¹ Galatiya zoba,na ugu loga?Mu mwila ayi uga yambidi ayi nsangu yi Yisu uga fidi awulu nkulusi,diaga nulesidi! ² Ami izola mbi ami beni ngifi gu nwena nu beni.Anu nuga sendjidi muhunga u gedila mu isalu yi misigu,mbilo mu lugwigilu alo lunu gefidi anu beni mu madwi menu? ³ Anu nwena mazoba sila.Anu nuga bandjidi mu muhunga u gedila,mwanongu di nuzola gusuga mu gimu suni? ⁴ Anu nuga niogugidi gonu pamba,mbi muga gidi anu munu ganiogu gidi gonu pamba? ⁵ Mpila yimosi,ayo uga nuwedi muhunga u gedila ye uga sadidi isalu yi gola mu gadji dienu,yeyi aga sadidi mu ngolu zi misigu mbilo mu gwifa lugwigilu? ⁶ Nga:<> ⁷ Wisiyenu mbi hadu akima aho aga gwigila owu ena ana Abalayami. ⁸ Isoni iga zodidi mbi Nzambi abingisi ampani mu lugwigilu.Nsangu yi pimbu yiga mwanga ganini gu mesu ma Abalayami:<> ⁹ Mu gio aho ena ye lugwigilu,owu ena aga sagumuga ye Abalayami ayo uga kedi ye lugwigilu. ¹⁰ Aho agu nungilanga isalu yi misigu,owu ena gu masina ma gidumbu,mu mwila yoyi yiga sonamana:<> ¹¹ Mu dangu di yoyi yena gidengeni mbi Nzambi lo aga bingisa mudu mu musigu mu mwila:<> ¹² Misigu lo migesidi mu lugwigilu,ha mu gwalumuna:<> ¹³ Klistu uga dusumba mu gubiya gu misigu,mu dangu diaga gumini mu ihongu yededu,mu mwila yoyi iga sona mana:<> ¹⁴ Gisina giga kedi mbi mabi makima maga kedi gwena Abalayami mesi gwena ampani mu kumbu yi Klistu Yisu,mu mwila mbi adu duyambi lasi di muhunga mu lugwigilu. ¹⁵ Anedu ami iba gunwambila mugi mudu.Nga mu bandu yi,muganda ukima awo usa lamana gwena mudu,lo gwena ye mudu mwega ufana guduna ayo yasoniga yeyi,lo gwena ye mudu ufana guduna gabu dio diguwa Nzambi atakiyo. ¹⁶ Mu dangu di magabu ma hana manini gwena Abalayama ye gwena ganda dienzi.Yoyi lo izola guhosa mbi:<>yeyi ufana gubuga hadu akima,ha mu gwalumuna,gwena mu mwila mudu umosi buna:<> gwena Klistu! ¹⁷ Dangu di ami ihosa gigi,gimbayi gidu gumbula gitegu gwena Nzambi lo gifana gufa mu misigu amio migesidi miziga makama mawana ye magumi masadu(430 ans). ¹⁸ Mu mwila mbi umvama wisi mu mbuga yi misigu,wowu lo ugenzi gwisa mu guganisa,ha Nzambi maga hanini mu pwede umvama gwena Abalayami mu mbuga yi magani. ¹⁹ Mu mwila yigi misigu miga kedi ho?Miomi miga bagisa manini mu mpila yi gabebida misigu,mu gudula gu giganda gia Abalayami,gwena ho,aga wedi magani,ye owu diaga panzidi misigu mu buga ya Awanzio,mu kumbu yi mudu udu gami nanga mudongu. ²⁰ Mu dangu di mudu udu gamininga mudongu lo aba gusadila mbi mudu umoshi,mu mwila mbi Nzambi ena ye beni. ²¹ Mugio,misigu miena gubiya mu magani ma Nzambi?Lo gwena gio!Mbi musigu ugola ugu hana luzingu mbi ukadi uguhana mana,gagidi ga gezi gwisa mu musigu wo. ²² Ha mu gisoba gani,isoni yiga gaganda manini gu masina ma masumu.Mu gio,magani ma Nzambi mu gudu bigisa du mu misigu mu gadji ga Yisu Klistu muga hanamanini gwena o aga gwigila. ²³ Ha tegu lugwigilu mu Yisu Klistu mu gwisa,adu duga kedi mu bologu ye duga swega manini mu musigu dee mugu lesamana gu lugwigilu. ²⁴ Adi,musigu ugesidi mudu ufana gudu gieba de mu dangu di gwisa gui Yisu mu mpila mbi adu duga kala mu lufundusu lu lugwigila. ²⁵ Mu dangu di mu lugwigilu lwena ha,adu lo dwena mu guyega gi gifumu gi mudu yo ufana gudu gieba. ²⁶ Mu mwila adu dwena akima ana Nzambi mu lugwigilu lu Yesu Klistu. ²⁷ Anu akima nuga sendjidi mbodjiga mu Yisu,anu nuga vada Yisu Klistu. ²⁸ Lo gwena ye Zwifi mbilo Mugelegi,mbilo muhiga,mbilo mudu upwede,mbilo yala,mbilo mugosuna,mu mwila anu akima nwena mudu umoshi,mu gadji ga Yisu Klistu. ²⁹ Mbi anu nwena mu gadji ga Yisu Klistu,mu gio anu nwena mu ganda di Abalayami,mwana u muzimja mu mbuga yi magani.