu magesiya. ²² Mu gio ami iga kedi ye mimedu mu gwenda gunwena nu. ²³ Ha mu daangu di,ami lo ngiena ye gihani mu gidjini gi manu ma,ye ami ngiena midjiga mingi,luzolu lu gwenda gu nwena nu. ²⁴ Mu gio mbi ami ngiaya gu Esipani,ami inunga mugu nudala mbi ami izola guhida,ye ami igenda yanu,gunima digu kala mu kiesi mu gwenda gusisa mi mu dangu dimosi. ²⁵ Ha mu dangu di ami ngiaya gu Yelusalemi mu gwenda gusadila a Santu. ²⁶ Mu mwila guga kedi kiesi gingi gwena hadu a Masedwani ye Akayi mugu sala nsisani yigifa gio mu mwila gusadisa a mpofi agakedi gu Yelusalemi. ²⁷ E,guga kedi giogo kiesi giowu gigola,ye mu gigidi,owu afana gusala giogio.Mu mwila mbi apaganu maga senzidi mbingu mu yi muhunga wu gedila,owu afana mugio,gusadisa kega gisalu gio gidadila yima yimosi. ²⁸ Mu gio mbi ami igugisa mapanzi ma,ye mbi ami ihidiga ndumba mu mwila owu,ami igesa mu mbuga yenu mu gwenda gu Esipani. ²⁹ Ami ngisi mbi dangu digesa gunwena nu,ami igesa ye guzala gu lusagumunu lu Yisu Klistu. ³⁰ Mu dangu di,ami iba gulonga,anedu,mu mbuga yi Fumu YIsu Klistu ye mu luzolu lu muhunga u gedila mugu nwana mu gimvuga yami mu isambu yenu gwena Nzambi. ³¹ Anu salenu giogio mu mwila ami kadi ugwanzuluga,gwena o agonda luzidu gu Yedeya ye mu mpila mbi makabu ma mena gu ngiena mi gu Yelusalemi yikadi yigu gumbula gwena asantu, ³² Mu mpila mbi,ami tudi gu nwena nu ye kiesi mu luzolu lu Nzambi,ye mbi ami kadi mu guhulu luga yanu gihani gimosi.. ³³ Wega mbi Nzambi wu ngemba akadi yanu.Ameni