Yisu dia gungiga alongugi enzi gumi ye ye mbadi ,dia awa ngilu ye giyega awulu di mihunga mikima mibi ye ngolu di gugodisa a kasi. ² Yeyi dia ga dumini mu gwenda gulonga gifumu gi gi Nzambi , ye gugodisa akasi . ⁴ Mu manzu me nwagwila kalangenu gogo ;ye gogo kega gunugenzila . ¹² Mu dangu di bwa gingwesi,alongogi gumi ye mbadi dia pusana ye dia hosa:duginzigisi hadu mu mambu mowu ma pembeni , mu gwenda gugamba gudia ye gubida mu mwila gihani gi gwena mudemu. ¹³ Yisu dia hosa: anu beni nwawi gudia. Ha owu dia hosa: adun dwena ye mibangi midanu kaga ye asi mbadi, guhida pimbu adu beni dusumbi yima yi gudia yowu akima. ¹⁴ Mu mwila ,gu gakedi gidesu gi mafunda madanu.Yisu dia hosa gwena alongugi: a bwisenu asi migumi madanu mu ndonga . ²⁰ Ye anu ,nuba gununga mbi ,ami gwena na? Pedula dia hosa :Klisto mu Nzambi. ²¹ Yisu dia hosa:nwambidigu mudu. ²² Yeyi dia bagisa mbi mwana mudu ma gamu niogula , maga mu mumbila , maga mu dega gwena ambuda anganga Nzambi ye gwena a isikidibi ye ma ga muziye ma ga fudumuga gunima mafugu ma sadu. ²³ Gu nima mbi mudu azola gwisa gundaba mi,adidegi ye beni agumbudi gusenda kulusi ye beni, ye esi gundaba. ²⁴ Mu giogo, mudu yo uzola guhulusa luzingu lwenzi, magalubidisa, ayo ugabidisa luzingu lwenzi mu mwila mi, ma gahuluga. ²⁵ Mugio, nfunu yigi mudu mugubinga mapanzi magifudji mbi ye beni ena mugudiziya? ²⁶ Ayo ugangifa mi soni mu ngaga yami, mu mapanzi mami, ami kega mi ga mwifa soni ufugu wigesa mu ngolu zi nzambi, yi awanzio. ²⁷ Yi ba mwambila gagidi: hadu hengi hena ha lo agafa ti gogo gwa ga dala gifumu gi nzambi. ²⁸ Yu nima di mafugu nana, diguhosa mapanzi mo makima, Yisu dia senda Pedula, Zwani, ye Jagi mu gwenda gusamba gumuselu. ²⁹ Mu dangu dia sambanga, mwila u Yisu di usoba, miedi mienzi miguma pembi sila. ³⁰ Yeyi asolulanga ye hadu mbadi: Mose ye Eliya di adugila. ³¹ Mu mugembu, ahosilanga gwenda gwenzi ti gogo gugaguga amo ma gahosidi gu Yerusalemi. ³² Pedula ye ambayi zienzi magabizidi, dangu dia hinduga, o dia dala mugembu hu Yisu agazi ga hadu mbadi. ³³ Mu dangu di gabulagananga Yisu ye hadu ho, Pedula diambila Yisu: "longi, gwena pimbu adu mugukala aha, dudungenu manzu masadu, yi mosi yayi, yi mosi yi Mose, yimosi yi Eliya". Ha lo esiyanga yahosanga. ³⁴ Mu dangu disolulanga, duda diesa gwafuga, ye woma ugola diu gagamini, diagengididi mu duda dio; ³⁵ Ndaga di yiduga mu duda di hosa:" Ayo ena mwana wami uluwolu, nu mwifidi !" ³⁶ Dangu di agefidi ndaga hiduga mududa, Yisu agakedi ye beni. Alongugi agakedi pwede, ada umosi lo agulanga,mu dangu dio, si gima lo yigakedi yo ya gadadidi. ³⁷ Mufugu ugalabidi, dangu dia duga gu muselu, dia dala gibudi gi hadu munu gwisa gumesu ma Yisu. ³⁸ Mudu umosi agazi dia banda gwabuga :" longi, miba honzila, dala mwana wami mu disu di pimbu! mwila ena yoyu umosi kaka. ³⁹ Muhunga ubi ugamuniogula, mbi umwisila lo uzola gumwega pwede mugu muniogula kaga. ⁴⁰ Mi galombidi gwena alongugi ayi mu gumusadisa, lo agagugidi guhanga muhunga wo.