Gunima di mafugu Yesu diesa gugidjiga gu gapedinaum . Hadu amosi diefa mbi yeyi ena munzu, ² Hadu engi agamuzedi gihani giguhida mu gwingila ambelu lo gigakedi. Yeyi dia banda gulonga ndaga . ³ Hadu engi diesa gwena yeyi, amudwadila gigada , gigasendamani gwena adu ngwana amala. ⁴ Mpila yi guwanagana ye yeyi loyigakedi mu mwila gibuga gi hadu gi ga kedi gingi. Howu dia dubula yangi di nzu ayo ya gakedi, ye agulumusa a lubu dio lagu dia gasidi gigada. ⁵ Yesu dia dala lugwigilu lowu , diambila gigada: mwana wami masumu mayi malolulamana. ⁶ Alongi amoshi a mishigu magakedi ho abwidi ashi ,munu gu dihosila gu midjima miowu: ⁷ kiyo mudu yu abaguhosa gi? ena mu gumwenza. Na ufana gulolula masumu mbi yebeni nzambi lo? ¹⁸ Alongogi a Zuani ye afadisayi madieganga nzala . Owu mesanga gwambila yesu mbi: Mumwilegi alongogi azwani ye afadisayi madunanga gudia mu mwila gusamba , ha mu mwilegi alongogi ayi agukonda guduna gudia ? ¹⁹ Yesu dia aginzigisila : ambayi amulumi afedji guduna gudia dangu diena mulumioy? mudangu adio diena owu ena ye mulumi, lo afedji guduna gudia. ²⁰ Mafugu magesa mulumi magamugadula,ye mugio owu magaduna gudia mu mafugumo. ²¹ Lo gwena ye mudu ufana gudunga gidedji gumuledi gihe -gihe mu muledi ugulu, mumpila yega, gidedji gi muledi uhe-uhe mi giganiada agio gi gulu, ye ugabaguga pimbu. ²² Ye lo gwena ye mudu ufana gusa magana mahe-mahe mu makuludu ma gulu, mu mbalu yega ,magana magadubula ma kuludu, ye magana ye makuludu mumagabeba, ha ufana gusa magana mahe-mahe mu makuludu mahe-mahe. ²³ Gu gakedi, ufugu usabata,Yesu dia bwila mangunduma masa. Alongogi, gudia mbuge -mbuge,dia gedi gubogula masa. ²⁴ Afadisayi dia mula: dala yigi abagusadila mapanzi magonda nswa gu mesu ma nzambi mu ufugu wu sabata? ²⁵ Yesu dia agidjigisila: anu lo ginudangategu ayo yigasadidi Davidi , dangu dia gakedi ye pwisa ye diagefidi nzala, yeyi ye oho agakedi yowu; ²⁶ kiyo engilanga mu nzu inzambi ,mu dangu di fumu wa nganga nzambi abiatar, ye madia ma gifumu ma gakedi kaka mu mwila anganga nzambi,ye mawanganga kega aho akalanga ye yeyi! ²⁷ Mugio yeyi u ambila:ufugu usabata ugasalamani mu mwila mudu, ye gwishigu mbi mudu; mumwila sabata , ²⁸ mu mpila mbi mwana u mudu ena longi u sabata.