¹ Anedu,magani ma muzima wami gwena isambu gwena Nzambi,mbi owu aba gisamani. ² Ami ngiena muguda gimbangi mu panzi yowu mbi owu ena gikesa mu mwila Nzambi,ha owu agonda ndungi. ³ Mu mwila owu lo ibilagana gagidi ga Nzambi mugu mega mugu sungiga gagidi genzi,owu lo aga lemvugidi mu gagidi ga Nzambi. ⁴ Yisu ena gulungi samana gu misigu mu buga yi gudisungiga gu hoshi mudu yo ugwigila. ⁵ Mu mwila Mose maga sonigidi mu yo idadila gagidi go gena mu gadji ga misigu:ayo ugasa mapanzi ma mu isalu aga zinga mu yoyi. ⁶ Ha gagidi gena mu gadji ga lugwigilu gahosa gigi:guhosa lo gu muzima wami mbi na ugenda guwulu?Gwena mu mwila gugulumusa Klistu; ⁷ Mbi lo na ugenda gu wumbu di twiya?gwena mu mwila gugandula Klistu mu lufwa. ⁸ Ha dufana guhosa nigi?Ndaga yena heyi heyi yanu,mu ganu diayi ye mu muzima wayi.Nga giena ndaga yi lugwigilu ayi yiduga mwangidi. ⁹ Mu mwila mbi ayi munu gudusa mu ganu diayi mbi Yisu ena Fumu,ye mbi ayi mu gwigididi mu muzima wayi mbi Nzambi maga fudumunini mu Lufwa,ayi muga huluga. ¹⁰ Mu mwila gwena mu muzima,mudu agu gwigilanga mu gagidi,ye mu ganu yeyi agu mwanganga mapimbu. ¹¹ Mu gio nga giena mu isoni:hoshi yo ugwigila mwena yeyi,lo agamuyadila. ¹² Lo gwena ye gisobagani mu gadji ga Zwifi ye Agelegi.Fumu yoyo umoshi wena mu mwila mudu mukima ye yeyi ena mvama gwena mudu mukima,ayo ugu mugambanga. ¹³ Mu mwila ayo uga lenziga kumbu yi Fumu Yisu yeyi maga huluga. ¹⁴ Kiyo owu afana gumu lenziga,yeyi yo waga gonzidi gugwigila?Ye kiyo owu afana gumu gwigila.yeyi ayo waga gonzidi gwifa ndaga yenzi?Ye kiyo owu afana gwifa ndaga yenzi mbi lo gukala ye mudu muwa longa? ¹⁵ Ye kiyo gugakala ye alongi mbi owu lo aduma?Yoyi yiga sonamana:owu ena pimbu,milu mikima mi hadu o mi gwendanga gumwanga ndaga yi pwede,ndaga yi pimbu, ¹⁶ Ha lo aga gwigididi mbi owu akima,mu nsangu yi pimbu.Yezaya yeyi ahosanga mbi Fumu,yeyi maga gwigididi gwena mu malongi medu? ¹⁷ Mu gio lugwigilu lugwisanga mu yoyo yinu bagwifa ye ayo yinu bagwifa yi gwisanga mu ndaga yi Klistu. ¹⁸ Ha ami mihosanga:owu lo angifi langa?Mu mbalu yega!Ndaga yenzi mi gagudidi mu gifudji gimuwundu ye ndaga yenzi mi gedi de musuga gifudji. ¹⁹ Kega,Isaledi,lo agesiyiyi mbi Mose aga hosidi mudu utegu:ami miga soda uhala wenu mu yo igonda mu gifudji gi ye maga sonda kabu zienu mu gifudji gimosi gigonda ndungi. ²⁰ Ye Yezaya ena ndungi zingi,yeyi ahosanga,mbi ami igamonigidi gwena o aga gonzidi gukamba mi.Ami igedi guduga gwena o aga gonzidi gundenziga. ²¹ Ha mu mwila Isaledi yeyi ahosanga:ami miga zangudidi miogu miami ufugu ukima gwena hadu agonda luzidu ye agu sobanga.