¹ Mu dangu dio gugakedi ye hadu amosi agakedi o owu madelanga Yisu mapanzi mo maga hidjidi gwena hadu a Ngadidi,giga gosidi Pilatu magila ye momo ma magabu menzi ma yidegi. ² Ye yeyi diaga ginzigi sidi mbi:anu gwigilenu mbi mudu wu Ngadidi yo agakedi mudu wu masumu sila muneni guhida owu akima,Mu mwila owu aga niogugidi giogio? ³ Lo,ami iba gunwambila.Ha mbi anu lo nwalumuna midjima,anu munugafa anwakima. ⁴ Mbi lo ,hadu o kumi ye nana,mu mbuga yowu diaga bwisidi Silowe,ye yeyi diaga zidi,anu gwigilenu mbi lo ena hadu agesiyiyi gisina gi panzi,mbi gusugu hadu akima a Yelusalemi? ⁵ Lo ami iba gunwambi,mbi anu lo nwalumuna midjima anu akima munu gafa. ⁶ Yeyi kega diaga ambididi gingana gi:mudu umosi agakedi ye mudondu wenzi wu Figiye waga gunini mu ngundu yenzi yi Vinu.Yeyi dia gesidi mu guda ndumba yeyi lo agesidi gubaga ata gima. ⁷ Mu gio yeyi diaga mbididi mudu yo ugengidilanga ngundu mbi:dala mamvula masadu ami ngiena mu gwisa mu gudala ndumba zi mudondu wu ami lo iba gudala si gima,ayi uvugi mu mwila wowu ugonzi gusenda gihani gipamba mu ngundu? ⁸ Mudu ugengidilanga ngundu dia mwambila:lo,Fumu,adu duwengi kega mvula yi,ami maya gusima mu mbimba ye mbimba.Ye ami miya gusa idondu. ⁹ Mbalu yega wawu mugu vala ndumba,mbi lo ayi nga wuvugi. ¹⁰ Yisu ma longanga munzu yi Nzambi yimosi,mu ufugu wu Sabata. ¹¹ Ye dala gugakedi ye mugosuna umosi ugakedi ye muhunga ubi uga mugumisidi giganda miziga kumi ye nana;yeyi agakedi ubidjidi,ye yeyi lo aguganganga mu gwalumuga. ¹² Mu dangu diamu dala,Yisu dia mwambila,ye dia hosa:Mugosuna yu ayi ugola goyi mu ugada wayi. ¹³ Ye yeyi diaga musudi gogu awulu muduu,mu dangu diodio yeyi diaga godidi,ye yeyi dia gumisanga Nzambi. ¹⁴ Ha Fumu wu nzu Nzambi yo,lo agakedi mu kiesi muyo yiga sadidi Yisu mugu godisa mu ufugu wu Sabata ,uhosa mu gibudi gi hadu agakedi ho:gwena ye mafugu masambanu mu mwila gusala;anu nga nwisi mu mwila gugola mu ufugu wo,ye lo mbi ufugu wu Sabata. ¹⁵ Apala!Yisu dia ambila gio:Mu gio lo gwena ye mudu mu ufugu wu Sabata ugwanzulu langa lumema lwenzi mbi lo ngombi mu mwila gwenda gimu disa,mbi lo gumu nwisa mema? ¹⁶ Ye mugosuna yu wena mwana mugosuna wa Abalayami,ye kega Sadani uga muganda miziga gumi nana,lo dufana gu mwanzulula mu misinga mi mu ufugu wu Sabata? ¹⁷ Mu dangu dia baguhosa gio,ambeni enzi akima gisaga saga digi engidila,ye gibudi gi hadu o diage fidi kiesi gingi sila mu makima magasadidi Yisu. ¹⁸ Yeyi dia hosi lula:gifumu gi Nzambi giguga gana ye yigi? ¹⁹ Giogi gigugana ye lundumba lu seneve alo luga senzidi mudu dia lumbila mu ngundu yenzi:lolu di luduga,luguma mudondu,ye anzila awulu esanga guzinga mu matangu ma mudondu wo. ²⁰ Yeyi dia hosa kega:ami ifana gumega gifumu gi Nzambi ye yigi? ²¹ Giogi giguga gana ye ndambu levidi adio disenda mugosuna usa mu ndambu yi fuba,mu guzimbisa fuba yikima. ²² Yeyi mendanga gisaga saga mu mambu meneni ye mazigi zigi mu mwila mugu longa ndaga yi Nzambi ye yeyi mendanga de gu Yelusalemi. ²³ Mudu umosi dia mwambila:Fumu guga kala kaka ye hadu ndambu aga huluga?Yeyi dia ambila: ²⁴ Anu senu gikesa mu gwingila mu mbelu yi sungamana.Mu mwila ami iba gunwambila,engi aga gamba mu gwingila ha lo aga guga. ²⁵ Mu dangu digesa mweni nzu ye dangu dia ganda mbelu,ye mbi anu nusala hanzi,anu munu gabanda mu gubedjiga a mbelu,mugu hosa:Fumu,fumu,dwanzulu lenu!Yeyi aga nwambila:ami lo ngisi mbi anu nuduga kwiyo. ²⁶ Mu gio anu beni nuga dihosilanga:adu mudu gadidi ye gunwa gu mesu mayi,ye ayi muga longidi mu mapangu medu. ²⁷ Ye yeyi aga ambila mbi:ami iba gunwambila,ami lo ngisi mbi anu nwena ana,gadugenu dugogi,angiena mi,anwa aikima,hadu a gisalu a masumu. ²⁸ Gugakala ye yidilu ye miniengu mu ufugu ugakala gio,mu dangu dinu gadala Abalayama,Izaka ye Yagobi,ye ambingudi akima,mu gifumu gi Nzambi,ye anu maga numbila hanzi. Yeyi aga duga gugu duganga dangu ²⁹ ye gugu ziamanga dangu,mu gongu di gidada ye digi gimaya:ye yeyi agakala awulu mesa mu gifumu gi Nzambi. ³⁰ Ye kega gugakala ye oho agakedi hadu ategu ye maga guma hadu ansuga. ³¹ Mu ufugu wowo,Afadisayi amosi diagesidi mu gumwambila:gaduga aha,mu mwila Yelodia abazola guziya. ³² Yeyi dia ambila:anu nwenzi gwambila mudu yo:mbi ami ngiena mu gudusa mihunga mabi ye ami ngiena mugu godisa hadu mwanongu ye gakela,ye ufugu usadu ami miga manisa. ³³ Ha guba gundombu gila mbi ami ngienzi mwanongu,gakela,ye ufugu ulaba;mu mwila lo gwena telu mbi mbigudi ufana gufa hanzi yi Yelusalemi. ³⁴ Yelusalemi,Yelusalemi,uba guziya ambigudi ye uba gubula aho aga dumisidi ,mbalu zigwi ami igazodidi gugosa ana ayi,nga gigu gosanga kogu ana enzi gusi mava,ye anu lo nuga zodidi! ³⁵ Dalenu nzu yenumiyi gasala;ha,ami igu nwambila,anu lo nuga tala,de gogo gunu gahosa mbi:asagumugi mudu yo uba gwisa mu kumbu yi Fumu!