1
Gugakedi ufugu umosi u sabata awule nziganga umbadi ye utegu, Yisu ahidanga mu gadji ga ngundu yi bule. Alongogi enzi dia danganga misagala mi bule, ye munu gudia, gunima digu isenda gu miogu miowu.
2
Afadisayi amosi diaga mudidi: mu mwila yigi ayi uba gusala mapanzi magifa gi mu ufugu u Sabata?
3
Yisu dia aginzigisila mbi: anu lo nuga dangididi mapanzi maga sadidi Davidi, mu dangu dia gefidi nzala, yeyi ye amosi o aga kedi ye yeyi;
4
Diengilanga munzu yi Nzambi, yeyi dia senda mapa maga ganini, ye dia dia, ye diaga wedi amosi o aga kedi ye yeyi, si mu mpila yi gio giga kedi musigu mbi Anganga Nzambi lo afana gudia?
5
Ye yeyi dia ambila: mwana mudu ena longi ata wu ufugu u sabata.
6
Gugakedi ufugu umosi kega u Sabata, Yisu ma gengididi munzu yi Nzambi, ye yeyi ma longanga. Gugakedi ye mudu umosi gogu dienzi di gidada diga kedi dikasi.
7
Asikidibi ye Afadisayi mamu adalanga Yisu, mugu mudala mbi yeyi magu sala gimangu gi gugodisa mudu yo mu ufugu u sabata: mu mpila mbi owu adugididi mugu mufunda.
8
Ha yeyi mesiyanga manunga mowu, ye yeyi diambila mudu yo uga kedi mukasi: zanguluga, ye ayi kala agadji. Yeyi diaga zangulugidi, ye diaga dumbamanini agadji.
9
Ye Yisu dia ambila:ami iba gunula mbi gufana gusala mana, mu ufugu u sabata, mugu sala pimbu mbilo gubiya, mugu sadisa mudu mbilo mugu muziya.
10
Mu gio yeyi diaga banzidi gudala mudu mukima yo uga kedi o, yeyi diambila mudu yo:zangula gogu diayi.Yeyi dia zangula,ye gagu dienzi didi gagodidi.
11
Owu dia gefidi kabu zingi sila, ye owu dia gedi gusa fundu yowu ye yowu mu gudala ayo yafana gusala mu mwila u Yisu.
12
Mu dangu dio, Yisu dia gedi gu muselu mu mwila gusamba, ye yeyi aga sadidi piba yimuwundu mu gusamba Nzambi.
13
Dangu digia guma, yeyi diaga lenzigidi alongogi enzi, ye yeyi diaga ponini alongogi kumi ye mbadi, aho yeyi diaga wedi kumbu yi Apositola:
14
Simoni diaga muwedi kumbu Pedula; Andedi pangi wenzi; Jagi; Zwani; Fidipi; Batelemi;
15
Madayi; Toma; Jagi, mwana u Adifeya; Simoni, wa leziganga Zeloti;
16
Zude, mwana u Jagi; ye Yudasi Isikadiyoti, ayo uga gumini mbeni u Yisu.
17
Yeyi diaga gulumugidi ye owu, dia gomanini a gihanini gimosi gina gipimbu, aho agakedi ye gibudi gi Alongogi enzi ye gibudi gi hadu engi gi Yudeya, gi Yelusalemi, ye gi sambu gi nzadi u Tidi ye u Sidoni. Owu agesidi mu mwila gwifa ndaga yenzi,ye mu mwila yeyi agodisi mu makasi mowu.
18
Aho aga kedi ye mihunga mibi maga godidi kega.
19
Ye mudu mukima agambanga gugama ata mwila wenzi, mu mwila ngolu muzi duganga mu gadji dienzi ye mizia godisanga owu akima.
22
Kiesi gigakala gwena nu,dangu diba gunu menga hadu ega, mu dangu diaga nuhanga,gunu dega, ye maga mbila kumbu yayi nga dimi di twiya, mu mwila kumbu yi mwana mudu!
23
Kalenu mu kiesi mu ufugu wo gio, ye gandenu muzima mu kiesi gingi sila, mu mwila lufudu lwenu lugakala lwingi gu wulu; mu mwila adada owu asalanga kega giogio gwena ambigudi.
24
Ha kenda gu nwena nu, amvama, mu mwila anu nwena ye musadisi!
25
Kenda gu nwana nu nwena mu guda, mu mwila anu munu gakala mu nzala! Kenda gu nwena nu nwena mugu seya mu dangu di, mu mwila anu munu gakala mugudila.
26
Kenda, dangu di gahosa hadu akima mu pimbu yenu, mu mwila gwena mu giogio gisalanga adada owu gu mesu mambigudi abi!
