¹ Hoshi mudu mu gadji dienu ufana gulemvuga gwena afumu a mbula madadi,mu mwila Nzambi mudu ugu hananga a Fumu akima mugu yala;aho agu yalanga owu agu yalanga mu nswa yi Nzambi,Nzambi yeyi mudu ugu hananga mbuga gwena mbula madadi. ² Mu gio hosi mudu yo uba gonda gulemvuga gwena mbula madadi yeyi kega lo aga lemvuga gwena Nzambi,aho agusalanga gio gwena owu beni agu saganga ndola. ³ Mu mwila afumu o lo ena mugu hana ndola gwena hadu agusalanga mapanzi mapimbu,ha gwena o agu salanga mapanzi mabi.Anu lo nugu zolanga gukala woma gwena afumu ambula madadi?Salenu pimbu ye anu maga nugumbula. ⁴ Mu mwila gwena asadi a Nzambi mu mwila mapimbu menu.Ha mbi anu nuba gusala mabi anu nufana gukala mu woma,mu mwila lo gwena mbi mu pamba owu aga senzidi kiyega gi guhana ndola. ⁵ Mu mwila gio anu nufana gulemvuga,gusugu mbi mu mwila gubanga ndola,ha mu mwila manunga menu ma gimudu. ⁶ Mu mbuga yo anu nufana gufuda gidadi,afumu ena ambula madadi ena asadi a Nzambi,owu agu dalanga mu dangu dikima mapanzi ⁷ mo. Mu gio anu nufana guhana yima yikima ayo ifana:gidadi gwena yo ufana,pagu gwena yo ufana,luzidu gwena yo ufana,lugumu gwena yo ufana mu lugumu. ⁸ Anu lo nufana guhana gima gwena mudu,mbi anu lo nuzola gana yenu ye yenu,mu mwila ayo uba guzola pangi wenzi yeyi aba gugugisa luzolu lu misingu mikima. ⁹ Mu mwila ayi lo ufana gusala gindumbu,lo ufana guziya,lo ufana gwimbula,lo ufana gulula gima gi mudu>>Ye gwena o akima aba guzinga owu afana gubonda luzingu lowu mu gidjini gimosi:<>. ¹⁰ Luzolu lo lugu lemigi sanga mugwedu.Mu mwila gio luzolu lwena gugu gisamana gu misingu mikima ma Nzambi. ¹¹ Mu gio anu nufana gwisiya mbi ndangu diguga,adio dinufana gugaduga gu dulu.Mu mwila lugulusu lwedu lwena heyi heyi mbi mu dangu dio ditegu didu gagwigididi. ¹² Pimba yidula gunsuga,ye dangu didula heyi heyi.Duga dugenu mu isalu yi piba,ye adu duvadenu mada ma gugia. ¹³ Dwendenu nga gidu gwendanga mu mwani,lo dufana gusala mbi adu duba gwenda gu makwela,lo mbi mugu nwa magana,lo mbi nga mu ungungu,,lo mbi mu manunga mabi,lo mbi mugu menga gana,lo mbi mugu saga gana muzima ubi. ¹⁴ Anu vadenu mu mbuga yi Fumu Yisu Klistu,ye anu lo nufana gusa muzima mu mapanzi menu ma gimusuni.