¹ Anedu aluzolu,ami migu nuzolanga.Anu nwana kiesi giami ye gibingu giami mu gio Nzambi magapa lufudu.Gandenu muzima mu Fumu Yisu Klistu anedu aluzolu. ² Ami iba gulonga Ivodi,iba gulonga Sentisi mugu kala sanguga mu Fumu Yisu. ³ Ye anwakima zingangenu mu luzolu nga ambayi,ami ibagulomba mu gwasadid sanga.owu aga mwangidi nsangu ye gusala yami,ye Kidima ye ambayi ziami amosi agisalu aho makumbu mowu maga sonamana mu bugu di moni,bugu dio digasonigidi Nzambi makumbu ma hadu akima aho aga zinga mvula ye mvula. ⁴ Sebilenu dangu dikima mu Yisu,ami ngiena mugu hosilula,sebilenu mu Yisu. ⁵ Wega pwede yenu yisiya gani gwena mudu mukima. Yisu ena heyi heyi. ⁶ Anu nkadi mu kenda ata mu gima gimosi,ha mu gima gikima tegu mugu gisala wambilenu Nzambi mu mbuga yisambu,yigu muwonzila,ye isala yi madondji. ⁷ Kega,ngemba yi Nzambi ihida ndungi zikima miga nugieba nga mbulu mbulu,sanguga ye manunga menu mu Yisu Klistu. ⁸ Mu yo isala anedu,ikima yena gigidi,yikima yena pimbu,yena yiga gigidi,ayo yena yi pimbu,yena yikima yo yidu guzola,yikima yo yifana gukala pimbu,yikima yo yena yi pwede ye yisu ngamana mu lugumu yikama mbuga mu manunga menu. ⁹ Muyo yinu gefidi,yinu gayambidi ye gefidi mu madwi menu gu ngiena mi,ye yoyo yinu gadadidi mu gadji diami,isadilenu.Ye Nzambi ugu hanana ngemba maga kala yanu. ¹⁰ Ami igukala mu kiesi gingi gwena Fumu muyo yena mbi mu dangu di,mu mpila yinu gasoba gugumbula ye gugieba gwenu mu ngiena mi.Si giogio ginu gagumbudidi mu gusadisa mi tegu,anu lo nuga dadidi mpila . ¹¹ Ami lo iba guhosa yima yo mu mwila mi gonda.Mu gio ami miyefidi kiesi mu ikima yo itudidi mi. ¹² Ami ngisi guzinga mu dangu di ngiena mu pwisa,ye kega ami ngisi guzinga mu dangu diena yima yingi.Mu mpila yikima,ami miga longugidi gukala mu guguda ye gukala nzala,mu gukala mu guzwa ye mu gukala mu gugonda. ¹³ Ami ifana gusala yima yikima gwena yo ugu panga ngolu. ¹⁴ Mu dangu di anu nusadidi pimbu mu gwingila mugadji ga minianga miami. ¹⁵ Anu hadu a Fidipo,anu nwisi luyanzigu lu gisalu gi musamu u pimbu,mu damgu di gadugidi gu Masedwani,lo gugakedi ata ye dibundu dimosi digami muyo yidadila guhana ye gusenda,gugakedi kaka anu. ¹⁶ Ata mu dangu digakedi gu Tesaloniga,anu munu tumisanga guhida lusadisu lwenu muyo yidadila mapwisa mami. ¹⁷ Lo gwena mbi ami iba gugamba magabu,ha ami iba gugamba ndumba zio zifana gukala zienu. ¹⁸ Ami miga yambidi yikima,ye ami ngiena uwa guzala ye yima yikima.Yoyi yigakedi malasi ma gisulu gipimbu,nga gabu diga gumbudidi Nzambi,ye digakedi di pimbu. ¹⁹ Kega Nzambi diaga bagisidi nga mu umvama wenzi mu mapwisa menu makima,mu lugumu lwenzi mu mbuga yi Yisu Klistu. ²⁰ Mu dangu di,mu Nzambi ye Dada wedu,gwena ngemba mu mamvula ye mamvula.Ameni. ²¹ Nupanini mbodji gwena Akwigisi akima.Owu ena akima ana Nzambi.Akwigisi yami dunu dumisa mbodji kega. ²² Akima ena ha anudumisa kega mbodji,gwingi sila ambayi Akwigisi aha agu salanga gunzu yi Kayisala,Ampeledi. ²³ Pwisa yami yena mbi Fumu wedu Yisu Klistu adindamani mugu gusala mu gadji dienu ye luzolu.