27
Ha ami iba gunwambila, anu nuba ngifa mi: zolenu ambeni enu, salenu mapimbu gwena o aga numenga,
28
Sagumu nenu hadu o aba gunu lagila mabi, sambenu mu mwila hadu o aba gunu niogula.
29
Mbi mudu uguwa mbada mu dama dimosi, muwi kega dama dio dimosi. Mbi mudu usenda gazaga gayi, gumu ganda mbuga lo mugu guwa kega mulamba wayi.
30
Hana gwena yo ugu lomba,ye gunwanisa lo mudu yo wembula gima giayi.
31
Ayo yinu zola nu mbi hadu anu sadi,anu salenu kega giogio gwena o amosi.
32
Mbi anu nuzola aho agu nuzolanga, mbingu yigi anu nuga senda?Hadu ama sumu aguzolanga kega oho agwazolanga.
33
Mbi anu nusala pimbu gwena o agu nusanga pimbu, mbingu yigi anu nuga baga?Hadu amasumu kega agu salanga giogio.
34
Mbi anu nudefisa gima gwena o enugu nungilanga mapimbu, mbingu yigi anu nuga baga? Hadu amasumu kega agu salanga giogio gwena hadu amasumu,mu mpila mbi owu azwi gigeledi.
35
Ha zolenu ambeni enenu,asalenu mapimbu, ye anu nudefisenu mu gugonda gununga mu lufudu. Ye lufudu lwenu nuga kala luneni, ye anu nuga kala ana Nzambi, mu mwila yeyi ena pimbu gwena o agu gondanga nunga di gugidjigisa madodji ye gwena hadu akabu.
36
Anu nukadi hadu ena ye kenda, nga giena dada wenu mudu u kenda gwena mudu mukima.
37
Anu lo nufana gusambisa mudu,ye anu lo kega aga nusambisa;anu lo nufana gugongila mudu nkanu,mu mwila anu kega lo aga nugongila nkanu,gadulenu,ayi muga gagaduga.
38
Anu nuhani ye miga nuhana manina:Maga nusila awulu tulu yayi,gidesidi gi pimbu,giguganda,gigu nigisa ye migi gahidagana;mu mwila anu maga numegisa mu gidesidi agio giaga nusadidi.
39
Yeyi dia mwambila kega gingana gio:mufi mesu ufana gudwala kega mufi mesu?Owu lo agabwa mbi owu mbadi mu wumbu.?
40
mulongogi lo afana guhida gimbuda gwena longi wenzi.
41
Mu mwila yigi ayi uba gudala malengi mema mu disu di mugwedu,ye ayi lo uba gudala adio diena mu disu diayi?
42
Mbi lo kiyo ayi ufana guhosa gwena pangi wayi,mbi pangi,wega mbi ami igu gadudi gudondu giena mu disu diayi,ayi yo iba gonda gudala gidondu gio giena mu disu diayi?Mupala gadula tegu gidondu giena mudisu diayi gunima nga wenzi gugadula agio giena mu disu di pangi wayi.
43
Lo gwena mbi mudondu upimbu ugu valanga ndumba zibi,lo kega mbi mudondu ubi ugufalanga ndumba zipimbu.
44
Mu mwila hoshi mudondu ugwisi yagana mu ndumba zienzi.Lo nufana guda mbwengi mu masa.
45
Mudu mupimbu agusalanga mapanzi mapimbu,gimvama gipimbu mu muzima wenzi,ye hadu akabu agusa langa yima yibi,mu gimvama gibi,mu mwila mu manunga ma muzima ganu digu hosanga.
46
Mu mwila yigi anu nugu ndenziganga Fumu,Fumu!Ye anu lo nugu salanga ayo yigu nulombanga mu gusala? Ami miya gunulesa na wena gigeledi ye mudu yo ugesa gu ngiena mi,ugwifanga ndaga yami,ye yeyi munu guyisa mu isalu.
47
Ena gigeledi ye mudu yo,ugadungidi nzu
48
umosi,yeyi aga simini tama,ye yeyi maga mamani ma luyanzigu awulu mamani.Mu dangu diga niogidi mvula yineni,mema dimazala,dima nigisa nzu yo ha yoyi lo iga bogugidi,mu mwila yoyi iga dunga manini pimbu.
49
Ha ayo wefa,ye lo ayisa mu isalu,yeyi ugugana ye mudu yo uga dungidi nzu yenzi awulu selu,lo aga sidi mamani ma luyanzigu.Dangu digesidi gipubulu:nzu yo miga bwidi;ye kenda zi nzu yo ziga kedi zingi sila.